Sams 112:3 - Pijin Deuterocanon

³ Bae Yawe hemi mekem olketa ris an garem plande gudfala samting. An God hemi talem dat man ya hemi stret olowe.

Pijin Bible

³ Bae Yawe hemi mekem olketa ris an garem plande gudfala samting. An God hemi talem dat man ya hemi stret olowe.

Sams 112:3 Iomraidhean Croise

Stori abaotem Job 5:24

Bae yu save stap long piis long ples blong yu. Taem yu sekap long olketa sipsip blong yu, bae yu save lukim dat olketa stap gud nomoa.

Sams 111:10

Eniwan hu hemi laek fo kamap waes hemi mas tinghevi long Yawe. Ya, hemi givim gudfala tingting long olketa hu i obeim olketa gudfala toktok blong hem. Yumi mas preisim hem olowe.

Sams 111:3

Evrisamting wea hemi duim hemi liftimap nem blong hem, an olketa somaot paoa blong hem wea hemi King. An bae stretfala wei blong hem hemi stap olowe nao.

Sams 112:9

Hemi gohed fo helpem olketa pua pipol, an olketa gudfala wei blong hem bae hemi stap olowe. God hemi talem dat man ya hemi stret olowe, an bae olketa pipol i tinghae long hem.

Sams 34:10

Maet olketa strongfala laeon i save sot long kaikai, bat olketa wea i go long Yawe fo help, olketa nao i garem evri gudfala samting.

Sams 34:11

Yufala olketa yanga, yufala kam an lisin long mi. Bae mi tisim yufala fo tinghae long Yawe.

Provebs 15:6

Olketa stretfala man i garem plande gudfala samting, bat trabol nomoa hemi pei blong olketa man nogud.

Provebs 21:20

Waesman garem plande gudfala samting long haos, krangge man finisim evrisamting.

Provebs 3:16

Hemi givim yu plande gudfala samting an longfala laef tu, mekem pipol tinghae long yu.

Aesaea 32:17

An bikos olketa falom disfala stretfala wei, bae olketa save stap long piis, an bae olketa save stap gudfala olowe an no wari moa long enisamting.

Aesaea 33:6

Bae Yawe nao hemi olsem strongfala faondesin, mekem yufala no save foldaon. Wei wea hemi sevem yufala an hemi givim yufala waes an save, hemi olsem bikfala risis wea yufala save tekem, taem yufala barava mekhae long Yawe.

Aesaea 51:8

Olketa pipol ya bae i lus finis, olsem kaleko wea kokoros hemi kaikaim. Bat stretfala wei blong mi fo sevem man bae hemi gohed olowe nao.”

Matiu 6:33

Bat fas samting yufala mas duim, yufala mas aftarem kingdom blong God, an yufala mas tingim tu fo duim wanem hemi laekem. Sapos olsem, God nao bae hemi givim kam olketa narasamting ya long yufala.

2 Korin 6:10

Samfala mekem mifala fo sore tumas, bat mifala hapi olowe nomoa. Mifala pua tumas, bat mifala helpem plande pipol fo kamap ris moa. Mifala no garem enisamting seleva, bat mifala nao barava onam evrisamting.