Wugubutulo 3:5 - IShiyanso nu Lufingo uLupya

⁵ Umuunu yuna akhamena, akhafwala amenda amavalafu ngaja aveene. Na yuune nisikhaliwuusa kaa, ilitaawa lyakwe mu Litaafili ilya Wuumi, leelo nikhaliyiitikha pa Daada wangu na pa vamalayikha vaakwe.

Wugubutulo 3:5 Iomraidhean Croise

Mataayo 10:32

Nikivajovela kiija, umuunu yoyoona yuna ikivajovela avaanu kiija ikiniyinatila one, na yuune nikhamujovela uDaada wangu yuna ali kushaanya kiija umuunu uyu ikiniyinatila.

Luuka 10:20

Leelo, hata nda mushendeeva kwa kiiva amalungu gikivatiila, musikhashendeevaji kwa ilyo lyene. Shendeevaji kwa kiiva uNguluvi agayandiishe amataawa geenyu kushaanya muve vaanu vaakwe.”

Luuka 12:8

“Nikivajovela kiija, umuunu yoyoona yuna ikivajovela avaanu kiija ikiniyinatila one, na yuune Lusawo lwa Muunu nikhamujovela uNguluvi na vamalayikha vaakwe kiija, uyo muvanda wangu.

Vafilipi 4:3

Hata yuuwe muvanda muyangu wa shiyooli, nikikulomba uvatanje avashimaayi vavili awo, vave nu lugulumilo lumo, kwa kiiva woona vavili awo, vajimbaga mandu kiyalaalisa iMola iNofu lumo noone nu Kilementi na vavanda vayangu avanji. Amataawa ga vaanu awo woona, gayandiikhwe mu Litaafili ilya Wuumi.

Yuuda 1:24

UNguluvi yumwene munya ngufu ya kivadiima kiija musikhayagaga, na kivaleeta omwe pa wutupikho waakwe uwukhome musiina wuvi, kwa wushendeefu wukhome.

Wugubutulo 13:8

Avaanu va nyi soona vakhamusungamila, leelo, avaanu vina amataawa gaanave gayandiikhwe mu Litaafili lya Wuumi, kihuma inyi yisinawumbwe, awo vasikhamusungamila. Ilitaafili ili, litaafili lya Mwana Nkholo yuna wáshinjwagwa.

Wugubutulo 17:8

Ilikhanu ilyo lina walyagaga likhandi lyumi, lino ndeeni lifwile. Lino lili nkholeela kihuma mu lilindi ilikhome ilya malungu, leelo uNguluvi akhalibuda. Avaanu woona ava mu nyi, vina amataawa gaanave gasikhayandiikhwe mu Litaafili ilya Wuumi kihuma inyi yisinawumbwe, vakhaswiga. Vakhaswiga pina vakhalyaga ilikhanu ilyo lina pashiyanso likhandi lyumi, khanji lyafwa, lino ndeeni, lyatina!

Wugubutulo 19:8

Umwene umunya kitoolwa apeliilwe kifwala amenda amanofu amavalafu aga kitaani, khanji gina gingʼaala khabisa.” Amenda amanofu amavalafu aga kitaani, uluganulo lwakwe injendo ingolofu isa vabaagule va Nguluvi.

Wugubutulo 2:11

Umuunu yuna ana makutu apulishe gala gina uNumbula wa Nguluvi ikifijovela ifipuga fya vahuvililaaji. Umuunu yuna akhamena, asikhapyasiwa hata padoodo ni mfwa ya wuvili.”

Wugubutulo 2:7

Umuunu yuna ana makutu apulishe gala gina uNumbula wa Nguluvi ikifijovela ifipuga fya vahuvililaaji. Umuunu yuna akhamena, nikhamutawula alye amakhomo ga mupishi guna gwihumya uwuumi wuna wuli mu shiisi sha Nguluvi.”

Wugubutulo 20:12

Ibahali yavahumyaga kunja vina vakhandi vafwiliile umo. IMfwa nu Wusimu fyope fyavahumya kunja vina vakhandi vafwile. Nikhavaajile avakhome na vanangʼana, vayiimile pa shitengo isha Wutwa. Baaho amataafili gagubutulwa, khanji ilitaafili ilinji ilya wuumi lyope lyagubutulwa. Baheene uNguluvi wávahiga kilingana ni njendo saanave, ngaja shina yiyandiikhwe mu mataafili ago.

Wugubutulo 20:15

Umuunu yoyoona yuna ilitaawa lyakwe lisikhayandiikhwe mu Litaafili lya Wuumi, wátagwagwa mu lilamba ilikhome lina liveekha umooto.

Wugubutulo 21:27

Leelo kusiina khabisa shoshoona ishishaafu shina shikhayinjila mu lijumbi umo, wala umuunu yoyoona yuna iigaha aga kikhalasa wala aga wudehi. Leelo avaanu vina vakhayinjila mu lijumbi umo, vala vina amataawa gaanave gayandiikhwe mu Litaafili ilya Wuumi ilya Mwana Nkholo.

Wugubutulo 22:19

Umuunu nda asheepule amaswi gogoona mu mola isa wukuwamalago uwa litaafili ili, uNguluvi woope akhamushepusisa uwugolofu uwa kikhala mu lijumbi ilibaagule, nu wugolofu uwa kiilya amakhomo aga mupishi guna gwihumya uwuumi.

Wugubutulo 3:12

Umuunu yuna akhamena, nikhamuviikha kiiva nsimbili mu shiyumba sha nanda ya Nguluvi wangu, asiihuma umo kaa. Kwa uyo, nikhaliyandikha ilitaawa lya Nguluvi wangu na ilitaawa lya lijumbi lya Nguluvi wangu. Ilijumbi ilyo Yelusalemu mya, lina liyiikha kihuma kwa Nguluvi wangu. Khanji kwa uyo nikhaliyandikha yuune, ilitaawa lyangu ilipya.

Wugubutulo 3:4

Leelo, muna vaanu vasheefu mu Salidi vina vasitopiise amenda gaanave kwa kigaha uwunansi. Awo vaveene vakhava vijenda lumo noone vafwele amenda amavalafu, kwa kiiva avaanu awo vifwaya.

Wugubutulo 6:11

Baheene aveene woona vapeelwa inkhansu inali imbalafu. Khanji vavajovela kiija, vaheepe kwa luhaavi lufupi, mbakha avahuvililaaji vaanave, yaani avavanda vayaanave, pina vakhabudwa ngaja aveene, baheene uluvaso lwanave lukhamiilishe.