Wugubutulo 6:4 - IShiyanso nu Lufingo uLupya

⁴ Baheene yaahuma ifalaasi iyinji nduuhu, umwene yuna ayangeele wátawulilwa kiwuusa uwulindamafu mu nyi, baheene avaanu vashinjane, woope wápeelwa ipanga nkhome.

Wugubutulo 6:4 Iomraidhean Croise

Mataayo 10:34

“Musikhahiivaji kiija, nayinsa mu nyi kileeta uwulindamafu. Ndaali! Yisili ndeeno, leelo, nayinsa kileeta ilibaatu.

Mataayo 24:6

Mu luhaavi ulo mukhava mupulikha imola ni pwepwesi sa wulugu, leelo musikhatungumalaji. Ago goona mbakha gawoneshe, leelo uluhaavi ulwa wudugo lukhava lushaanali.

Yohana 19:11

UYeesu wámugomosesa uPilaato wáaja, “Owe ndi usaava nu wutawulilwa wowoona kunyangu, nda usipeliilwe nu Nguluvi. Leelo umuunu yula yuna aniviishile mu mawokho gaakho, ana wunansi wukhome mandu kishila uwunansi waakho.”

Wugubutulo 12:3

Baheene ishimanyilo ishinji shawonekha kushaanya. Naawona iliyokha ilikhome iliduuhu, lina likhandi na matwe fungati na mapembe ishumi, shila mutwe gukhandi ni njoola ya shitwa.

Wugubutulo 13:10

Umuunu yuna apanjiilwe kigalulwa, hambi igalulwa. Umuunu yuna apanjiilwe kibudwa kwa panga, hambi iibudwa kwa panga. Lino, avabaagule va Nguluvi visakulwa kigugumila na kihuviilila.

Wugubutulo 17:3

Baheene pina uNumbula wa Nguluvi akhandi ikinilongosa, umalayikha wánitoola na kinitwala mu lunyikha. Ukho namwaga uwashimaayi akheele mu likhanu iliduuhu. Ilikhanu ilyo likhandi liyandiikhwe koona amataawa aga matofolo, likhandi na matwe fungati na mapembe ishumi.

Wugubutulo 17:6

Namwaga uwashimaayi uyo agaalile idanda iya vabaagule va Nguluvi, ni danda ya vaanu vina vakhandi vikimubedela uYeesu. Naganaga kimwaga, naswigaga mandu.