Wugubutulo 5:9 - IShiyanso nu Lufingo uLupya

⁹ Woope vayeyema injeyemo imya vaaja, “Owe wifwaya kitoola ilitaafili ilyo na kilamaatula umupulya gwakwe ugwa mbali fungati, kwa kiiva washinjwagwa na kwa danda yaakho wamugulila uNguluvi, avaanu va fimyanja fyona, ifilogolo fyona, ifikholo fyona ni nyi soona.

Wugubutulo 5:9 Iomraidhean Croise

Mataayo 20:28

Shiisho ndeeno one Lusawo lwa Muunu, nisikhayinsile kiija vanisenjele, leelo nayinsaga kivasenjela avaanu na kiwuyasa uwuumi wangu, baheene nivakuluse avaanu vinshi.”

Mataayo 26:28

kwa kiiva iyi shimanyilo sha lufingo ulupya luna lusenjekha kwa danda yangu. Khanji yikunukha kwa kiiva ya vaanu vinshi, baheene uNguluvi avasaajile avaanu uwunansi waanave.

Nsengo sa Vanandeje 20:28

UNumbula uMunofu wávaviikhaga omwe muve vayimililaaji va shipuga sha vahuvililaaji va Nguluvi. Muyiyangalilaje yuumwe na kishidiima ishipuga shaakwe, shina uNguluvi wáshikulusaaga kwa danda ya Mwanaakwe.

1 Vakolinto 6:20

kwa kiiva avagulile kwa lifungu likhome. Lino mumusufyaje uNguluvi mu mavili geenyu.

1 Vakolinto 7:23

Mwagulwagwa kwa lifungu likhome. Ndeeno, musikhaveesaga vavanda va vaanu.

Vaefeso 1:7

Kishilila idanda ya Kilisito pina wáfwisaga pa musalaaba, tikulusiiwe, uluganulo lwakwe kiija, tisajiilwe uwunansi weesu. Aga gasenjekhaga kwa kiiva ya wukhome wa mota yaakwe,

Vaefeso 5:19

Baheene muve muyeyemelelana kwa numbula seenyu, injeyemo sa sabuli, kwa njeyemo isa kimutupikha uMutwa.

Vakolosaayi 1:14

Kwa kishilila uLusawo lwakwe, tikulusiiwe, uluganulo lwakwe kiija, tisajiilwe uwunansi weesu.

Vakolosaayi 1:23

Musiive ndeeno nda mukiyitenekha kimuhuviilila uYeesu. Muyijiniaje na kiiva ni ngufu, muluyinatilaje uluhuviililo luna mwapataga kishilila iMola iNofu yina mwapulikhaga. Iyi yiyeene Mola Nofu yina yakhomwagwa kwa vaanu woona va mu nyi, khanji one Pawulo nili muvanda wa Mola iNofu iyo.

Tito 2:14

Uyo wáhumyaga uwuumi waakwe kwa kiiva yeesu, baheene atukuluse mu wunansi woona, na kituvalasa tive vaanu vaakwe va shiyooli, vina vijimba kisenga amanofu.

Vahebulaniya 11:14

Avaanu vina vihuviilila ago, viwonensa bahawuvalafu kiija, visakula kiiva ni nyi iyinji, yina vakhava vakhaaya.

2 Petulo 2:1

Uluhaavi pina avakuwamalago vakuwaagwa mu Vaisilaheli, avakuwamalago vamonga vakhandi vakuwamalago avadehi. Shiisho ndeeno na yuumwe, avamanyisaaji va wudehi, vakhawonekha kunyeenyu. Avaanu awo vakhayinjisa amamanyiso aga kiyasa na kimukhaana uYeesu uMulongosaaji uMukhome, yuna wávakulusaaga. Kwa nsila iyo vakhahonsa kibudwa nyangu vaveene.

