Wugubutulo 9:1 - IShiyanso nu Lufingo uLupya

¹ Baheene umalayikha wa wusaanu wáatova ibalagumu yaakwe. Naawona inondwe yina yiihuma ku wulanga yiigwa mu nyi. Yoope yapeelwa ifungulo ya lilindi ilikhome ilya malungu.

Wugubutulo 9:1 Iomraidhean Croise

Luuka 10:18

UYeesu wávajovela wáaja, “Nikhandi nikimwaga uShetaani iigwa ngaja lumuli lwa noonya kihuma kushaanya.

Luuka 8:31

Amalungu gala, gamulombile uYeesu kiija, asikhagatwalaga ku lilindi ilikhome ilya malungu.

Valuumi 10:7

“Wala kiyiposa kiija, ‘Yu naani yuna akwiliile kiyiikha mbakha kwa vina vafwile?’” Kijova ndeeno kuli ngaja kisakula kimufyusa uKilisito.

Wugubutulo 1:18

One yuune yuna nili muumi, yuna nikhandi nifwile, loleela lino nili muumi shiluta na shiluta. One nina fungulo sa wutawulilwa wa mfwa ni sa wusimu.

Wugubutulo 1:20

Wasaagaga inondwe fungati sina sili mu liwokho lyangu ilya kundiilo. Khanji wasaagaga insimbili sila isa muli fungati sa sahaabu. Nikuwulanise uluganulo lwa mbuusa isi. Inondwe sila fungati, vamalayikha va fipuga fila fungati fya vahuvililaaji. Insimbili sila isa sahaabu isa kiviishila imuli, fipuga fungati ifya vahuvililaaji va Yeesu.”

Wugubutulo 11:7

Pina vakhamala kihumya uwubedelo waanave, ilikhanu ilikhali lina liihuma mu lilindi ilikhome ilya malungu likhatovana na woope, lyope likhavamena na kivabuda.

Wugubutulo 17:8

Ilikhanu ilyo lina walyagaga likhandi lyumi, lino ndeeni lifwile. Lino lili nkholeela kihuma mu lilindi ilikhome ilya malungu, leelo uNguluvi akhalibuda. Avaanu woona ava mu nyi, vina amataawa gaanave gasikhayandiikhwe mu Litaafili ilya Wuumi kihuma inyi yisinawumbwe, vakhaswiga. Vakhaswiga pina vakhalyaga ilikhanu ilyo lina pashiyanso likhandi lyumi, khanji lyafwa, lino ndeeni, lyatina!

Wugubutulo 20:1

Baheene namwaga umalayikha yumonga iyiikha kihuma kwa Nguluvi, akheete mu mawokho gaakwe ifungulo ya lilindi ilikhome ilya malungu nu munyololo umukhome.

Wugubutulo 20:10

UShetaani yuna akhandi ikivajanga, akhataagwa mu lilamba ilikhome lila ilya mooto ni shibiliiti. Apo papeene pina lyatagwagwa ilikhanu nu mukuwamalago yula umudehi. Woope vakhalafisiwa ukho ishilo ni shiminsi, shiluta na shiluta.

Wugubutulo 6:13

Inondwe saagwa mu nyi, ngaja mujombe shina gulagasa amakhomo gina gasikhangeele pina ilipepo ilikhome likutwishe.

Wugubutulo 8:10

Woope umalayikha uwa wutatu wáatova ibalagumu yaakwe. Baaho inondwe inkhome yaagwa kihuma ku wulanga. Yikhandi yiveekha ngaja lumuli, yoope yaagwa uluvala lumo mu mbali sitatu isa makhoga, nu luvala lumo mu mbali sitatu isa fisansa fya malenga.

Wugubutulo 8:12

Woope umalayikha uwa wuna, wáatova ibalagumu yaakwe. Baheene uluvala lumo mu mbali sitatu isa lijuva, nu luvala lumo mu mbali sitatu isa mwesi, nu luvala lumo mu mbali sitatu isa nondwe satowaagwa, imbali iso saava nshiisi. Uluvala lumo mu mbali sitatu isa paminsi, ilijuva lisikhamuliishe, khanji uluvala lumo mu mbali sitatu isa paashilo, goope umwesi gusikhamulikha.

Wugubutulo 8:2

Naawona avamalayikha fungati vina viyiima pa Nguluvi, woope vapeelwa ibalagumu fungati.

Wugubutulo 9:2

Yalidindula, ilyosi lyasinkha kihuma mu lilindi mula ngaja lyosi lya tanuli nkhome. Baheene ilijuva nu wulanga kwava kuna nshiisi kwa kiiva ya lyosi lila lina liihuma mu lilindi ilikhome.