Wugubutulo 4:4 - IShiyanso nu Lufingo uLupya

⁴ Khanji ifitengo mashumi gavili na gana, fyashipilimaga ishitengo shila sha Wutwa. Mu fitengo ifyo vakhalaga avagosiivaha mashumi gavili na vana. Vakhandi vafwele amenda mavalafu ni njoola isa kitema isa sahaabu mu matwe gaanave.

Wugubutulo 4:4 Iomraidhean Croise

Mataayo 19:28

UYeesu wávayankha wáaja, “Shiyooli nikivajovela kiija, one Lusawo lwa Muunu pina nikhava Mutwa wa nyi imya iya Nguluvi, nikhakhalila ishitengo shangu isha kihijila, na yuumwe muna munifwatile, mukhakhala mu fitengo ishumi na fivili ifya shitwa, mukivahiga avaanu va fikholo ishumi na fivili ifya Isilaheli.

Luuka 22:30

Apo mukhava mwilya na kiingʼwa noone, mu Wutwa wangu. Khanji mukhakhala mu fitengo ifya shitwa, mukivahiga avaanu va fikholo ishumi na fivili ifya Isilaheli.”

2 Timoteo 4:8

Lino yisigeele kipeelwa ulutono lwa kikhala mu wiikhasi wuna inojelwa wiila uMutwa uMuhigaaji wa shiyooli. Ulutono ulo akhanipeela ilisiku lila lina tikhahigwa, yisili kiija yuune hela, leelo na vaanu woona vina vidobokha mandu kimwaga umwene pina akhayinsa.

Wugubutulo 11:16

Woope avagosiivaha mashumi gavili na vana, vina viikhala mu fitengo fyanave pa Nguluvi, vayigwisa pansi, vagubama, vamufuunya uNguluvi,

Wugubutulo 14:3

Avaanu magana ishumi ligana na magana ishumi mashumi gana na magana mashumi gana (144,000) awo, vakhandi vayiimile pamwandi ya shitengo sha Wutwa na pamwandi ya fiwumbwa fina (4) fila, na vagosiivaha mashumi gavili na vana. Vakhandi viyeyema uluyeyemo ulupya, kusiina umuunu uyunji yuna akhakwiliile kiyimanyisa uluyeyemo ulu, ila avaanu awo vina vakulusiwaagwa mu nyi.

Wugubutulo 19:14

Avasulukhali ava kwa Nguluvi, vakhandi vikimufwata kunyuma. Vakhandi vafwele amenda amanofu amavalafu aga kitaani, khanji gina gingʼaala khabisa, woope vakhandi vayangeele ifalaasi imbalafu.

Wugubutulo 19:4

Avagosiivaha vala mashumi gavili na vana, lumo ni fiwumbwa fina (4) ifya wuumi, fyayigwisa pansi, fyagubama, fyamufuunya uNguluvi yuna akheele pa shitengo isha Wutwa fiijova, “Amina! Haleluya!”

Wugubutulo 2:10

Musikhatiilaji amalava gina gakhavapata. Puliisi! UShetaani asivapinye avayeenyu vamonga mu shifungo avajele, baheene musiilave nsiku ishumi. Muyitenekhaje kiiva vayinatifu mbakha kiifwa, baheene one nisivapeele injoola ya wuumi wa shiluta.

Wugubutulo 20:4

Baheene nafyaga ifitengo ifya Wutwa fikhaliilwe na vaanu vina vakhandi vapeliilwe uwutawulilwa uwa kihiga na kitema. Awo vakhandi vaanu vina vadumulwagwa amatwe kwa kihumya uwubedelo uwa Yeesu na kiyalaalisa iLiswi lya Nguluvi. Vasikhalifuunyile ilikhanu ilikhome lila wala isanaamu yaakwe. Vasikhayanushiile ishimanyilo sha likhanu ilikhome ilyo pa weeni waanave wala mu mawokho gaanave. Avaanu ava vafyukhaga, vaatema lumo nu Kilisito kwa maakha magana lishumi (1,000).

