Римэйхиндэ 8:9 - Шэнэ Хэлсээн

⁹ Таанад нүгэлтэ мүн шанарайгаа хүсэлэнгүүдые даханагүйт, тиин зосоотнай Бурханай Һүлдын оршожо байхадань, Һүлдын эрхэ хүсэлөөр ажамидарнат. Зосоогоо Христосой Һүлдэгүй хүн тэрэнэй бэшэ юм.

Библи

⁹ Таанад нүгэлтэ мүн шанарайгаа хүсэлэнгүүдые даханагүйт, тиин зосоотнай Бурханай Һүлдын оршожо байхадань, Һүлдын эрхэ хүсэлөөр ажамидарнат. Зосоогоо Христоосой Һүлдэгүй хүн Тэрэнэй бэшэ.

Римэйхиндэ 8:9 Iomraidhean Croise

Лука 11:13

Хэрбээ нүгэл шэбэлтэй таанадай үхибүүдтээ һайн юумэ үгэжэ шададаг байхадатнай, Огторгойн Эсэгэ гуйһан хүн бүхэндэ Нангин Һүлдэеэ бүришье дуратайгаар үршөөхэл!»

Иоанн 14:17

Тэрэ Туһалагша болбол Үнэн зүйлэй Һүлдэ мүн, тэрэ Һүлдые дэлхэйн зон абажа шадахагүй, юундэб гэбэл, тэрэниие харанагүй, мэдэнэгүй бшуу. Харин таанар тэрэниие мэдэнэт, тэрэтнай таанартай мүнөө байна, ерээдүйдэшье таанарай досоо байха.

Иоанн 14:23

Иисус харюусаба: – Намда дуратай хүн минии һургадаг ёһоор ябаха, тиихэдэнь минии Эсэгэ тэрээндэ дуратай байха. Бидэ Эсэгэтэеэ хамта тэрэ хүндэ ерэжэ, тэрээнтэй байхабди.

Иоанн 3:34

Бурханай эльгээһэн хүн Бурханай үгэ номноно, юундэб гэбэл, Бурхан тэрээндэ Нангин Һүлдэ хизааргүй ехээр үршөөнэ.

Иоанн 3:6

Хүнэй бэеһээ түрэһэн юумэн бэе махабад мүн, имагтал Һүлдэһөө Һүлдэ түрэдэг юм.

Хэрэгүүд 16:7

Тэдэнэй Мисси можын хилэдэ хүрэжэ ерээд, Бетини орохоёо байхадань, Иисусай Һүлдэ тиишээ орохыень зүбшөөбэгүй.

Римэйхиндэ 7:5

Энэ дэлхэйн жама ёһоор ажамидархадамнай Хуули махабад бэеымнай нүгэлтэ хүсэлэнгүүдые һэргээдэг байгаа, бидэ булта үхэхэ хойшолонтой байгаабди.

Римэйхиндэ 8:1

Иисус Христостой нэгэдэн ажамидаржа байһан хүнүүд мүнөө зэмэлэгдэхэгүй.

Римэйхиндэ 8:11

Иисусые үхэхэдэнь амидыруулһан Бурханай Һүлдын зосоотнай оршожо байхадань, Христосые Амидыруулагша зосоотнай оршожо байһан Һүлдөөрөө таанадайшье үхэлтэ бэедэ ами үршөөхэл.

Римэйхиндэ 8:2

Ушарынь юуб гэбэл, Иисус Христостой хамта ажамидаруулжа байһан Һүлдын хуули намайе нүгэлэй ба үхэлэй хуулиһаа сүлөөлөө юм.

Коринфынхидтэ 1-дэхи 15:23

Гэхэдээ хүн бүхэн өөрынгөө ээлжээгээр, хамагай түрүүн Христос, тиигээд тэрэнэй ерэхэдэ бүхы тэрэнэй хүнүүд амидыруулагдаха.

Коринфынхидтэ 1-дэхи 3:16

Таанад Бурханай һүмэ гээшэт, зосоотнай Бурханай Һүлдэ оршоно гэжэ таанад мэдэхэгүй аалта?

Коринфынхидтэ 1-дэхи 6:17

Харин Дээдын Эзэнтэй ниилэһэн хүн һүнэһэ һүлдөөрөө тэрээнтэй нэгэдэдэг юм.

Коринфынхидтэ 1-дэхи 6:19

Танай махабад бэе зосоотнай оршодог Бурханһаа таанадта үгтэһэн Нангин Һүлдын һүмэ юм гэжэ таанад мэдэхэгүй аалта? Таанад өөһэдынгөө дураар бэшэт, таанад Бурханай мэдэлдэ байнат.

