Wugubutulo 3:10 - IShiyanso nu Lufingo uLupya

¹⁰ Mwaliyinatila iliswi lyangu ilya kiiva nu wugugumilo, ndeeno na yuune nisivayangalile omwe muhume mu luhaavi lwa majelo gina gahejeelile kiyinsa kivajela avaanu va mu nyi yoona.

Wugubutulo 3:10 Iomraidhean Croise

Mataayo 24:14

Khanji iMola iNofu iya Wutwa wa Nguluvi yikhakhomwa mu nyi soona, baheene avaanu woona mu nyi vakhayipulikha. Apo baheene uluhaavi ulo ulwa wuhigo wa nyi wukhayinsa.

Mataayo 26:41

Baheene wávajovela wáaja, muveesaje meeho, mufuunyaji uNguluvi kiija, avatanje musikhagahaga uwunansi pina mwijelwa. Mwidobokha kigaha wunofu, leelo umuvili muwoto.”

Mataayo 6:13

Usikhatuviikhaga mu majelo, leelo utukuluse kwa Munansi yula. [Kwa kiiva uWutwa, ingufu nu wutupikho fyakho shiluta na shiluta! Amina!]’ ”

Maluko 14:9

Shiyooli nikivajovela, popoona pina iMola iNofu yikhakhomwa mu nyi soona, gakhalogolwa amanofu goona gina uwashimaayi uyu wánigahila, baheene avaanu vakhamukumbukha.”

Luuka 2:1

Uluhaavi lula pina wásawaagwa uYohana uMutwiniaji, uAgusito yuna akhandi Kayisaali, umutwa wa Valuumi, wálajisaaga kiija, avaanu woona ava mu wutemi waakwe, vavasiwe.

Yohana 17:6

“Wee Daada, nakukhoona shina ushwali, kwa vaanu vina wanipeelaga mu nyi iyi. Vakhandi vaanu vaakho, owe wanipeelaga. Khanji vagahile goona gina ukhandi uvalajiise.

Valuumi 1:8

Iliswi ilya wutasi mu goona, nikimuhonjesa uNguluvi wangu kishilila kwa Yeesu Kilisito kwa kiiva ya omwe woona, kiiva ilihuuvi lyenyu liikhomwa mu nyi soona.

1 Vakolinto 10:13

Amajelo gina vajelwagwa, gali ngaja gina avaanu vanji viijelwa wiila. Leelo uNguluvi muyinatifu, umwene asivalekha mujelwe kishila ingufu seenyu. Uluhaavi luna omwe mwijelwa, ikivapeela ingufu isa kiyijimfilisa ni nsila ya kipoolela.

Vaefeso 6:13

Kwa kiiva ya ago, fwalaji amenda goona aga kitovalilana ku wulugu woona, gina mupeelwa nu Nguluvi, baheene mukwiliile kimena nsiku soona, pina uwunansi wukivayinsila. Lino, pina mwamala goona aga kitovana nu wulugu, mwijina.

2 Timoteo 2:12

Nda tigugumila, tikhatema lumo na woope. Nda tikimukhaana umwene, woope akhatukhaana ose.

Yaakobo 3:12

Vahuvililaaji vayangu, yisikwiliile kiiva, ilipishi lya mujombe likhome amakhomo ga museyituni. Umusabiibu goope, gusiikhoma amakhomo ga mujombe. Khanji ilisima lya malenga ga muunyo, lyope lisiihumya amalenga amanofu.

1 Petulo 4:12

Vagani vangu, amalava makhome gina gikivapata gina gikilijela ilihuuvi lyenyu, musikhaveesaga ngaja musimeenye kiija, kwashi mwilava.

2 Petulo 2:9

Kwa ilyo, uMutwa uNguluvi ameenye shina ndi wávakulusa mu majelo avaanu vina vikimugota umwene. Khanji ameenye shina asivapeele ululawo avanya wunansi mbakha ilijuva lila ilya wuhiji,

Wugubutulo 1:9

One Yohana, muhuvililaaji muyeenyu na nili lumo noomwe kimuyinatila uYeesu Kilisito mu malava, mu Wutwa na kigugumila. Nikhandi nidindiilwe pa shigunguli, shina shitambulwa Patimo shina shili paakhati ya bahali, kwa kiiva ya kiyalaalisa iLiswi lya Nguluvi nu wubedelo wa Yeesu Kilisito.

