Wugubutulo 7:4 - IShiyanso nu Lufingo uLupya

⁴ Baheene napulikha uwinshi waanave vina vabandiikhwe ishimanyilo sha Nguluvi pa weeni. Avaanu woona vakhandi magana ishumi ligana na magana ishumi mashumi gana na magana mashumi gana (144,000).

Wugubutulo 7:4 Iomraidhean Croise

Shiyanso 15:5

Baaho uNguluvi wámuhumya panja wámujovela wáaja, “Loleela kushaanya usivase inondwe, nda shiyooli ukwiliile kisivasa. Shiisho ndeeno shina shikhava shiyolweshe hata ishikholo shaakho.”

Mataayo 19:28

UYeesu wávayankha wáaja, “Shiyooli nikivajovela kiija, one Lusawo lwa Muunu pina nikhava Mutwa wa nyi imya iya Nguluvi, nikhakhalila ishitengo shangu isha kihijila, na yuumwe muna munifwatile, mukhakhala mu fitengo ishumi na fivili ifya shitwa, mukivahiga avaanu va fikholo ishumi na fivili ifya Isilaheli.

Luuka 14:22

“Paanyuma, umuvanda yula wáawuya, wámujovela wáaja, ‘Mutwa, gina ukhandi undajiise nagasenga. Lino, yishaanali imwenshe yipisigeele.’

Luuka 22:30

Apo mukhava mwilya na kiingʼwa noone, mu Wutwa wangu. Khanji mukhakhala mu fitengo ifya shitwa, mukivahiga avaanu va fikholo ishumi na fivili ifya Isilaheli.”

Nsengo sa Vanandeje 26:7

Ulutaahiso ulo lulwene luna avaanu va fikholo ishumi na fivili, vijimba kimufuunya uNguluvi ishiminsi ni shilo, kwa kiiva vihuviilila kiija uNguluvi akhakwisa ngaja shina wátahisaaga. Wee mutwa, uluhuviililo ulo lulwene aVayahuudi vikinisitaakha iminsiyaano!

Valuumi 9:27

Khanji umukuwamalago uIsaaya alogwele ulwa Vaisilaheli kiija, “Hata nda aVaisilaheli vinshi ngaja luhankha lwa mu bahali, hata ndeeno vina vakhakulusiwa, vasheefu.

Yaakobo 1:1

Ibalula iyi yihumile kunyangu one Yaakobo, yuna nili muvanda wa Nguluvi nu Mutwa uYeesu Kilisito. Nikivahunjila omwe Vayahuudi woona va fikholo ishumi na fivili, muna mupalankheene mu nyi nyinshi.

Wugubutulo 14:1

Baheene namwaga uMwana Nkholo ayiimile pa shidunda sha Sayuni, lumo na vaanu magana ishumi ligana na magana ishumi mashumi gana na magana mashumi gana (144,000). Avaanu awo, vakhandi vayandiikhwe pa weeni waanave ilitaawa lya Mwana Nkholo ni litaawa lya Wiihe.

Wugubutulo 14:3

Avaanu magana ishumi ligana na magana ishumi mashumi gana na magana mashumi gana (144,000) awo, vakhandi vayiimile pamwandi ya shitengo sha Wutwa na pamwandi ya fiwumbwa fina (4) fila, na vagosiivaha mashumi gavili na vana. Vakhandi viyeyema uluyeyemo ulupya, kusiina umuunu uyunji yuna akhakwiliile kiyimanyisa uluyeyemo ulu, ila avaanu awo vina vakulusiwaagwa mu nyi.

Wugubutulo 7:5

Ishikholo sha Yuuda, vaanu magana mashumi ishumi na magana mashumi gavili (12,000). Ishikholo sha Lubeni, vaanu magana mashumi ishumi na magana mashumi gavili (12,000). Ishikholo sha Gaadi, vaanu magana mashumi ishumi na magana mashumi gavili (12,000).

Wugubutulo 9:16

Vakhandi na vasulukhali vinshi, vina vayangeele ifalaasi. Napulikha kiija woona vali miliyoni magana gavili (200,000,000).