Wugubutulo 3:3 - IShiyanso nu Lufingo uLupya

³ Lino, mukumbushe shina mwaposheelaga na shina mwapulikhaga, mugakhate ago na kilambiisila. Leelo nda musilamukha, nikhayinsa ngaja umuhiiji shina iyinsa, musikhalumanya uluhaavi ulo.

Wugubutulo 3:3 Iomraidhean Croise

Mataayo 25:13

UYeesu wávajovela avamanyisiwa vaakwe wáaja, “Lino muveesaje meeho, kwa kiiva musilimeenye ilijuva wala uluhaavi luna one Lusawo lwa Muunu, nikhatina.”

Maluko 13:33

Kiiva musimeenye uluhaavi ulo lukhayinsa yooli, yipinyangaji na muveesaje meeho.

Maluko 13:36

Muveesaje meeho, nda ayinse avatilimbule asilaave avaaje mugoneleele.

1 Vatesalonike 5:2

kwa kiiva omwe mumeenye ilijuva lya kiyinsa uMutwa uYeesu, likhava lya kitinuhisa ngaja umuhiiji shina iyinsa paashilo.

1 Timoteo 6:20

Timoteo, yinatilaga wunofu kivamanyisa ishiyooli shina upeliilwe. Usikhayiyinjisaaga mu njowo sina singaya lutono. Khanji hegukhaga mu makhaananio aga shiyasu, gina avanji viijova aga gageene mamanyiso ga wumanyi.

2 Timoteo 1:13

Ugayinatilaje wunofu amamanyiso ga shiyooli gina nakupeelaga. Uwulanise ago na kisigala ni lihuuvi nu lugano mwa Kilisito Yeesu.

Vahebulaniya 2:1

Ino, tigayinatilaje mandu gala gina tagapulikhaga, baheene tisilaave tigaleshe na kiyansa kigayinatila aganji.

2 Petulo 1:13

Niiwona lunofu kunyangu kivakumbusa ulwa mola iso, uluhaavi loona luna nikheele mu nyi muno.

2 Petulo 3:1

Vagani vangu, ibalula iyi ya wuvili nikivayandishila. Mu balula soona sivili isi sina natalaga kivayandishila, nikhandi nikivakhangasa kwa kivakumbusa amaswi gina mugameenye, kiija muhiive wunofu.

2 Petulo 3:10

Ilisiku lya Mutwa ilya wuhigo likhava lya kitinuhisa ngaja umuhiiji shina iyinsa. Ilisiku ilyo, uwulanga wukhawuukha kwa lugulumo lukhome, ifiinu fina fikwali ukho, fikhanyaanywa kwa mooto, yoope inyi yikhabojolwa lumo ni fiinu fyona fina fili umo.

Wugubutulo 16:15

UYeesu iijova, “Puliisi! Nikhayinsa ngaja umuhiiji shina iyinsa! Ayimiliilwe umuunu yuna iigona meeho na afwele amenda gaakwe kiija, asilaave ajende bwinda na kihonga insoni.”

Wugubutulo 2:25

Leelo muyinatilaje wunofu amanofu ago gina munago mbakha pina nikhayinsa.

Wugubutulo 2:5

Lino mukumbushe pina mukhagwile, mulambiisile, muve ni njendo isa lwamwandi. Leelo nda musilambiisila, niyinsa kunyeenyu kiwuusa insimbili iya sahaabu iya lumuli pina lukwali.

Wugubutulo 22:7

UYeesu iijova, “Puliisa! Niyinsa lilino ndeeni. Ayimiliilwe yuna iyinatila amaswi ga wukuwamalago uwa litaafili ili.”

Wugubutulo 3:11

Niyinsa lilino. Khataji mandu shina munasho, asaali ayinse umuunu kivapokha injoola yeenyu.

Wugubutulo 3:19

Woona vina nivageene, nikivadalishila na kivayoonya, lino jimbaji kilambiisila.

Wugubutulo 3:2

Lamushi! Mugajinie gina gasigeele muumi, leelo giilwa kiifwa kwa kiiva injendo seenyu sisili nofu pa Nguluvi wangu.