Neiham 1:4 - Pijin Deuterocanon

⁴ Hemi save tok long solwata, an hemi kamap drae. Hemi mekem olketa riva tu fo drae. Hemi mekem olketa gudfala graon long Basan hemi drae, an olketa tri long maonten long Kaamel i drae tu. Evri gudfala flaoa long Lebanon tu, hemi mekem olketa dae.

Pijin Bible

⁴ Hemi save tok long solwata, an hemi kamap drae. Hemi mekem olketa riva tu fo drae. Hemi mekem olketa gudfala graon long Basan hemi drae, an olketa tri long maonten long Kaamel i drae tu. Evri gudfala flaoa long Lebanon tu, hemi mekem olketa dae.

Neiham 1:4 Iomraidhean Croise

Jenesis 8:1

Bat God hemi tingim Noa yet, wetem evrisamting ya wea i stap wetem hem long sip ya, nao hemi sendem wanfala win fo blou long wata ya, an wata hemi stat fo godaon moa.

2 Samuel 22:16

Taem Yawe hemi tokstrong, an hemi toktok kros, olketa dipsi i kamap drae, an botom blong wol ya tu hemi soaot nao.

Stori abaotem Job 38:11

Mi tok olsem long hem, “Yu save kam kasem disfala ples an yu stop nao. Paoa blong yu hemi save kamap kasem ples ya an finis nao.”

Sams 104:7

Bat taem yu tokstrong long dipsi ya hemi godaon nao. Ya, taem hemi herem voes blong yu wea hemi olsem tanda, hemi go farawe nao.

Sams 106:9

Hemi tok nomoa long Red Si, nao ples ya hemi kamap drae, an hemi lidim olketa pipol blong hem fo katkros go long narasaet.

Sams 114:3

Taem God hemi kam, Red Si hemi divaed long tufala haf. Ya, an Jodan Riva tu hemi no ran moa.

Sams 114:5

?Red Si, wanem nao hemi mekem yu fo divaed long tufala haf? ?Jodan Riva, wanem nao hemi mekem yu fo no ran moa?

Sams 18:16

Yawe hemi stap long antap, an hemi hole kamdaon fo mi. Ya, hemi olsem wea Yawe hemi pulum mi aot from dip si.

Sams 74:15

Olketa springwata an olketa riva wea i drae finis, yu bin mekem olketa fo ran moa, an olketa bikfala riva wea i no save drae enitaem, yu bin mekem olketa fo drae.

Aesaea 33:9

Olketa gaden long lan ya hemi emti finis nao, an no eniwan hemi waka moa long hem. Olketa bikfala tri long bus blong kantri long Lebanon i drae tu. Olketa gudfala graon long Saron hemi kamap finis olsem drae eria raonem Ded Si, an evri lif blong olketa tri long Basan an Kaamel i gohed fo foldaon tu.

Aesaea 42:15

Bae mi spoelem finis olketa maonten an olketa hil, an bae mi mekem olketa gras an olketa tri fo dae evriwan. Bae mi mekem olketa riva fo kamap drae graon. Ya, bae mi mekem olketa pul fo kamap barava drae.

Aesaea 44:27

Mi save tok nomoa, an dip si an olketa riva tu i kamap drae nao.

Aesaea 51:10

Yu nao yu divaedem si fo kamap drae. An yu nao yu mekem rod botom long si ya. Hem nao olketa pipol wea yu bin mekem olketa fri, save katkros go fo narasaet long drae graon.

Esikiel 30:12

Bae mi mekem Nael Riva fo kamap drae, an letem olketa nogud man blong olketa narafala kantri fo tekova long lan ya. Ya, bae mi letem olketa strensa kam spoelem evri ples an evrisamting long kantri ya. Mi Yawe nao mi tok.

Esikiel 38:20

Evri fis, an evri bed, an evri animol, an evrisamting wea hemi laef, an evri pipol long wol bae i fraet an seksek frant long mi. Olketa maonten bae i brek, an olketa hae ples bae i foldaon, an olketa wolston bae i brek finis an foldaon long graon.

Emos 1:2

Yawe hemi singaot bikfala olsem laeon from disfala maonten long Saeon, an voes blong hem hemi here olsem saon blong bikfala tanda. Hemi save mekem olketa gudfala gras wea olketa sipsip i kaikaim fo dae, an hemi save mekem tu evri tri long maonten long Kaamel fo dae.

Emos 5:8

Yawe nao hemi garem paoa. Hemi mekem olketa sta an hemi putum olketa long skae. Hemi mekem tudak fo kamap delaet, an hemi mekem de fo kamap naet. Hemi mekem wata fo goap long skae, an hemi mekem hem kamdaon moa long wol olsem ren. Hemi garem paoa olsem laetning fo spoelem finis olketa strong man blong disfala wol, an fo brekemdaon olketa strongfala sefples blong olketa fo haed long hem. !Ya, nem blong hem nao, Yawe!

Matiu 8:26

Bat long taem ya, Jisas hemi sei long olketa, “?Waswe nao yufala fraet tumas olsem? Biliv blong yufala hemi smolfala tumas ya.” Bihaen, hemi stanap an hemi tokstrong long win an olketa wev ya fo stap kuaet. So long taem ya nomoa, ples ya hemi barava kuaet fogud nao.

Josua 3:16

wata ya hemi stop nao. Haf long riva wea hemi gohed fo ran kamdaon, hemi hipap farawe tumas kolsap long taon long Adam wea hemi kolsap long ples long Saretan. An narafala haf long riva wea hemi gohed fo ran godaon kasem Ded Si hemi kamap barava drae nao. Evriwan i go akros nao long narasaet kolsap long Jeriko.