Provebs 16:2 - Pijin Deuterocanon

² Maet man hemi tingim wei blong hem i barava gud nomoa, bat Yawe hemi skelem wanem hemi laekem.

Pijin Bible

² Maet man hemi tingim wei blong hem i barava gud nomoa, bat Yawe hemi skelem wanem hemi laekem.

Provebs 16:2 Iomraidhean Croise

Sams 36:2

Bikos olketa ya i praod tumas, olketa tingse bae God hemi no save faendemaot eni sin long olketa, fo hemi save jajem olketa long hem.

Provebs 12:15

Krangge man tingse hemi stret nomoa, bat waes man hemi herem advaes.

Provebs 16:25

Wanfala man hemi tingse rod hemi laekem i gud nomoa, bat hemi rod blong dae.

Provebs 17:3

Man save testem gol an silva long faea. Yawe save testem haat blong man.

Provebs 21:2

Maet man hemi tingim wei blong hem i stret nomoa, bat Yawe hemi skelem wanem man hemi laekem.

Provebs 24:12

Yu no save tok olsem, “!Mi no save long samting ya!” God hemi luksave long haat blong yu. Hem nao lukaftarem laef blong man. Bae hemi peimbaek evriwan falom wanem olketa duim.

Provebs 30:12

Samfala man tingse olketa stret, bat wei blong olketa i nogud tumas.

Provebs 5:21

Yawe hemi lukim evri wei blong man, an hemi luksave long evri rod wea yu go falom.

Aesaea 26:7

Yawe, yu nao yu stret fogud. An oltaem yu gohed fo stretem wei blong olketa pipol blong yu, an yu gohed fo mekem laef blong olketa hemi smut olowe tu.

Jeremaea 17:10

Mi Yawe nomoa, mi save luk insaet long haat blong man. An mi gohed fo testem tingting blong hem, mekem mi save sensimbaek long man ya fitim wanem hemi bin duim.

Daniel 5:27

SKEL, hemi minim wea hemi skelem yu finis, an hemi lukim dat yu nating fitim fo rul nao olsem king.

Nambas 22:32

Nao disfala enjel hemi tok olsem long Balam, “?Waswe nao yu bin wipim dongki blong yu trifala taem? Mi nao stanap an blokem rod blong yu, bikos wanem yu mekem hemi rong.

Gudnius abaotem Jisas Kraes wea Luk hemi raetem 16:15

So Jisas hemi talem olketa olsem, “Yufala save traehad fo mekem olketa pipol fo tinghae long yufala, bat God hemi save nomoa long maen blong yufala. Bikos wanem yufala olketa pipol i tingse hemi bikfala samting tumas, long ae blong God hemi olsem samting nating nomoa ya.”

Revelesin 2:18

Disfala man hemi tok olsem moa, “An yu mas raet go long enjel blong sios long Taeataera, an yu sei olsem, ‘Hem nao toktok blong mi San Blong God, wea ae blong mi hemi olsem faea wea hemi laet, an lek blong mi hemi olsem bras wea hemi saen fogud.

Revelesin 2:23

An olketa disaepol blong woman ya tu bae mi kilim olketa dae. Long taem ya, bae olketa sios save lukim dat mi luksave long olketa tingting blong evri pipol. An bae mi sensimbaek long wan-wan long yufala falom wanem hemi duim.

Jajis 17:6

Long datfala taem, pipol blong Israel i no garem king yet, so evriwan i gohed fo duim olketa samting wea hemi stret long tingting blong olketa seleva nomoa.

Jajis 7:6

Long datfala taem, 300 man nomoa i dring long han blong olketa. An olketa narafala man nao olketa nildaon an putum hed blong olketa go long wata fo dring.

1 Samuel 16:7

Bat Yawe hemi tok olsem long hem, “Yu no tingabaotem hem, nomata hemi tolfala man an hemi luknaes. Mi no laekem hem, bikos wei blong mi fo lukluk long pipol hemi no olsem wei blong man. Man hemi lukluk long bodi nomoa, bat mi Yawe mi lukluk insaet long haat blong hem.”

1 Samuel 2:3

“Yufala hu i tokpraod, yufala mas lusim wei ya, yufala mas stap kuaet. Yawe hemi wanfala God hu hemi save long evrisamting, an hemi jajem wei blong olketa pipol.