Wugubutulo 3:11 - IShiyanso nu Lufingo uLupya

¹¹ Niyinsa lilino. Khataji mandu shina munasho, asaali ayinse umuunu kivapokha injoola yeenyu.

Wugubutulo 3:11 Iomraidhean Croise

1 Vakolinto 9:25

Vina vimenana mu muneeno, vikiyiyandaala na kiyiyangalila amavili gaanave kwa kimenana. Viigaha ago, baheene vaposheele ulutono lwa luhaavi lufupi hela. Leelo ose tiigaha ndeeno, baheene tiyanushile ulutono luna lusinanjikha hata lijuva limo.

Vafilipi 4:5

Uwuhuugu weenyu wumanyikhaje kwa vaanu woona. UMutwa uYeesu ali nkholeela.

2 Timoteo 2:5

Shiisho ndeeno umunya kimenana mu luneeno, asipeelwa ulutono, nda asamenana mu lugoto lwa luneeno.

2 Timoteo 4:8

Lino yisigeele kipeelwa ulutono lwa kikhala mu wiikhasi wuna inojelwa wiila uMutwa uMuhigaaji wa shiyooli. Ulutono ulo akhanipeela ilisiku lila lina tikhahigwa, yisili kiija yuune hela, leelo na vaanu woona vina vidobokha mandu kimwaga umwene pina akhayinsa.

Yaakobo 1:12

Shiba umuunu yuna igugumila mu lihuuvi uluhaavi lwa majelo, kwa kiiva pina akhagamena amajelo, uNguluvi akhamupeela uwuumi wa shiluta. Uwuumi uwo wuweene wukhava lutono lwakwe, ngaja uNguluvi shina wávatahisaaga woona vina vamugeene.

Yaakobo 5:9

Vahuvililaaji vayangu, musikhangʼulilanaji, baheene musikhahigwa nu Nguluvi. Muyangalilanaje, kiiva uMuhigaaji ali pa mulyango, iyinsa!

Wugubutulo 1:3

Ayimiliilwe yuna ikivayimbila avayine amaswi aga wukuwamalago gina gayandiikhwe mu litaafili muno. Khanji ayimiliilwe yuna ikigapulikha na kiyinatila, kwa kiiva uluhaavi lwa njowo iso, luwonekha luvejeelile.

Wugubutulo 16:15

UYeesu iijova, “Puliisi! Nikhayinsa ngaja umuhiiji shina iyinsa! Ayimiliilwe umuunu yuna iigona meeho na afwele amenda gaakwe kiija, asilaave ajende bwinda na kihonga insoni.”

Wugubutulo 2:10

Musikhatiilaji amalava gina gakhavapata. Puliisi! UShetaani asivapinye avayeenyu vamonga mu shifungo avajele, baheene musiilave nsiku ishumi. Muyitenekhaje kiiva vayinatifu mbakha kiifwa, baheene one nisivapeele injoola ya wuumi wa shiluta.

Wugubutulo 2:13

One nipameenye pina mwikhala, apo baheene pina iitema uShetaani. Hata ndeeno mukilikhata ilitaawa lyangu. Khanji musikhakhaanile ilihuuvi lyenyu kunyangu, hata mu luhaavi ulwa Antipa umulunjikhaaji wangu, umuyinatifu mbakha kiifwa. Umuunu yula yumwene yuna wábudwagwa paakhati yeenyu, pina iikhala uShetaani.

Wugubutulo 2:25

Leelo muyinatilaje wunofu amanofu ago gina munago mbakha pina nikhayinsa.

Wugubutulo 22:12

UYeesu ilogola iijova ndeeni, “Puliisa! Niyinsa lilino ndeeni. Niyinsa kimuhomba shila muunu kwa gala gina wágahaga.

Wugubutulo 22:20

UMutwa uYeesu iihumya uwubedelo uwa njowo isi iijova, “Shiyooli niyinsa lilino ndeeni.” Na yuune Yohana niijova, “Amina, yinsa Mutwa Yeesu!”

Wugubutulo 22:7

UYeesu iijova, “Puliisa! Niyinsa lilino ndeeni. Ayimiliilwe yuna iyinatila amaswi ga wukuwamalago uwa litaafili ili.”

Wugubutulo 3:3

Lino, mukumbushe shina mwaposheelaga na shina mwapulikhaga, mugakhate ago na kilambiisila. Leelo nda musilamukha, nikhayinsa ngaja umuhiiji shina iyinsa, musikhalumanya uluhaavi ulo.

Wugubutulo 4:10

woope avagosiivaha vala mashumi gavili na gana, vayigwisa pansi, vagubama pamwene yuna akhaliile ishitengo sha Wutwa na kimufuunya yuna muumi shiluta na shiluta. Woope vikimuhumisa injoola saanave pa shitengo sha Wutwa viijova ndeeni,

Wugubutulo 4:4

Khanji ifitengo mashumi gavili na gana, fyashipilimaga ishitengo shila sha Wutwa. Mu fitengo ifyo vakhalaga avagosiivaha mashumi gavili na vana. Vakhandi vafwele amenda mavalafu ni njoola isa kitema isa sahaabu mu matwe gaanave.