1 Yohana 1:7

Leelo, nda tiikhala mu wuvalafu, ngaja uNguluvi shina ashwali mu wuvalafu, baheene tisiive tihanjile ose woona. Khanji idanda ya Lusawo lwakwe uYeesu, yikituyoosa uwunansi weesu woona.

1 Yohana 2:2

UYeesu yumwene shadanda, kwa nsila iyo, wáwusaaga uwunansi weesu na kitulingaania nu Nguluvi. Khanji asikhawusiise uwunansi weesu hela, leelo nu wunansi wa vaanu woona.

Wugubutulo 10:11

Baheene najovelwa kiija, “Wisakulwa kikuwa amalago khanji ulwa fikholo finshi, inyi nyinshi, ifilogolo finshi nu lwa vatwa vinshi.”

Wugubutulo 11:9

Avaanu va fikholo fyona, ifimyanja fyona, ifilogolo fyona ni nyi soona, vakhagaaga amafimba ga valunjikhaaji vavili awo kwa nsiku sitatu ni nusu, kusiina umuunu yuna akhatawulwa kigasiila.

Wugubutulo 13:7

Khanji, ilikhanu lila lyatawulilwa kitovana na vabaagule va Nguluvi na kivamena. Lyapeelwa uwutawulilwa uwa kitema avaanu va fimyanja fyona, ifikholo fyona, ifilogolo fyona ni nyi soona.

Wugubutulo 13:8

Avaanu va nyi soona vakhamusungamila, leelo, avaanu vina amataawa gaanave gayandiikhwe mu Litaafili lya Wuumi, kihuma inyi yisinawumbwe, awo vasikhamusungamila. Ilitaafili ili, litaafili lya Mwana Nkholo yuna wáshinjwagwa.

Wugubutulo 14:6

Baheene namwaga umalayikha uyunji igulukha uwiima wa mutwe gwangu. Umalayikha uyo akhandi ni Mola iNofu isa shiluta isa kivakhoma avaanu vina viikhala mu nyi, awo avaanu va nyi soona, fimyanja fyona, fikholo fyona ni filogolo fyona.

Wugubutulo 15:3

Vakhandi viyeyema uluyeyemo lwa Musa, umuvanda wa Nguluvi, nu luyeyemo lwa Mwana Nkholo, viijova ndeeni, “UMutwa uNguluvi, uMunya Ngufu Soona, insengo saakho nkhome, khanji sa kiswiga mandu! Owe yuuwe Mutwa wa nyi soona, insengo saakho ngolofu, khanji sa shiyooli!

Wugubutulo 17:15

Umalayikha wánijovela khanji wáaja, “Ukhamwajile umushemi umukhome akhaliile pashaanya ya malenga gala aminshi. Amalenga ago, fipuga fya vaanu woona, nyi soona, fimyanja fyona ni filogolo fyona.

Wugubutulo 4:11

“UMutwa weesu, Nguluvi weesu, wifwaya owe kitupikhwa, kitiilwa na kiiva ni ngufu, kwa kiiva wawumbaga ifiinu fyona, wawumbaga kwa lugano lwakho, khanji fikwali.”

Wugubutulo 5:12

Nikhavapuliishe viyeyema kwa shawuti nkhome viijova, “UMwana Nkholo yuna ashinjiilwe ifwaya kiposheela uwutawulilwa nu wusi nu wumanyi ni ngufu, ilishima, uwutupikho nu lusufyo!”

Wugubutulo 5:6

Baheene naawona apo nkholeela ni shitengo sha Wutwa, uMwana Nkholo ayiimile. Woope akhandi apiliimwe ni fiwumbwa fina (4) fila, na vagosiivaha vala mashumi gavili na vana. Akhandi iwonekha ngaja ashinjiilwe. Khanji akhandi ana mapembe fungati na meeho fungati. Ameeho ago Numbula fungati isa Nguluvi, sina sikhandi sifiliikhwe mbali isa nyi yoona.