Wugubutulo 3:4 - IShiyanso nu Lufingo uLupya

⁴ Leelo, muna vaanu vasheefu mu Salidi vina vasitopiise amenda gaanave kwa kigaha uwunansi. Awo vaveene vakhava vijenda lumo noone vafwele amenda amavalafu, kwa kiiva avaanu awo vifwaya.

Wugubutulo 3:4 Iomraidhean Croise

Mataayo 10:11

Ilijumbi lyolyona lina mukhayinjila awu mu lujinji, musakulaji umo umuunu yuna akwiliile kivasaajisa omwe. Baheene mukhalaje kunyaakwe, mbakha uluhaavi luna mukhawuukha ukho.

Maluko 16:5

Pina vayinjiile mukhati mu lijooja, vamwaga umujeleelu afwalile amenda mavalafu, akheele ulubali lwa ndiilo ulwa lijooja. Baheene avashimaayi vala, vaswijile mandu.

Luuka 20:35

Leelo avaanu vina uNguluvi ikivaaga kiija visakulwa kifyusiwa kihuma kwa vina vafwile na kikhala mu nyi imya, awo vasikhatoola, wala kitoolwa khanji.

Luuka 21:36

Lino, muveesaje meeho uluhaavi loona, mukimufuunya uNguluvi, baheene avapeelaje ingufu isa kishila mu goona gina gakhayinsa, baheene muve mukiyikhangasa kiyiima pamwandi yangu, one Lusawo lwa Muunu mu lisiku ilya kihigwa inyi.”

Nsengo sa Vanandeje 1:15

Ilijuva limonga, avahuvililaaji vakungaanile lumo, pamonga vafishile avaanu ngaja ligana limo na mashumi gavili ndeeni (120). Baheene uPetulo wáyiima paakhati naakhati yaanave, wávajovela wáaja,

2 Vatesalonike 1:5

Amalava ago kwa kiiva ya Wutwa wa Nguluvi, giwonensa kiija uwuhigo waakwe, wa shiyooli. Mu malava ago, mukhayiitikhwa kiyinjila mu Wutwa uwo.

Yuuda 1:23

avanji vakulusaaji kwa nsila ya kivakwepula mu mooto, avanji muvasungupilaje. Leelo muyivavalaje, mukhalalilaje hata amenda gaanave, amanya madeeha ga wupafu waanave uwuvi.

Wugubutulo 1:11

Ishawuti iyo yajovaga kiija, “Aga goona gina ukigaaga, ugayandishe mu litaafili. Pina wayandikha, ulitwale ilitaafili mu fipuga fungati ifya vahuvililaaji ifya mu majumbi ga Efeso, Simulina, Peligamo, Tiyatila, Salidi, Filadelifiya na mu Lawodikiya.”

Wugubutulo 11:13

Kwa luhaavi luulo kwava ludegenkho lukhome lwa nyi, uluvala lumo mu mbali ishumi isa lijumbi lwabomokha. Khanji avaanu magana ishumi fungati (7,000) vaafwa, vina vasigalaga vatiilaga mandu, vamutupikha uNguluvi uwa kushaanya.

Wugubutulo 14:4

Vaveene vikimufwata uMwana Nkholo kokoona kuna iiluta. Vasikhayishafwile, kiiva vakhandi ngaja vahinja vina vasinajelaje kijenda na vagoosi. Avaanu awo vakulusiwaagwa mu vaanu avanji, khanji ngaja sadaakha ya nkungulo iya wutasi yina yihumisiwa kwa Nguluvi na kwa Mwana Nkholo.

Wugubutulo 19:14

Avasulukhali ava kwa Nguluvi, vakhandi vikimufwata kunyuma. Vakhandi vafwele amenda amanofu amavalafu aga kitaani, khanji gina gingʼaala khabisa, woope vakhandi vayangeele ifalaasi imbalafu.

Wugubutulo 19:8

Umwene umunya kitoolwa apeliilwe kifwala amenda amanofu amavalafu aga kitaani, khanji gina gingʼaala khabisa.” Amenda amanofu amavalafu aga kitaani, uluganulo lwakwe injendo ingolofu isa vabaagule va Nguluvi.

Wugubutulo 3:18

Nikivasimila kiija, mugule kunyangu isahaabu yina yivalasiiwe nu mooto, baheene muve vanya wusi. Khanji lunofu mugule amenda amavalafu, baheene mufwale mufihe uwubwinda weenyu, musikhawonaga nsoni. Mugule umugoda gwa kidomohesa mu meeho geenyu, baheene muloleele wunofu.

Wugubutulo 3:5

Umuunu yuna akhamena, akhafwala amenda amavalafu ngaja aveene. Na yuune nisikhaliwuusa kaa, ilitaawa lyakwe mu Litaafili ilya Wuumi, leelo nikhaliyiitikha pa Daada wangu na pa vamalayikha vaakwe.

Wugubutulo 4:4

Khanji ifitengo mashumi gavili na gana, fyashipilimaga ishitengo shila sha Wutwa. Mu fitengo ifyo vakhalaga avagosiivaha mashumi gavili na vana. Vakhandi vafwele amenda mavalafu ni njoola isa kitema isa sahaabu mu matwe gaanave.

Wugubutulo 6:11

Baheene aveene woona vapeelwa inkhansu inali imbalafu. Khanji vavajovela kiija, vaheepe kwa luhaavi lufupi, mbakha avahuvililaaji vaanave, yaani avavanda vayaanave, pina vakhabudwa ngaja aveene, baheene uluvaso lwanave lukhamiilishe.

Wugubutulo 7:9

Gaganile kishila ago, naawona ishipuga ishikhome mandu sha vaanu vina kusiina yuna akwiliile kivavasa. Avaanu va nyi soona, ifimyanja fyona, ifikholo fyona ni filogolo fyona, vayiimile pamwandi ya shitengo sha Wutwa na pa Mwana Nkholo. Vafwele inkhansu inali imbalafu, khanji vakheete amansambala ga mapunga mu mawokho gaanave.