Wugubutulo 20:2 - IShiyanso nu Lufingo uLupya

^2-3 Wálikhata iliyokha lila ilya pawukuulu, lina litambulwa Ibiliisi awu Shetaani, wálipinya kwa munyololo umukhome na kilitaaga mu lilindi ilikhome ilya malungu. Wádinda umulyango, wáviikha ishimanyilo sha mupulya, kiija asilaave avajanje khanji avaanu va nyi soona. Lidindilwe kwa luhaavi lwa maakha magana lishumi (1,000). Pina lwasila uluhaavi ulo, mbakha lidindulilwe kwa luhaavi lufupi hela.

Wugubutulo 20:2 Iomraidhean Croise

Shiyanso 3:1

UMutwa uNguluvi wáwumbaga inkhanu soona. Lino, injokha yikhandi nsugu kishila inkhanu iso soona. Ilijuva limonga, injokha yamujovela umudala, “Aasi, shiyooli uNguluvi wávajovelaga, ‘Musikhaliisaga amakhomo ga mapishi goona aga mu shiisi’?”

Shiyanso 3:15

One nikhavagaha musikhapulinkhanaga nu mudala uyo, na mu shisafi shaakwe na mu shisafi shaakho. Umwene akhakutova umutwe gwakho, na yuuwe ukhamuluma ishinsikiliinyi.”

Mataayo 19:29

Shila muunu yuna ayileshile inanda awu umaame awu uwulumbu waakwe awu uwiihe awu umaayi waakwe awu avanaakwe awu amagunda gaakwe kwa kiiva yangu, akhaposheela finshi kishila ifiinu ifyo. Khanji akhawupata uwuumi wa shiluta.

Mataayo 8:29

Baheene galyova ilyowo gaajova, “Wee Lusawo lwa Nguluvi, wisakula shi kunyeesu? Wuli, wayinsa kitulafya hata luhaavi lushaanali lusinaafishe?”

Maluko 4:15

Imbeyu sina sagwiliile mu nsila, sihwananisiwa na vaanu vina vipulikha iLiswi ilyo, baaho uShetaani iyinsa ikiliwuusa iLiswi mu numbula saanave.

Maluko 5:7

Wákhoosa ishawuti wáaja, “Wee Yeesu, Lusawo lwa Nguluvi uMukhome, wisakula shi kunyangu? Nikikulomba kwa litaawa lya Nguluvi usikhanilafyaga!”

Yohana 12:31

Lino lwafikha uluhaavi lwa Nguluvi ulwa kivahiga avaanu ava mu nyi iyi. Lino lwafikha uluhaavi lwa Nguluvi ulwa kimudaga uShetaani, umutemi wa nyi iyi.

Yohana 16:11

Akhava ikivawonensa bahawuvalafu kiija, uNguluvi akhavahiga kwa kiiva amuhijile uShetaani yuna mukhome wa vanansi.

Valuumi 16:20

Lino, uNguluvi yuna ikivapeela uwulindamafu, asimuponde uShetaani lilino ndeeni na kivapeela omwe ingufu iya kimumena. Imota ya Mutwa weesu uYeesu, yive lumo noomwe.

Vahebulaniya 2:14

Avaana awo vana mavili ni danda, ndeeno uYeesu woope wáyinsile ana muvili ni danda ngaja aveene. Wágahaga ndeeno, baheene kwa nsila ya mfwa yaakwe, asimene ingufu sa Shetaani yuna ana wutawulilwa wa kipinsa avaanu vave viifwa.

1 Petulo 5:8

Muyivavalaje na kiiva meeho luhaavi loona. Umulugu weenyu uShetaani iyuluutikha kuno na ukho, ngaja nyalupala yina yibuluma, yikimuvenda umuunu yimulye.

2 Petulo 2:4

Avamalayikha vina vagahaga uwunansi, uNguluvi asikhavasungupiile, leelo wávataagaga ku nshiisi, kuna vapinyiilwe na manyololo. Ku nshiisi ukho, vahepeleese ilisiku lya wuhigo.

Yuuda 1:6

Mukumbukhaje, woope avamalayikha vala vina vasikhanojeelwe ni nsengo saanave, vawulekha uwiikhalo waanave, uNguluvi avadindiile ku nshiisi na manyololo ga shiluta. Vahepeleese ilisiku likhome lila ilya wuhiji.

Wugubutulo 12:13

Baheene iliyokha ilyo, lyaganaga kiwona lyataagwa mu nyi, lyamufwata uwashimaayi yula yuna akhandi asavile umudiimi.

Wugubutulo 12:15

Iliyokha lyahumya amalenga minshi ngaja mukhoga kihuma mu mulomo gwakwe kiija, uwashimaayi uyo amilwe nu mukhoga ugo.

Wugubutulo 12:17

Ino iliyokha lyamukhalalila mandu uwashimaayi yula, lyawuukha na kiluta kitovana na vanaakwe avanji. Avaana awo vaveene vina vikisiyinatila indaji sa Nguluvi na kivabedela avaanu injowo sa Yeesu Kilisito.

Wugubutulo 12:3

Baheene ishimanyilo ishinji shawonekha kushaanya. Naawona iliyokha ilikhome iliduuhu, lina likhandi na matwe fungati na mapembe ishumi, shila mutwe gukhandi ni njoola ya shitwa.

Wugubutulo 12:4

Iliyokha ilyo, lyagupilimya umushila gwakwe, gwalugwisa uluvala lumo mu mbali sitatu isa nondwe ku nyi. Iliyokha ilyo lyayiima pa washimaayi yula yuna akhandi isakula kisava, pina wámusava umwana, baheene limumile.

Wugubutulo 12:9

UMikayeli na vamalayikha vaakwe valitaaga mu nyi iliyokha ilyo, lumo na vamalayikha vaakwe. Iliyokha ilyo ilya pawukuulu, litambulwa Ibiliisi awu Shetaani, likivajanga avaanu va nyi soona.

Wugubutulo 13:2

Ilikhanu lila lina nikhalyajile likhandi ngaja duuma, amagulu gaakwe gakhandi ngaja magulu ga dubu, nu mulomo gwakwe gukhandi ngaja mulomo gwa nyalupala. Iliyokha lyalipeela ingufu saakwe, ishitengo shaakwe isha wutwa nu wutawulilwa wukhome.

Wugubutulo 13:4

Khanji avaanu woona valisungamila iliyokha ilyo, kwa kiiva lyalipeelaga ilikhanu ilyo uwutawulilwa waakwe uwa kitema, na valifuunya ilikhanu ilyo, vaaja, “Kusiina yuna ahwaneene ngaja ilikhanu ili! Khanji kusiina yuna akwiliile kitovana nalyo!”

Wugubutulo 20:10

UShetaani yuna akhandi ikivajanga, akhataagwa mu lilamba ilikhome lila ilya mooto ni shibiliiti. Apo papeene pina lyatagwagwa ilikhanu nu mukuwamalago yula umudehi. Woope vakhalafisiwa ukho ishilo ni shiminsi, shiluta na shiluta.

Wugubutulo 20:7

Pina gakhasa kishila amaakha magana lishumi (1,000), akhadindulilwa uShetaani kihuma mu shifungo shaakwe.

Wugubutulo 9:11

Sikhandi nu mutwa yuna akhandi malayikha wa lilindi ilikhome ilya malungu. Ilitaawa lyakwe kwa Shihebulaniya yu Abadoni na kwa Shiyunaani yu Apoliyoni, uluganulo lwakwe, “Umuunu yuna iibuda.”