Wugubutulo 21:2 - IShiyanso nu Lufingo uLupya

² Nalyaga ilijumbi ilibaagule, iYelusalemu imya, liyiikha kihuma kwa Nguluvi. Ilijumbi ilyo likhandi ngaja uwashimaayi yuna akogwelwe kwa mugoosi waakwe, pina itoolwa.

Wugubutulo 21:2 Iomraidhean Croise

Yohana 3:29

Umuhinja yuna itoolwa, isakulwa kiluta kwa mugoosi yuna ikimutoola. One nili ngaja mumanyi wa yuna itoola uwashimaayi, niyiimile mulubali lwakwe yuna itoola, nishendeeva pina nipulikha ishawuti yaakwe. Shiyooli, iliswi ili lishendeefya mandu.

2 Vakolinto 11:2

One nikivawifushila omwe ngaja uNguluvi shina ikivawifushila, kiiva muli ngaja umuhinja yuna asimumeenye umugoosi, yuna namutawulaga kiija atoolwe nu mugoosi yumo yuna namuletelaga. Umugoosi uyo yu Kilisito.

Vahebulaniya 11:10

UAbulahamu wágahaga ndeeno, kwa kiiva akhandi iheepa kikhala mu lijumbi ilinofu kwa luhaavi loona. Ilijumbi ilyo, lilyene lina uNguluvi wáligulumilaga na kilisenga.

Vahebulaniya 11:16

Leelo avaanu awo vakhandi vana lihaahi lya nyi inofu mandu iya kushaanya. Lulwene uNguluvi asiiwona nsoni, nda vikimutambula Nguluvi waanave, kwa kiiva avayandaliile ilijumbi kushaanya, avaanu awo.

Vahebulaniya 12:22

Leelo omwe mwafikha pa shidunda ishinji, ishidunda sha Sayuni, shisheene lijumbi lya ku Yelusalemu ilya kushaanya. Ilijumbi ilyo, lijumbi lya Nguluvi yuna muumi. Ukho avamalayikha vinshi mandu vakungaanile viishima kwa wushendeefu.

Vahebulaniya 13:14

Tigahaje ndeeno kiiva mu nyi iyi tisiina ilijumbi lina lisigala shiluta na shiluta, leelo tiheepile kiluta kiyinjila mu lijumbi ilya kushaanya lina liyinsa.

Wugubutulo 1:1

Uwu wugubutulo wa Yeesu Kilisito. Wápeliilwe uwugubutulo uwo nu Nguluvi, baheene avawonense avavanda vaakwe amaswi gina mbakha gawoneshe lilino ndeeni. UYeesu wámupeelaga uYohana umuvanda waakwe uwugubutulo uwo kishilila kwa malayikha waakwe.

Wugubutulo 1:4

One Yohana nikifiyandishila ibalula iyi ifipuga fungati ifya vahuvililaaji va Yeesu, ifya mu nyi ya Asiya. Imota nu wulindamafu, five lumo noomwe kihuma kwa yuna akhandi akwali, akwali na akhava akwali, ni Numbula fungati sina sili pamwandi ya shitengo shaakwe isha Wutwa,

Wugubutulo 1:9

One Yohana, muhuvililaaji muyeenyu na nili lumo noomwe kimuyinatila uYeesu Kilisito mu malava, mu Wutwa na kigugumila. Nikhandi nidindiilwe pa shigunguli, shina shitambulwa Patimo shina shili paakhati ya bahali, kwa kiiva ya kiyalaalisa iLiswi lya Nguluvi nu wubedelo wa Yeesu Kilisito.

Wugubutulo 11:2

Leelo usikhalujelaga ulukeeke lwa nanda yangu, kwa kiiva uluvala ulo, valesheelwe avaanu vina vasili Vayahuudi. Woope vasilikhanye ilijumbi ilibaagule kwa luhaavi lwa meesi mashumi gana na gavili.

Wugubutulo 21:10

Baheene, pina uNumbula wa Nguluvi akhandi ikinilongosa, umalayikha yula wánitwala mbakha pashaanya ya shidunda ishikhome, khanji shitali mandu. Wániwonensa ilijumbi ilibaagule ilya Yelusalemu, liyiikha kihuma kwa Nguluvi.

Wugubutulo 21:9

Baheene umunyaayumo mu vamalayikha vala fungati, vina vakhandi ni sebeti sila fungati sina sikhandi na malava fungati isa wudugo, wáyinsa wánijovela, “Yinsa, nikuwonense uwashimaayi umunya kitoolwa, yuna asiive mudala wa Mwana Nkholo!”

Wugubutulo 22:17

UNumbula wa Nguluvi nu munya shiwungo isha kitoolwa, vikimushemeela uMutwa viijova, “Yinsa!” Avaanu woona vina vakhapulikha amaswi ago vajove, “Yinsa!” Shila muunu umunya nkhawu, ayinsaje kiingʼwa bule amalenga aga wuumi.

Wugubutulo 22:19

Umuunu nda asheepule amaswi gogoona mu mola isa wukuwamalago uwa litaafili ili, uNguluvi woope akhamushepusisa uwugolofu uwa kikhala mu lijumbi ilibaagule, nu wugolofu uwa kiilya amakhomo aga mupishi guna gwihumya uwuumi.

Wugubutulo 3:12

Umuunu yuna akhamena, nikhamuviikha kiiva nsimbili mu shiyumba sha nanda ya Nguluvi wangu, asiihuma umo kaa. Kwa uyo, nikhaliyandikha ilitaawa lya Nguluvi wangu na ilitaawa lya lijumbi lya Nguluvi wangu. Ilijumbi ilyo Yelusalemu mya, lina liyiikha kihuma kwa Nguluvi wangu. Khanji kwa uyo nikhaliyandikha yuune, ilitaawa lyangu ilipya.