Wugubutulo 7:9 - IShiyanso nu Lufingo uLupya

⁹ Gaganile kishila ago, naawona ishipuga ishikhome mandu sha vaanu vina kusiina yuna akwiliile kivavasa. Avaanu va nyi soona, ifimyanja fyona, ifikholo fyona ni filogolo fyona, vayiimile pamwandi ya shitengo sha Wutwa na pa Mwana Nkholo. Vafwele inkhansu inali imbalafu, khanji vakheete amansambala ga mapunga mu mawokho gaanave.

Wugubutulo 7:9 Iomraidhean Croise

Shiyanso 13:16

Ulusawo lwakho nikhaluyoolosa luve lukhome ngaja luhankha luna lusivasikha! Umuunu nda akwiliile kiluvasa uluhankha, ulusawo lwakho loope asiluvase.

Shiyanso 49:10

Ulukwegu ulwa shitwa lusikhawuukha kwa Yuuda, lukhasigala nsiku soona mu shikholo shaakwe, mbakha pina akhayinsa umunya wutwa, yuna inyi soona sikhamutiila.

Luuka 12:1

Uluhaavi ulo, ililugu likhome lya vaanu pina vakhandi vakungaanile mbakha vikhanyana, uYeesu wálogola tangusiina na vamanyisiwa vaakwe wáaja, “Muyivavalaje nu wumyansi wa Vafalisaayo, kwa kiiva wiikhola ngaja lihelu.

Luuka 21:36

Lino, muveesaje meeho uluhaavi loona, mukimufuunya uNguluvi, baheene avapeelaje ingufu isa kishila mu goona gina gakhayinsa, baheene muve mukiyikhangasa kiyiima pamwandi yangu, one Lusawo lwa Muunu mu lisiku ilya kihigwa inyi.”

Yohana 12:13

Lino vatoola amansambala ga matende, vaaluta kimuposheela uYeesu. Vakhoosa ishawuti vaajova, “Hosana! Ayimililwajwe yuna iyinsa kwa litaawa lya Mutwa uNguluvi! Ayimiliilwe uMutwa wa Vaisilaheli.”

Valuumi 11:25

Vahuvililaaji vayangu, nisakula mumanye wunofu imola sa Nguluvi sina sikhandi sifihiilwe, kiija musilaave muyihuviilile uluhala lwenyu hela. AVaisilaheli vamonga vakhandi ni numbula nyuumu, mbakha lwakwilana uluvaso lwa vaanu luna uNguluvi wáluviikhaga kwa vina vasili Vaisilaheli, luyanushila uwukulukho.

Vaefeso 6:13

Kwa kiiva ya ago, fwalaji amenda goona aga kitovalilana ku wulugu woona, gina mupeelwa nu Nguluvi, baheene mukwiliile kimena nsiku soona, pina uwunansi wukivayinsila. Lino, pina mwamala goona aga kitovana nu wulugu, mwijina.

Vahebulaniya 11:12

Ndeeno kwa nsila ya muunu yumo, uAbulahamu yuna akhandi mugogolo mandu, vasawaagwa avaanu vinshi vina usikwiliile kivavasa, ngaja nondwe isa ku wulanga awu luhankha lwa mu bahali.

Vahebulaniya 12:22

Leelo omwe mwafikha pa shidunda ishinji, ishidunda sha Sayuni, shisheene lijumbi lya ku Yelusalemu ilya kushaanya. Ilijumbi ilyo, lijumbi lya Nguluvi yuna muumi. Ukho avamalayikha vinshi mandu vakungaanile viishima kwa wushendeefu.

Wugubutulo 11:15

Baheene umalayikha uwa fungati wáatova ibalagumu yaakwe. Ndeeno napulikha ishawuti nkhome nyinshi kihuma kwa Nguluvi, siijova, “Uwutwa wa mu nyi wáava Wutwa wa Mutwa uNguluvi weesu na wa Mukulusaaji waakwe, woope akhatema shiluta na shiluta.”

Wugubutulo 22:3

Ilijumbi ilyo lisikhava ni shiinu shoshoona shina shiyijiilwe. Mu lijumbi umo, ishitengo sha Wutwa sha Nguluvi ni sha Mwana Nkholo shikhava shikwali. Avavanda vaakwe vakhamufuunya,

Wugubutulo 3:18

Nikivasimila kiija, mugule kunyangu isahaabu yina yivalasiiwe nu mooto, baheene muve vanya wusi. Khanji lunofu mugule amenda amavalafu, baheene mufwale mufihe uwubwinda weenyu, musikhawonaga nsoni. Mugule umugoda gwa kidomohesa mu meeho geenyu, baheene muloleele wunofu.

Wugubutulo 4:4

Khanji ifitengo mashumi gavili na gana, fyashipilimaga ishitengo shila sha Wutwa. Mu fitengo ifyo vakhalaga avagosiivaha mashumi gavili na vana. Vakhandi vafwele amenda mavalafu ni njoola isa kitema isa sahaabu mu matwe gaanave.

Wugubutulo 5:11

Baheene naloleela na kipulikha ishawuti sa vamalayikha vinshi vina vayiimile, vashipiliime ishitengo sha Wutwa ni fiwumbwa fina (4), na vagosiivaha vala mashumi gavili na gana. Uwinshi wa vamalayikha vakhandi magana mashumi ishumi (10,000) mala magana mashumi ishumi (10,000), mbakha usikwiliile kivavasa.

Wugubutulo 5:9

Woope vayeyema injeyemo imya vaaja, “Owe wifwaya kitoola ilitaafili ilyo na kilamaatula umupulya gwakwe ugwa mbali fungati, kwa kiiva washinjwagwa na kwa danda yaakho wamugulila uNguluvi, avaanu va fimyanja fyona, ifilogolo fyona, ifikholo fyona ni nyi soona.

Wugubutulo 6:11

Baheene aveene woona vapeelwa inkhansu inali imbalafu. Khanji vavajovela kiija, vaheepe kwa luhaavi lufupi, mbakha avahuvililaaji vaanave, yaani avavanda vayaanave, pina vakhabudwa ngaja aveene, baheene uluvaso lwanave lukhamiilishe.

Wugubutulo 7:8

Ishikholo sha Sabulooni, vaanu magana mashumi ishumi na magana mashumi gavili (12,000). Ishikholo sha Yusufu, vaanu magana mashumi ishumi na magana mashumi gavili (12,000), khanji ishikholo sha Benyamini, vaanu magana mashumi ishumi na magana mashumi gavili (12,000).