Wugubutulo 3:8 - IShiyanso nu Lufingo uLupya

⁸ Nisimeenye injendo seenyu. Loleeli, niviishile pamwandi yeenyu umulyango guna guli mwasi, kusiina umuunu yuna akwiliile kigudinda. Nimeenye muna ngufu ndoodo, leelo muliyinatiile iliswi lyangu, khanji musalikhaana ilitaawa lyangu.

Wugubutulo 3:8 Iomraidhean Croise

Luuka 12:9

Leelo yoyoona yuna ikinikhaana pa vaanu, na yuune nikhamukhaana pa vamalayikha va Nguluvi.

Yohana 15:20

Musikhasamwaji gina navajovelaga kiija, ‘Umuvanda asili mukhome kishila umutwa waakwe.’ Ino nda vanilafyaga one, na yuumwe vakhavalafya shiisho ndeeno, nda vihuviilila amamanyiso gangu, vakhahuviilila na mamanyiso geenyu.

Yohana 17:6

“Wee Daada, nakukhoona shina ushwali, kwa vaanu vina wanipeelaga mu nyi iyi. Vakhandi vaanu vaakho, owe wanipeelaga. Khanji vagahile goona gina ukhandi uvalajiise.

Nsengo sa Vanandeje 14:27

Vaganile kifikha ku Antiyokiya, vashikungaania ishipuga sha vahuvililaaji. Vavajovela goona gina uNguluvi wágahaga kishilila kunyaanave, na shina wávadindulila vina vasili Vayahuudi umulyango gwa kimuhuviilila uYeesu.

1 Vakolinto 16:9

Niigaha ndeeno, kwa kiiva uNguluvi anipeelile uluhaavi lunofu ulwa kisenga insengo nkhome mu lijumbi ili, leelo vakwali avaanu vinshi vina vikinisivila.

2 Vakolinto 2:12

Lino, pina naafikha mu lijumbi lya Tulowa kikhoma iMola iNofu ya Kilisito, uMutwa wánidindulila umulyango gwa kisenga insengo yaakwe.

Vafilipi 4:13

Nihiiva kigaha goona ago, kwa kiiva uKilisito yumwene yuna ikinipeela ingufu.

Vakolosaayi 4:3

Mutufunyilaje na yuuse, baheene uNguluvi atudindulile insila ya kikhoma iliswi lyakwe, lina likhandi lifihiilwe mbakha pina wáyinsaga uKilisito. One nidindiilwe mu shifungo kwa kiiva ya kikhoma imola iso.

1 Timoteo 5:8

Leelo umuunu yoyoona yuna asikivayangalila avalukholo lwakwe, mandu ava mu nanda yaakwe, uyo iiva wálilekha ilihuuvi, khanji iiva muvi kishila umuunu yuna asili muhuvililaaji wa Yeesu.

2 Timoteo 4:7

Najimba kilwila amaswi ga lihuuvi lyesu. Lino nagamala amamenano ga luvilo gina nikhandi niisiga, niyangalila amamanyiso ga lihuuvi.

Yuuda 1:4

Nikivayandishila ibalula iyi, kwa kiiva kuna vaanu vamonga vina vasikimuyinatila uNguluvi, vayiyinjiise kwa wufiho na kiyihansa noomwe. Avaanu awo viijova kiija, hata nda tigahe uwunansi, ulusungu lwa Nguluvi luli lumo noose. Kwa kigaha ndeeno, vikimukhaana uYeesu Kilisito uMulongosaaji uMukhome, uMutwa weesu. Leelo kihuma pawukuulu yiyandiikhwe kiija, avaanu ava vakhahigwa.

Wugubutulo 2:13

One nipameenye pina mwikhala, apo baheene pina iitema uShetaani. Hata ndeeno mukilikhata ilitaawa lyangu. Khanji musikhakhaanile ilihuuvi lyenyu kunyangu, hata mu luhaavi ulwa Antipa umulunjikhaaji wangu, umuyinatifu mbakha kiifwa. Umuunu yula yumwene yuna wábudwagwa paakhati yeenyu, pina iikhala uShetaani.

Wugubutulo 2:2

Nisimeenye injendo seenyu, uludali lwenyu nu wugugumilo weenyu. Khanji nimeenye kiija, musihanga na vaanu avanansi vina vikiyitambula vanandeje, humbe vasili vanandeje, mwavajelaga, mwamanya kiija vakhandi vadehi.

Wugubutulo 22:7

UYeesu iijova, “Puliisa! Niyinsa lilino ndeeni. Ayimiliilwe yuna iyinatila amaswi ga wukuwamalago uwa litaafili ili.”

Wugubutulo 3:1

“Muyandishila umalayikha wa shipuga sha vahuvililaaji vangu ava ku lijumbi lya Salidi ndeeni, Amaswi aga gahumile kunyangu one Yeesu, one niitema iNumbula fungati isa Nguluvi ni nondwe fungati. Nisimeenye injendo seenyu, avanji vikivaaga muli wuumi, leelo mufwile. Ndeeno, munipuliise!

Wugubutulo 3:10

Mwaliyinatila iliswi lyangu ilya kiiva nu wugugumilo, ndeeno na yuune nisivayangalile omwe muhume mu luhaavi lwa majelo gina gahejeelile kiyinsa kivajela avaanu va mu nyi yoona.

Wugubutulo 3:15

Nisimeenye injendo seenyu. Nimeenye kiija omwe musili vasisimu wala musili vapyo. Shiba mwali muve vasisimu awu vapyo!

Wugubutulo 3:7

“Muyandishila umalayikha wa shipuga sha vahuvililaaji vangu ava ku lijumbi lya Filadelifiya ndeeni, Amaswi aga gahumile kunyangu one Yeesu, one nili Munofu, khanji nili wa shiyooli. Nina fungulo ya wutawulilwa wa mutwa uDawudi, nda nidindule kusiina uwa kidinda, khanji nda nidinde kusiina uwa kidindula. Ndeeno, munipuliise!