Коринфынхидтэ 2-дохи 10:7

Таанад юумэнүүд тухай гансал гадаада талаарнь тухайлнат. Христосой мэдэлдэ байнаб гэһэн бата этигэлтэй хүн өөртэйнь тон адляар Христосой мэдэлдэ бидэнэйшье байһые мэдэрхэ ёһотой.

Коринфынхидтэ 2-дохи 6:16

Яажа Бурхан Һүмэ онгонуудта хамаатай байхаб? Бидэл амиды Бурханай Һүмэ гээшэбди. Бурхан өөрөө иигэжэ хэлээ юм: «Өөрынгөө хүнүүдэй дунда би гэр бодхоохоб, Тиигээд тэдэнэйнгээ дунда оршожо байхаб, Тэдэнэйнгээ Бурханиинь байхаб, Харин тэдэнэр минии арад болохо».

Галадуудта 4:6

Таанадай Бурханай уг залгамжалагшад болоһон хадатнай, Бурхан таанадта: «Аба, Эсэгэ», – гэжэ ооглоһон Хүбүүнэйнгээ Һүлдые эльгээгээ.

Галадуудта 5:24

Өөһэдыгөө Христос Иисуста зорюулһан хүнүүд махабад бэеэ хорхойтолготойнь, хурисал ташаяантайнь хэрээһэндэ хадаба гээшэ.

Эфесэйхиндэ 1:13

Таанадшье баһа өөрынгөө абаралга тухай үнэн зүб Бурханай үгэ дуулаад, Христосто этигээт, тиин Бурхан Нангин Һүлдэеэ таанадта үгэн, өөрынгөө тамга таанад дээрэ дараба.

Эфесэйхиндэ 2:22

Христостой нэгэдэн таанадшье баһа Һүлдын ашаар Бурханай байдаг байра болохын тулада бодхоогдожо байна гээшэт.

Эфесэйхиндэ 3:17

Танай этигэл һүзэгэй ашаар зүрхэ сэдьхэлдэтнай Христос һууришаһай, инаг дуран танай үндэһэ, һуури болоһой гэжэ би баһал зальбарнаб.

Филиппынхидтэ 1:19

Ушарынь гэхэдэ, танай зальбаралай ашаар, Иисус Христосой Һүлдын туһаламжаар би сүлөөдэ гарахаб гэжэ һайн мэдэнэб.

Тимофейдэ 2-дохи 1:14

Шамда даалгагдаһан үлзытэй һайхан зүйлнүүдые сэдьхэлдэмнай оршоһон Нангин Һүлдын хүсэ шадалаар хадагалжа байгаарай.

Пётрой 1-дэхи хандалга 1:11

Ямар сагта, яажа тэрэ буян хэшэгэй үгтэхые лүндэншэд досоогоо байһан Христосой Һүлдын зааһан сагаар тодоруулха гэжэ оролдоо. Тиихэдээл Христос зоболонгуудые дабажа гараад, һүүлдэнь алдаршаха гэжэ Һүлдэ уридшалан хэлээ юм.

Иоаннай 1-дэхи хандалга 3:24

Бурханай захяа заабариие сахигшад тэрээнтэй нэгэн хамта байна, Бурхан тэдэнтэй нэгэн хамта байна. Иигэжэл Бурханай бидэнтэй нэгэн хамта байдагые бидэ мэдэхэ аргатайбди, бидэндэ Бурханай заяаһан Нангин Һүлдын ашаар мэдэхэ аргатайбди.

Иоаннай 1-дэхи хандалга 4:13

Бурхан бидэнтэй нэгэн хамта байна гү, бидэ Бурхантай нэгэн хамта байна гүбди гэжэ маанадта Бурханай заяаһан Нангин Һүлдөөрнь мэдэнэбди.

Иоаннай 1-дэхи хандалга 4:4

Үхибүүд, таанар Бурханһаат, тиимэһээ худал хуурмаг лүндэншэдые диилээт, яахадааб гэбэл, таанарай досоо байдаг Бурхан газар дэлхэйдэ байдаг шолмосһоо ехэ юм.

Гэршэлгэ 13:8

Үргэлэй Хурьганай тэмдэглэдэг амидаралай ном соо нэрэнүүдэйнь бэшэгдээгүй бүхы газар дайдын зон тэрэ арьяатанда һүгэдэн мүргэхэ. Үргэлэй Хурьган тахил болгогдон Бурханда үргэгдэхэ юм гэжэ газар дэлхэйн бүтээгдэхэһээ түрүүн хараалагдаа һэн.

Гэршэлгэ 20:15

Амидаралгын ном соо бэшэгдээгүйшүүлые гал дүлэтэ нуур худар шэдээ һэн.