Wugubutulo 7:2 - IShiyanso nu Lufingo uLupya

² Naawona umalayikha uyunji itaana kihuma kunena, akhandi nu mupulya ugwa Nguluvi yuna muumi. Wávajovela kwa shawuti nkhome avamalayikha vana (4) vala, vina vapeliilwe ingufu isa kiyinanga inyi ni bahali,

Wugubutulo 7:2 Iomraidhean Croise

Mataayo 16:16

USimoni Petulo wámugomosesa wáaja, “Owe yuuwe Mukulusaaji yuna uNguluvi wátahisaaga kimufilikha. Owe yuuwe Lusawo lwa Nguluvi, yuna muumi.”

Mataayo 26:63

Leelo uYeesu wásisima tototo. Baheene umutambule umukhome yula wámujovela khanji wáaja, “Nikikujovela uyiyiije kwa litaawa lya Nguluvi, yuna muumi, tujovela nda owe yuuwe Mukulusaaji, Lusawo lwa Nguluvi.”

Yohana 6:27

Musikhasengaji insengo kwa kiiva ya kipata ifyakiilya fina finanjikha, leelo musengaje kwa kiiva ya fyakiilya fina fisinanjikha shiluta. One Lusawo lwa Muunu nikivapeela avaanu ifyakiilya ifyo, kwa kiiva uDaada uNguluvi anibagwile kwa kiiva ya kisenga ago.”

2 Vakolinto 1:22

na kituviikha ishimanyilo isha kiiva vaanu vaakwe, kwa kitupeela uNumbula uMunofu.

Vaefeso 1:13

Omwe khanji vina musili Vayahuudi, mwapulikhaga iliswi lya shiyooli, uluganulo lwakwe iMola iNofu iya Nguluvi yina yikivakulusa. Mwaganaga kipulikha, mwamuhuviilila uKilisito, woope uNguluvi ngaja wávavavaga kiwonensa kiija, muli vaakwe. Uluvawo ulo, yu Numbula uMunofu yuna wátahisaaga kitupeela.

Vaefeso 4:30

Musikhamuhonsaaji uNumbula uMunofu wa Nguluvi kisugumilwa. Kiiva umwene shivavilo sha Nguluvi kwa vaanu, lwa kiwonensa kiija ilisiku limonga akhayinsa kivakulusa omwe.

1 Vatesalonike 1:9

kwa kiiva koona kuna tiiluta, avaanu viijova shina mwatuposheelaga pina tayinsile kunyeenyu. Vitaviilila shina mwalekhaga amanguluvi geenyu na kimuhuviilila uNguluvi, baheene mumusenjele umwene yuna muumi, khanji wa shiyooli.

2 Timoteo 2:19

Leelo uluutu luna luvishiilwe nu Nguluvi lujinile, luyandiikhwe amaswi aga, “UMutwa avameenye avaanu vaakwe,” khanji, “Umuunu yoyoona yuna ikiyishemeela kiija umwene wa Mutwa, awuleshe uwunansi.”

Vahebulaniya 12:22

Leelo omwe mwafikha pa shidunda ishinji, ishidunda sha Sayuni, shisheene lijumbi lya ku Yelusalemu ilya kushaanya. Ilijumbi ilyo, lijumbi lya Nguluvi yuna muumi. Ukho avamalayikha vinshi mandu vakungaanile viishima kwa wushendeefu.

Wugubutulo 1:3

Ayimiliilwe yuna ikivayimbila avayine amaswi aga wukuwamalago gina gayandiikhwe mu litaafili muno. Khanji ayimiliilwe yuna ikigapulikha na kiyinatila, kwa kiiva uluhaavi lwa njowo iso, luwonekha luvejeelile.

Wugubutulo 10:1

Baheene namwaga umalayikha uyunji umunya ngufu, iyiikha kihuma kwa Nguluvi. Umalayikha uyo akhandi apiliimwe na mafunde, pashaanya ya mutwe gwakwe kukhandi kuna lipingangʼombe lya noonya, uweeni waakwe wukhandi wingʼaala ngaja lijuva, amagulu gaakwe gakhandi ngaja nsimbili sa mooto.

Wugubutulo 10:4

Iso saganaga kipuliisikha, nayipinyangaga kiyandikha gala gina gajowaagwa nu lugulumo, leelo napulikha ishawuti kihuma kwa Nguluvi yiija, “Amaswi ago aga lugulumo, usikhagayandikhaga! Mbuusa.”

Wugubutulo 16:12

Baheene umalayikha woope uwa mutanda wákunula isebeti yaakwe mu mukhoga umukhome ugwa Efulaati, goope amalenga gaakwe gayuuma. Ndeeno insila yatendwa kwa vatwa kihuma kunena.

Wugubutulo 5:2

Naawona umalayikha umunya ngufu, ilogola kwa shawuti nkhome iijova, “Yu naani yuna ifwaya kilamaatula umupulya ugwa mbali fungati na kiligubutula ilitaafili ili?”

Wugubutulo 8:3

Woope umalayikha uyunji wáyinsa wáyiima pamwandi pa luvala ulwa kihumisa ishadanda, wáava akheete mu mawokho isebeti ya sahaabu iya kitinshilisa ingaagulwa sina sinunshilila. Wápeelwa ifya kitinshilisa finshi, baheene aviishe lumo na mafuunyo ga vabaagule woona mu luvala ulwa kihumisa ishadanda ulwa sahaabu, luna luli pamwandi ya shitengo sha Wutwa.

Wugubutulo 9:14

Ishawuti iyo yamujovela umalayikha wa mutanda yuna akhandi ni balagumu kiija, “Uvadindulile avamalayikha vana (4) vina vapinyiilwe ku mukhoga umukhome ugwa Efulaati.”

Wugubutulo 9:4

Khanji, sapeelwa indaji kiija sisikhanangaga amasole aga mu nyi, ifimelo, wala mupishi gogoona. Leelo sivalafye avaanu vala, vina vangaya shimanyilo sha Nguluvi pa weeni waanave.