Wugubutulo 3:18

Nikivasimila kiija, mugule kunyangu isahaabu yina yivalasiiwe nu mooto, baheene muve vanya wusi. Khanji lunofu mugule amenda amavalafu, baheene mufwale mufihe uwubwinda weenyu, musikhawonaga nsoni. Mugule umugoda gwa kidomohesa mu meeho geenyu, baheene muloleele wunofu.

Wugubutulo 4:10

woope avagosiivaha vala mashumi gavili na gana, vayigwisa pansi, vagubama pamwene yuna akhaliile ishitengo sha Wutwa na kimufuunya yuna muumi shiluta na shiluta. Woope vikimuhumisa injoola saanave pa shitengo sha Wutwa viijova ndeeni,

Wugubutulo 4:6

Khanji, apo pakhandi ngaja bahali ya shilole, yina yikhandi ngaja lingʼanga lina lingʼaala mandu. Paakhati ya shitengo isha Wutwa na vagosiivaha vala, pakhandi pana fiwumbwa fina (4), ifya wuumi. Fikhandi fipilima imbali soona isa shitengo sha Wutwa. Fikhandi na meeho shila luvala.

Wugubutulo 5:11

Baheene naloleela na kipulikha ishawuti sa vamalayikha vinshi vina vayiimile, vashipiliime ishitengo sha Wutwa ni fiwumbwa fina (4), na vagosiivaha vala mashumi gavili na gana. Uwinshi wa vamalayikha vakhandi magana mashumi ishumi (10,000) mala magana mashumi ishumi (10,000), mbakha usikwiliile kivavasa.

Wugubutulo 5:14

Ifiwumbwa fina (4) fila fiijova, “Amina.” Woope avagosiivaha vala mashumi gavili na vana, vayigwisa pansi, vagubama na kifuunya.

Wugubutulo 5:6

Baheene naawona apo nkholeela ni shitengo sha Wutwa, uMwana Nkholo ayiimile. Woope akhandi apiliimwe ni fiwumbwa fina (4) fila, na vagosiivaha vala mashumi gavili na vana. Akhandi iwonekha ngaja ashinjiilwe. Khanji akhandi ana mapembe fungati na meeho fungati. Ameeho ago Numbula fungati isa Nguluvi, sina sikhandi sifiliikhwe mbali isa nyi yoona.

Wugubutulo 5:8

Pina wátoolaga ilitaafili lila, ifiwumbwa fina (4) fila, lumo na vagosiivaha vala mashumi gavili na vana (4), vayigwisa pansi, vagubama pa Mwana Nkholo. Woona vakhandi ni malimba ni sebeti isa sahaabu sina simemile ifya kitinshilisa ingaagulwa sina sinunshilila. Ifiinu fya kitinshilisa, ifyo fifyene mafuunyo ga vabaagule va Nguluvi.

Wugubutulo 6:11

Baheene aveene woona vapeelwa inkhansu inali imbalafu. Khanji vavajovela kiija, vaheepe kwa luhaavi lufupi, mbakha avahuvililaaji vaanave, yaani avavanda vayaanave, pina vakhabudwa ngaja aveene, baheene uluvaso lwanave lukhamiilishe.

Wugubutulo 7:11

Avamalayikha woona vayiimile vashipiliime ishitengo sha Wutwa na vagosiivaha ni fiwumbwa fina (4). Vayigwisa pansi, vagubama pamwandi ya shitengo sha Wutwa na kimufuunya uNguluvi,

Wugubutulo 7:9

Gaganile kishila ago, naawona ishipuga ishikhome mandu sha vaanu vina kusiina yuna akwiliile kivavasa. Avaanu va nyi soona, ifimyanja fyona, ifikholo fyona ni filogolo fyona, vayiimile pamwandi ya shitengo sha Wutwa na pa Mwana Nkholo. Vafwele inkhansu inali imbalafu, khanji vakheete amansambala ga mapunga mu mawokho gaanave.

Wugubutulo 9:7

Amavili ga nkumbi iso gakhandi ngaja falaasi sina sipinyanjiilwe kwa kiiva ya wulugu. Mu matwe gaanave pakhandi ngaja njoola sa shitwa sa sahaabu. Khanji uweeni waanave wukhandi ngaja weeni wa vaanu.