Wugubutulo 8:2 - IShiyanso nu Lufingo uLupya

² Naawona avamalayikha fungati vina viyiima pa Nguluvi, woope vapeelwa ibalagumu fungati.

Wugubutulo 8:2 Iomraidhean Croise

Mataayo 18:10

“Yivavalaji, musikhamusalaji umunyaayumo mu vanangʼana ava! Kwa kiiva nikivajovela kiija, hata woope vana vamalayikha vaanave kushaanya. Uluhaavi loona vali pa Daada wangu yuna ali kushaanya vikimuloleela. [

Mataayo 24:31

Baheene nikhavafilikha avamalayikha vangu, kuno viitova ibalagumu kwa shawuti khome. Woope vakhavakungaania avabaagule vangu kihuma imbali soona isa nyi, kihuma kuwudugo uwa wulanga mbakha kuwudugo uwunji.”

Luuka 1:19

Pina wámalaga kilogola ilyo, umalayikha wámuyankha wáaja, “One yuune Gabiliyeli, yuna niyiima pa Nguluvi, uyo yumwene yuna anifiliishe nikujovele imola inofu iyi.

Luuka 21:36

Lino, muveesaje meeho uluhaavi loona, mukimufuunya uNguluvi, baheene avapeelaje ingufu isa kishila mu goona gina gakhayinsa, baheene muve mukiyikhangasa kiyiima pamwandi yangu, one Lusawo lwa Muunu mu lisiku ilya kihigwa inyi.”

1 Vakolinto 15:52

shitu gwalimo. Yikhava ngaja umuunu pina isinsiila na kidaamula ameeho. Ibalagumu ya wudugo pina yikhakhoola, vina vafwile vakhafyusiwa na kipeelwa amavili gina gasiiwola kaa. Ose woona tikhahambusiwa,

1 Vatesalonike 4:16

UMutwa uYeesu yumwene, akhayiikha kihuma kwa Nguluvi na kilajisa kwa liswi likhome. Likhayinsa kipuliisikha iliswi lya malayikha umukhome ni shawuti iya balagumu iya Nguluvi. Baheene vala vina vafwile vapikimuhuviilila uKilisito, vakhatala kifyusiwa.

Wugubutulo 1:4

One Yohana nikifiyandishila ibalula iyi ifipuga fungati ifya vahuvililaaji va Yeesu, ifya mu nyi ya Asiya. Imota nu wulindamafu, five lumo noomwe kihuma kwa yuna akhandi akwali, akwali na akhava akwali, ni Numbula fungati sina sili pamwandi ya shitengo shaakwe isha Wutwa,

Wugubutulo 11:15

Baheene umalayikha uwa fungati wáatova ibalagumu yaakwe. Ndeeno napulikha ishawuti nkhome nyinshi kihuma kwa Nguluvi, siijova, “Uwutwa wa mu nyi wáava Wutwa wa Mutwa uNguluvi weesu na wa Mukulusaaji waakwe, woope akhatema shiluta na shiluta.”

Wugubutulo 15:1

Baheene nashaaga ishimanyilo ishinji kushaanya. Shikhandi shimanyilo shikhome, khanji sha kiswiga. Nikhaweene ndeeni, avamalayikha fungati vakhandi vileeta amalava fungati aga wudugo. Amalava ago gakhandi gikwisa inkhalasi ya Nguluvi.

Wugubutulo 16:1

Napulikha ishawuti nkhome kihuma umo mu nanda ya Nguluvi, yikivajovela avamalayikha vala fungati ndeeni, “Luti mukunule mu nyi, isebeti fungati iso isa nkhalasi ya Nguluvi.”

Wugubutulo 8:13

Baheene naloleela, napulikha inkhalukwangala yimonga yigulukha uwiima wa mutwe gwangu, yikhandi yilyova yiijova ndeeni, “Aka! Aka! Aka omwe muna mwikhala mu nyi, kwa kiiva ishawuti sa balagumu sina avamalayikha avanji vatatu vali nkholeela kisitova.”

Wugubutulo 8:6

Baheene avamalayikha vala fungati vina vakhandi ni balagumu fungati, vayipinyanga kitova ibalagumu saanave.

Wugubutulo 9:1

Baheene umalayikha wa wusaanu wáatova ibalagumu yaakwe. Naawona inondwe yina yiihuma ku wulanga yiigwa mu nyi. Yoope yapeelwa ifungulo ya lilindi ilikhome ilya malungu.