Wugubutulo 8:12 - IShiyanso nu Lufingo uLupya

¹² Woope umalayikha uwa wuna, wáatova ibalagumu yaakwe. Baheene uluvala lumo mu mbali sitatu isa lijuva, nu luvala lumo mu mbali sitatu isa mwesi, nu luvala lumo mu mbali sitatu isa nondwe satowaagwa, imbali iso saava nshiisi. Uluvala lumo mu mbali sitatu isa paminsi, ilijuva lisikhamuliishe, khanji uluvala lumo mu mbali sitatu isa paashilo, goope umwesi gusikhamulikha.

Wugubutulo 8:12 Iomraidhean Croise

Mataayo 24:29

“Pina lukhashila uluhaavi ulwa nsiku iso isa malava, ‘Ilijuva likhaseetulwa nshiisi, umwesi gusikhangʼaala khanji.’ ‘Inondwe sikhagwa kihuma kushaanya. Nafi fiinu fina fili kushaanya fikhadegenkha.’

Mataayo 27:45

Kihuma ilisala ilya mutanda paminsi mbakha ilisala lya gonja, inshiisi yagubikhaga inyi yila yoona.

Maluko 13:24

“Insiku siiso, gakhasa kishila amalava ago, ‘Ilijuva likhaseetulwa nshiisi, nagu mwesi gusikhangʼaala khanji.’

Maluko 15:33

Kihuma ilisala lya mutanda paminsi mbakha ilisala lya gonja, inshiisi yagubikhaga inyi yila yoona.

Luuka 21:25

“Fikhawonekha ifimanyilo mu lijuva, mu mwesi na mu nondwe. Na pa nyi panu, ibahali sikhava na mavingu makhome amanya lugiino, ulo lukhavaviikha avaanu va nyi soona, kiiva na malava makhome na kitiila mandu.

Nsengo sa Vanandeje 2:20

Ilijuva likhaseetukha kiiva nshiisi, umwesi gukhava muduuhu ngaja danda. Ago goona gakhasenjekha pina lishaanali kiwonekha ilisiku ilya Mutwa uNguluvi lina likhome na linofu mandu.

2 Vakolinto 4:4

Yisimanyikha kwa kiiva uShetaani umutwa umuvi wa nyi iyi, avagubiishe uluhala lwa vina vasikimuhuviilila uYeesu, baheene vapootwe kiloleela uwuvalafu wa Mola iNofu ya wutupikho wa Kilisito, yuna shihwano sha Nguluvi.

Wugubutulo 12:4

Iliyokha ilyo, lyagupilimya umushila gwakwe, gwalugwisa uluvala lumo mu mbali sitatu isa nondwe ku nyi. Iliyokha ilyo lyayiima pa washimaayi yula yuna akhandi isakula kisava, pina wámusava umwana, baheene limumile.

Wugubutulo 16:10

Baheene umalayikha uwa wusaanu wákunula isebeti yaakwe pa shitengo sha wutwa uwa likhanu lila. Shitu inshiisi yagubikha uwutwa waakwe, avaanu vakhandi vana manga kwa kiiva ya wuvafi.

Wugubutulo 6:12

Baheene uMwana Nkholo pina ilamaatula umupulya ulubali ulwa mutanda, napulikha uludegenkho lukhome lwa nyi. Nalyaga ilijuva, lyava litiitu ngaja ligunila lina lisushe nu wusinje uwutiitu tilili, umwesi goona gwava muduuhu ngaja danda.

Wugubutulo 9:15

Umalayikha yula wávadindulila avamalayikha vala vana. Vakhandi vapiyipinyanjile kwa lisala liilyo na lisiku liilyo na kwa mwesi guugo na kwa mwakha guugo kiija, vabude uluvala lumo mu mbali sitatu isa vaanu.

Wugubutulo 9:18

Uluvala lumo mu mbali sitatu isa vaanu, vabudwagwa kwa malava gatatu ago, kwa mooto ugo, ilyosi ilyo ni shibiliiti isho, fina fyahumaga mu malomo ga falaasi iso.