Wugubutulo 4:8 - IShiyanso nu Lufingo uLupya

⁸ Fyope ifiwumbwa fina (4) ifyo, shila shimo shikhandi na mapapanikho mutanda. Khanji amapapanikho ago, gakhandi na meeho mu mbali soona. Ifiwumbwa ifyo, fikhandi fiyimba ishilo ni shiminsi fisisisima fiijova, “Munofu, Munofu, Munofu, yu Mutwa uNguluvi, uMunya Ngufu Soona, yuna akhandi akwali, akwali na akhava akwali.”

Wugubutulo 4:8 Iomraidhean Croise

Shiyanso 17:1

UAbulaamu pina akhandi ana maakha mashumi gonja ni gonja, uMutwa uNguluvi wámutwiwushilaga, wámujovela wáaja, “One yuune Nguluvi Munya Ngufu Soona. Yinatilaga amamanyiso gangu na kiiva mugolofu,

Nsengo sa Vanandeje 20:31

Kwa kiiva ya ilyo, muveesaje meeho! Muveesaje nu luuju kiija, kwa maakha gatatu ishilo ni shiminsi nisikhakhateele kivapavila omwe shila muunu kwa maanyosi.

2 Vakolinto 6:18

“Nikhava nili Wiheenyu, na yuumwe mukhava vanangu va shigoosi na va shidala. UMutwa uNguluvi uMunya Ngufu Soona, ilogola!”

1 Vatesalonike 2:9

Vahuvililaaji vayeesu, muna luuju shina tikhajimbile na kilava. Pina tikhavakhomile iMola iNofu ya Nguluvi, tikhandi tisenga insengo ishilo ni shiminsi, baheene tisikhaveesaga musigo kwa muunu yoyoona uwa kunyeenyu.

1 Timoteo 4:16

Uyiyangalile mu njendo na mamanyiso gaakho. Usikhayolopwagwa, kwa kiiva pina wiigaha ago, ukiyikulusa yuuwe na vina vikikupuliisa.

2 Timoteo 4:2

Uveesaje wiikhoma iLiswi lya Nguluvi, ugahaje ilyo uluhaavi luna lufwaya na luna lusifwaya. Uveesaje wipavila na kikhajila, uvajiniaje avaanu na kivamanyisa kwa lugugumilo loona.

Vahebulaniya 13:8

UYeesu Kilisito asihambukha. Umwene ali ngaja shina akhandi ulwamwandi, uluhaavi ulu mbakha shiluta na shiluta.

Wugubutulo 1:4

One Yohana nikifiyandishila ibalula iyi ifipuga fungati ifya vahuvililaaji va Yeesu, ifya mu nyi ya Asiya. Imota nu wulindamafu, five lumo noomwe kihuma kwa yuna akhandi akwali, akwali na akhava akwali, ni Numbula fungati sina sili pamwandi ya shitengo shaakwe isha Wutwa,

Wugubutulo 1:8

UMutwa uNguluvi ilogola kiija, “One yuune Alufa khanji yuune Omega, yuna akhandi akwali, akwali na akhava akwali, one yuune Nguluvi Munya Ngufu Soona.”

Wugubutulo 11:17

vaajova ndeeni, “Tikikuhonjesa owe Mutwa Nguluvi, uMunya Ngufu Soona, yuna ukwali na ukhandi ukwali, kwa kiiva wasenjela uwutawulilwa waakho uwukhome, na lilino wiitema.

Wugubutulo 14:11

Ilyosi ilya mooto lina likhavanyaanya likhataana kushaanya shiluta. Avaanu awo vakhalafisiwa ishilo ni shiminsi, kwa kiiva vakhandi vikilifuunya ilikhanu ni sanaamu yaakwe na kiviikhwa ishimanyilo sha litaawa lyakwe.”

Wugubutulo 14:3

Avaanu magana ishumi ligana na magana ishumi mashumi gana na magana mashumi gana (144,000) awo, vakhandi vayiimile pamwandi ya shitengo sha Wutwa na pamwandi ya fiwumbwa fina (4) fila, na vagosiivaha mashumi gavili na vana. Vakhandi viyeyema uluyeyemo ulupya, kusiina umuunu uyunji yuna akhakwiliile kiyimanyisa uluyeyemo ulu, ila avaanu awo vina vakulusiwaagwa mu nyi.

Wugubutulo 15:3

Vakhandi viyeyema uluyeyemo lwa Musa, umuvanda wa Nguluvi, nu luyeyemo lwa Mwana Nkholo, viijova ndeeni, “UMutwa uNguluvi, uMunya Ngufu Soona, insengo saakho nkhome, khanji sa kiswiga mandu! Owe yuuwe Mutwa wa nyi soona, insengo saakho ngolofu, khanji sa shiyooli!

Wugubutulo 15:7

Umunyaayumo wa fiwumbwa fina (4) fila, wávapeela shila yumo wa vamalayikha vala fungati, isebeti yimo iya sahaabu, yina yimemile inkhalasi ya Nguluvi yuna muumi shiluta na shiluta.

