Wugubutulo 22:9 - IShiyanso nu Lufingo uLupya

⁹ Leelo wánijovela wáaja, “Lekha! One na yuune nili muvanda muyaago, lumo na vahuvililaaji vayaago avakuwamalago, na vala vina viyinatila amaswi gina gakwali mu litaafili ili. Lino, mufuunyaji uNguluvi mwene duguli!”

Wugubutulo 22:9 Iomraidhean Croise

Mataayo 4:9

wámujovela wáaja, “Nda unifugamile na kinifuunya, nisikupeele goona aga.”

1 Yohana 5:20

Khanji timeenye kiija, uLusawo lwa Nguluvi wáyinsile mu nyi, wátupeela uwumanyi, baheene timumanye uNguluvi wa shiyooli. Tihanjile nu Nguluvi wa shiyooli, kwa nsila ya kihanga nu Lusawo lwakwe uYeesu Kilisito. Uyu yu Nguluvi wa shiyooli, khanji yumwene yuna ikitupeela uwuumi wa shiluta.

Wugubutulo 1:1

Uwu wugubutulo wa Yeesu Kilisito. Wápeliilwe uwugubutulo uwo nu Nguluvi, baheene avawonense avavanda vaakwe amaswi gina mbakha gawoneshe lilino ndeeni. UYeesu wámupeelaga uYohana umuvanda waakwe uwugubutulo uwo kishilila kwa malayikha waakwe.

Wugubutulo 1:11

Ishawuti iyo yajovaga kiija, “Aga goona gina ukigaaga, ugayandishe mu litaafili. Pina wayandikha, ulitwale ilitaafili mu fipuga fungati ifya vahuvililaaji ifya mu majumbi ga Efeso, Simulina, Peligamo, Tiyatila, Salidi, Filadelifiya na mu Lawodikiya.”

Wugubutulo 14:7

Umalayikha uyu wálogola kwa shawuti nkhome wáaja, “Mufuunyaji uNguluvi na kimutupikha, kiiva uluhaavi lwa kivahiga avaanu lwafikha. Mufuunyaji yuna wáwumbaga uwulanga, inyi, ibahali ni fisansa fya malenga.”

Wugubutulo 15:4

Wee Mutwa Nguluvi, avaanu woona visakulwa kiliyinatila na kilisufya ilitaawa lyakho, kiiva, yuuwe duguli uli Munofu! Avaanu va nyi soona vakhayinsa na kikufuunya! Kiiva insengo saakho sa shiyooli, siwonekha bahawuvalafu.”

Wugubutulo 19:10

Baaho nayigwisa pansi, nagubama pa magulu gaakwe nimufuunye. Leelo wánijovela wáaja, “Lekha! One na yuune nili muvanda muyaago, lumo na vahuvililaaji vayaago woona vina viihumya uwubedelo wa Yeesu. Mufuunyaji uNguluvi, kiiva woona vina viihumya uwulunjikhaaji ulwa Yeesu, vilogola injowo sa wukuwamalago.”

Wugubutulo 22:10

Baheene umalayikha uyo wánijovela wáaja, “Usikhagafihaga amaswi aga wukuwamalago aga mu litaafili ili, kwa kiiva goona gina galogwelwe muno, giisa kisenjekha lilino ndeeni.

Wugubutulo 22:18

UMutwa uYeesu iijova, one nikivapavila avaanu woona vina vikigapulikha amaswi aga wukuwamalago, gina gali mu litaafili ili. Umuunu nda ayonjelese amaswi, uNguluvi woope akhamuyonjelesa amalava ago, gina gayandiikhwe mu litaafili ili.

Wugubutulo 22:7

UYeesu iijova, “Puliisa! Niyinsa lilino ndeeni. Ayimiliilwe yuna iyinatila amaswi ga wukuwamalago uwa litaafili ili.”

Wugubutulo 4:10

woope avagosiivaha vala mashumi gavili na gana, vayigwisa pansi, vagubama pamwene yuna akhaliile ishitengo sha Wutwa na kimufuunya yuna muumi shiluta na shiluta. Woope vikimuhumisa injoola saanave pa shitengo sha Wutwa viijova ndeeni,

Wugubutulo 9:20

Avaanu vina vasigalaga, vina vasikhafwile kwa lilava ilyo lina lyavatovaga avaanu vayaanave, vasikhalambisiile uwunansi waanave. Vakhandi vapifuunya amalungu ni sanaamu sina vasitendaga vaveene kwa sahaabu, ihela, ishaaba, amangʼanga na mapishi. Isanaamu iso sisikwiliile kiloleela, kipulikha wala kijenda.