Wugubutulo 3:2 - IShiyanso nu Lufingo uLupya

² Lamushi! Mugajinie gina gasigeele muumi, leelo giilwa kiifwa kwa kiiva injendo seenyu sisili nofu pa Nguluvi wangu.

Wugubutulo 3:2 Iomraidhean Croise

Mataayo 23:5

Aveene visenga insengo saanave soona kiija, avaanu vavaaje. Woona vifwala ifisepe fya nkwembe mu mawokho na ifisepe pa weeni fina fiyandiikhwe indaji, na woona tifwala inkhansu inya fisepe ifya kitutanga kifuunya. Hata ndeeno avaanu ava, vifwala ifisepe ifikhome mandu kishila avanji, na vitalifya ifisepe fya nkhansu saanave.

Mataayo 25:13

UYeesu wávajovela avamanyisiwa vaakwe wáaja, “Lino muveesaje meeho, kwa kiiva musilimeenye ilijuva wala uluhaavi luna one Lusawo lwa Muunu, nikhatina.”

Mataayo 25:7

Baaho avahinja vala woona valamukha na kisiyandaala itaala saanave.

Nsengo sa Vanandeje 18:23

Wáganile kikhala kwa luhaavi lufupi, wáwuukha, wáatina ku nyi ya Galatiya na ku nyi ya Filigiya, akhandi ikivajinia avahuvililaaji woona.

1 Petulo 4:7

Uwudugo wa njowo soona wuhejeelile, lino muveesaje mukiyivavala na kiiva meeho mu goona gina mwisenga, baheene mukwiliile kifuunya.

1 Petulo 5:8

Muyivavalaje na kiiva meeho luhaavi loona. Umulugu weenyu uShetaani iyuluutikha kuno na ukho, ngaja nyalupala yina yibuluma, yikimuvenda umuunu yimulye.

Wugubutulo 16:15

UYeesu iijova, “Puliisi! Nikhayinsa ngaja umuhiiji shina iyinsa! Ayimiliilwe umuunu yuna iigona meeho na afwele amenda gaakwe kiija, asilaave ajende bwinda na kihonga insoni.”

Wugubutulo 2:4

Leelo nina liswi noomwe. Muwuleshile uwugani weenyu uwa lwamwandi.

Wugubutulo 3:1

“Muyandishila umalayikha wa shipuga sha vahuvililaaji vangu ava ku lijumbi lya Salidi ndeeni, Amaswi aga gahumile kunyangu one Yeesu, one niitema iNumbula fungati isa Nguluvi ni nondwe fungati. Nisimeenye injendo seenyu, avanji vikivaaga muli wuumi, leelo mufwile. Ndeeno, munipuliise!

Wugubutulo 3:3

Lino, mukumbushe shina mwaposheelaga na shina mwapulikhaga, mugakhate ago na kilambiisila. Leelo nda musilamukha, nikhayinsa ngaja umuhiiji shina iyinsa, musikhalumanya uluhaavi ulo.