Wugubutulo 11:10

Avaanu vina viikhala mu nyi yoona, vakhashendeeva na kishima na kipeelana ulutono kwa mfwa sa valunjikhaaji awo vavili. Vasiigahe ndeeno, kwa kiiva avakuwamalago awo vavalafyaga mandu vina viikhala mu nyi muno.

Wugubutulo 13:10

Umuunu yuna apanjiilwe kigalulwa, hambi igalulwa. Umuunu yuna apanjiilwe kibudwa kwa panga, hambi iibudwa kwa panga. Lino, avabaagule va Nguluvi visakulwa kigugumila na kihuviilila.

Wugubutulo 13:14

Kwa mabikha aga gina lyapelwagwa kigasenga kiiva ya likhanu ilya wutasi, lyavajanga avaanu woona ava mu nyi. Lyavajova avaanu kiija vatende isanaamu kwa kiiva ya lishima lya likhanu lila ilya wutasi, lina likhandi nu lweya ulwa panga, leelo lyumi.

Wugubutulo 13:8

Avaanu va nyi soona vakhamusungamila, leelo, avaanu vina amataawa gaanave gayandiikhwe mu Litaafili lya Wuumi, kihuma inyi yisinawumbwe, awo vasikhamusungamila. Ilitaafili ili, litaafili lya Mwana Nkholo yuna wáshinjwagwa.

Wugubutulo 14:12

Lino, avabaagule va Nguluvi visakulwa kigugumila. Avaanu awo, vaveene vina viyinatila indaji sa Nguluvi na kimuhuviilila uYeesu.

Wugubutulo 14:6

Baheene namwaga umalayikha uyunji igulukha uwiima wa mutwe gwangu. Umalayikha uyo akhandi ni Mola iNofu isa shiluta isa kivakhoma avaanu vina viikhala mu nyi, awo avaanu va nyi soona, fimyanja fyona, fikholo fyona ni filogolo fyona.

Wugubutulo 16:14

Amalungu ago gakhandi nu wutawulilwa uwa kigaha amabikha. Vaava viiluta kwa vatwa woona ava nyi, kiija vavakungaanie kiiva ya wulugu wuna wukhava ilisiku ilikhome ilya Nguluvi, uMunya Ngufu Soona, pina akhavamena avalugu vaakwe.

Wugubutulo 17:2

Avatwa va nyi vawafukhaga nawo na vina viikhala mu nyi vagaalile idivaayi inkhosi iya wushemi waakwe.”

Wugubutulo 17:8

Ilikhanu ilyo lina walyagaga likhandi lyumi, lino ndeeni lifwile. Lino lili nkholeela kihuma mu lilindi ilikhome ilya malungu, leelo uNguluvi akhalibuda. Avaanu woona ava mu nyi, vina amataawa gaanave gasikhayandiikhwe mu Litaafili ilya Wuumi kihuma inyi yisinawumbwe, vakhaswiga. Vakhaswiga pina vakhalyaga ilikhanu ilyo lina pashiyanso likhandi lyumi, khanji lyafwa, lino ndeeni, lyatina!

Wugubutulo 2:10

Musikhatiilaji amalava gina gakhavapata. Puliisi! UShetaani asivapinye avayeenyu vamonga mu shifungo avajele, baheene musiilave nsiku ishumi. Muyitenekhaje kiiva vayinatifu mbakha kiifwa, baheene one nisivapeele injoola ya wuumi wa shiluta.

Wugubutulo 3:8

Nisimeenye injendo seenyu. Loleeli, niviishile pamwandi yeenyu umulyango guna guli mwasi, kusiina umuunu yuna akwiliile kigudinda. Nimeenye muna ngufu ndoodo, leelo muliyinatiile iliswi lyangu, khanji musalikhaana ilitaawa lyangu.

Wugubutulo 6:10

Vakhoola kwa shawuti nkhome, kiija, “Wee Mutwa Munya Ngufu Soona, yuna uli Munofu na wa Shiyooli, usidiile mbakha yooli, kivahiga na kivavaalisa avaanu va mu nyi, kwa kiiva ya danda yeesu?”

Wugubutulo 8:13

Baheene naloleela, napulikha inkhalukwangala yimonga yigulukha uwiima wa mutwe gwangu, yikhandi yilyova yiijova ndeeni, “Aka! Aka! Aka omwe muna mwikhala mu nyi, kwa kiiva ishawuti sa balagumu sina avamalayikha avanji vatatu vali nkholeela kisitova.”