1 Samuel 26:3 - Pijin Deuterocanon

³ Olketa go putumap olketa haostent blong olketa long saet long rod long hil long Hakila. Long taem ya, Deved hemi stap yet long drae eria, an hemi herem nius wea king hemi kam finis fo lukaotem hem.

Pijin Bible

³ Olketa go putumap olketa haostent blong olketa long saet long rod long hil long Hakila. Long taem ya, Deved hemi stap yet long drae eria, an hemi herem nius wea king hemi kam finis fo lukaotem hem.

1 Samuel 26:3 Iomraidhean Croise

Sams 63:1

God, yu nao yu God blong mi. Mi laekem tumas fo yu stap olowe wetem mi insaet long laef blong mi. Mi filim laef blong mi hemi olsem graon wea hemi barava drae fogud, an hemi nating garem eni wata, hem nao mi laekem yu tumas.

1 Samuel 23:15

Taem Deved hemi stap long Hores long drae eria kolsap long Jif, hemi jes save dat Sol hemi ka-kam fo kilim hem dae.

1 Samuel 23:19

Nao samfala man blong taon long Jif i go fo lukim King Sol long Gibea. Olketa tok olsem long hem, “Distaem Deved hemi stap long eria blong mifala. Hemi haed long olketa strongfala sefples long Hores wea hemi long hil long Hakila, saot long drae eria long Jesimon.

1 Samuel 24:3

Go-go, Sol hemi kam long wanfala kev kolsap long ples wea olketa sipsip i save stap long saet long rod. Nao bele blong hem nogud an hem laek go long bus, so hemi go insaet long kev. Bat wea, Deved wetem olketa man blong hem i haed barava insaet long datfala sem kev.

1 Samuel 26:1

Narataem moa samfala man blong taon long Jif i kam lukim King Sol long Gibea. Olketa talem hem dat Deved hemi haed long strongfala sefples long hil long Hakila, kolsap long Jesimon.

1 Samuel 26:4

So hemi sendem go samfala man fo faendemaot olsem nius ya hemi tru o nomoa. An olketa talem kam long hem wea hemi tru.