Wugubutulo 16:14

Amalungu ago gakhandi nu wutawulilwa uwa kigaha amabikha. Vaava viiluta kwa vatwa woona ava nyi, kiija vavakungaanie kiiva ya wulugu wuna wukhava ilisiku ilikhome ilya Nguluvi, uMunya Ngufu Soona, pina akhavamena avalugu vaakwe.

Wugubutulo 16:7

Baheene napulikha ishawuti kihuma pa luvala ulwa kihumisa ishadanda yiija, “Eena Mutwa Nguluvi, uMunya Ngufu Soona, uwuhigo waakho wa shiyooli, usibaniilila vamonga!”

Wugubutulo 19:15

Ipanga inemi, yiihuma mu mulomo gwakwe. Kwa panga iyo, akhavatema avaanu va nyi soona, na kivamena avalugu vaakwe woona. Woope ikiyikhanya isabiibu mu shombo sha kihuujila. Ishombo ishi shiwonensa idivaayi iya nkhalasi inkhome iya Nguluvi, uMunya Ngufu Soona.

Wugubutulo 19:4

Avagosiivaha vala mashumi gavili na vana, lumo ni fiwumbwa fina (4) ifya wuumi, fyayigwisa pansi, fyagubama, fyamufuunya uNguluvi yuna akheele pa shitengo isha Wutwa fiijova, “Amina! Haleluya!”

Wugubutulo 21:22

Nisikhayiweene inanda ya Nguluvi mu lijumbi umo, kiiva uMutwa uNguluvi, uMunya Ngufu Soona, nu Mwana Nkholo vaveene viikhala mu lijumbi umo.

Wugubutulo 3:7

“Muyandishila umalayikha wa shipuga sha vahuvililaaji vangu ava ku lijumbi lya Filadelifiya ndeeni, Amaswi aga gahumile kunyangu one Yeesu, one nili Munofu, khanji nili wa shiyooli. Nina fungulo ya wutawulilwa wa mutwa uDawudi, nda nidindule kusiina uwa kidinda, khanji nda nidinde kusiina uwa kidindula. Ndeeno, munipuliise!

Wugubutulo 4:4

Khanji ifitengo mashumi gavili na gana, fyashipilimaga ishitengo shila sha Wutwa. Mu fitengo ifyo vakhalaga avagosiivaha mashumi gavili na vana. Vakhandi vafwele amenda mavalafu ni njoola isa kitema isa sahaabu mu matwe gaanave.

Wugubutulo 4:6

Khanji, apo pakhandi ngaja bahali ya shilole, yina yikhandi ngaja lingʼanga lina lingʼaala mandu. Paakhati ya shitengo isha Wutwa na vagosiivaha vala, pakhandi pana fiwumbwa fina (4), ifya wuumi. Fikhandi fipilima imbali soona isa shitengo sha Wutwa. Fikhandi na meeho shila luvala.

Wugubutulo 4:9

Umwene yuna ashikhaliile ishitengo sha Wutwa, yumwene uNguluvi yuna muumi shiluta na shiluta. Ifiwumbwa ifyo luhaavi loona pina fikimutupikha, fikimutiila na kimuhonjesa,

Wugubutulo 5:6

Baheene naawona apo nkholeela ni shitengo sha Wutwa, uMwana Nkholo ayiimile. Woope akhandi apiliimwe ni fiwumbwa fina (4) fila, na vagosiivaha vala mashumi gavili na vana. Akhandi iwonekha ngaja ashinjiilwe. Khanji akhandi ana mapembe fungati na meeho fungati. Ameeho ago Numbula fungati isa Nguluvi, sina sikhandi sifiliikhwe mbali isa nyi yoona.

Wugubutulo 6:1

Baheene namwaga uMwana Nkholo ilamaatula umupulya ulubali lumo. Napulikha ishiwumbwa shimo mu fina (4) fila, shilogola ishawuti ngaja iya kiguluma shiija, “Yinsa!”

Wugubutulo 6:6

Napulikha ngaja shawuti paakhati ya fiwumbwa fina (4) fila, yiijova, “Indonya yimo hela ya ngano yisiigulwe kwa mahombo ga nsengo ya lijuva limo. Indonya sitatu hela sa shayili sisiigulwe kwa mahombo ga nsengo ya lijuva limo, leelo usikhaganangaga amafuta wala idivaayi yina yinoneela.”

Wugubutulo 7:11

Avamalayikha woona vayiimile vashipiliime ishitengo sha Wutwa na vagosiivaha ni fiwumbwa fina (4). Vayigwisa pansi, vagubama pamwandi ya shitengo sha Wutwa na kimufuunya uNguluvi,

Wugubutulo 7:15

Lulwene vali pamwandi ya shitengo sha Wutwa wa Nguluvi. Vikimufuunya uNguluvi ishilo ni shiminsi mu nanda yaakwe, woope yuna akheele mu shitengo sha Wutwa, akhava lumo nawo ikivadiima.