Wugubutulo 2:3 - IShiyanso nu Lufingo uLupya

³ Nimeenye kiija mwigugumila na kiyijimfilisa kwa kiiva yangu one, musikhatala.

Wugubutulo 2:3 Iomraidhean Croise

Maluko 15:21

Pina vakhandi mu nsila, vatangaanaga nu muunu yumonga yuna akhandi itambulwa Simoni, yuna akhandi mukhaaya wa lijumbi lya Kileene. Umuunu uyo wáhumile ku magunda iiluta ku Yelusalemu. Uyo akhandi wiihe wa Alekisanda nu Lufo. Avasulukhali vamukhamiilisa kisumula umusalaaba gwa Yeesu.

Luuka 14:27

Umuunu yoyoona yuna asikiyihumya kinifwata one na kilava, hata nda yive kiifwa, asikwiliile kiiva mwanandeje wangu.

Luuka 18:1

UYeesu wávajovela avamanyisiwa vaakwe ishihwano kwa kivamanyisa kiija, vave vikimufuunya uNguluvi luhaavi loona, kugaya kikhatala.

Luuka 21:19

Omwe nda mukhagugumila, apo mukhayanushila uwuumi wa shiluta.

Luuka 5:5

USimoni wámuyankha uYeesu wáaja, “Wee Mutwa, taava tisenga insengo ishilo shoona, tisaalova shoshoona. Leelo, kwa kiiva owe waajova, apo nisiyiise inyaafu.”

Luuka 8:15

Leelo imbeyu sina sagwiliile pa lilongo ilinofu, sihwananisiwa na vaanu vina vipulikha iLiswi, viyinatila kwa numbula nofu na kwa kitiila, khanji viikhoma amakhomo kwa kigugumila mu malava goona.

Yohana 15:21

Leelo vikivagahila goona ago kwa kiiva omwe muli vamanyisiwa vangu, khanji kwa kiiva vasimumeenye yuna anifiliishe.

Valuumi 12:12

Shendeevaji kwa kiiva muhuviilila kiposheela gala amanofu gina uNguluvi wávatahisaaga. Gugumilaji pina gavayinsila amalava na yitenekhaji kimufuunya uNguluvi.

Valuumi 16:12

Muhunjilaji uTilifeena nu Tilifoosa. Avashimaayi awo vijimba mandu kisenga insengo ya Mutwa uYeesu. Khanji, muhunjilaji umugani wangu uPelisisi. Uyu woope washimaayi yuna wásengaga insengo ya Mutwa uYeesu kwa wujimfu.

Valuumi 2:7

Akhavapeela uwuumi wa shiluta avaanu vina vijimba kigaha amanofu, kwa kiiva visakula uwutupikho, ishitiilo nu wuumi wuna wusinanjikha.

Valuumi 8:25

Leelo nda tihuviilila kipeelwa ishiinu shina tisikishaaga, baheene tihepelesa, tisiyoolopwa.

1 Vakolinto 13:7

Ulugano lukimugaha umuunu kigugumila mu goona, kiiva ni lihuuvi uluhaavi loona, kiiva munya luhuviililo luhaavi loona, khanji kiiva mujimfu mu goona.

1 Vakolinto 16:16

muvatiilaje avaanu ngaja awo na vanji woona, vina visenga lumo insengo iyi.

2 Vakolinto 10:15

Khanji tisikiyisufya ulwa nsengo ya vaanu avanji. Leelo tihuviilila kiija, ngaja ilihuuvi lyenyu shina lipiyonjelela kikula, shiisho nayi nsengo yeesu yiikula mu omwe.

2 Vakolinto 11:23

Lino lekha nilogole ngaja nilulungeene uluhala. Nda vikiyisufya viija aveene vavanda va Kilisito, na yuune nili muvanda wa Kilisito kivashila aveene. One nijimbile mandu kisenga insengo, nidindiilwe mu shifungo mala nyinshi, nikhandi mu malava nkholeela na kiifwa mala nyinshi, khanji nitoviilwe mandu.

2 Vakolinto 4:1

Ino, kwa kiiva uNguluvi mu mota yaakwe atupeelile insengo iyi, tisiyoolopwa.

2 Vakolinto 4:16

Ndeeno tisiyoolopwa, hata nda amavili geesu gisakhala, leelo mukhati yeesu uNguluvi ikiyitenekha kituwumba wupya, shila lisiku.

2 Vakolinto 5:9

Ndeeno, tive mu makhalo ga mu nyi, awu tive mu makhalo kwa Nguluvi, ulugulumilo lwesu luve kimushendeefya uMutwa.

2 Vakolinto 6:5

Uluhaavi ulunji tiitowa, tidindilwa mu shifungo, tiyovelesewa ni fipuga fya vaanu, tisenga insengo inkhamu, tiigona meeho, tiihwa tisiilya na kigonela.

Vagalatiya 6:2

Muyanushilanaje amasigo geenyu, kukwene kisiyinatila indaji sa Kilisito.

Vagalatiya 6:9

Ino tisikhakhatalaga kisenga amanofu. Nda tigugumila, tikhakungula amanofu pina uluhaavi lwafikha.

Vafilipi 2:16

Muvakhomaje avaanu iLiswi lya Nguluvi lina likivapeela uwuumi wa shiluta. Gahaji ndeeno, baheene niyihalile ilisiku lina uKilisito akhatina, khanji insengo yina nikhandi nijimba kisenga kunyeenyu, yisikhandi kiija yigaya lutono.

Vafilipi 4:3

Hata yuuwe muvanda muyangu wa shiyooli, nikikulomba uvatanje avashimaayi vavili awo, vave nu lugulumilo lumo, kwa kiiva woona vavili awo, vajimbaga mandu kiyalaalisa iMola iNofu lumo noone nu Kilementi na vavanda vayangu avanji. Amataawa ga vaanu awo woona, gayandiikhwe mu Litaafili ilya Wuumi.

Vakolosaayi 1:11

Tilomba uNguluvi ave ikivajinia kwa ngufu yaakwe inkhome, kiija mugugumile mu goona kusiina kikhatala. Ino, muve nu lushendeewo

1 Vatesalonike 1:3

Pina tifuunya kwa Nguluvi uWiheesu, tina luuju ni nsengo sina mwisenga kwa lihuuvi. Tina luuju uludali lwenyu luna lupinsiwa nu lugano lwenyu, khanji shina mugugumila kwa kiiva ya luhuviililo lwenyu kiija, uMutwa weesu uYeesu Kilisito shiyooli akhatina.

1 Vatesalonike 2:9

Vahuvililaaji vayeesu, muna luuju shina tikhajimbile na kilava. Pina tikhavakhomile iMola iNofu ya Nguluvi, tikhandi tisenga insengo ishilo ni shiminsi, baheene tisikhaveesaga musigo kwa muunu yoyoona uwa kunyeenyu.

1 Vatesalonike 5:12

Lino omwe vahuvililaaji vayeesu, tikivalomba muvatiilaje avaanu vina visenga insengo kwa kiiva yeenyu, khanji vikivalongosa kwa wutawulilwa wa Mutwa uYeesu na kivapavila.

2 Vatesalonike 3:13

Lino omwe vahuvililaaji vayeesu, musikhakhatalaga kisenga amanofu.

2 Vatesalonike 3:5

UMutwa uYeesu alongose inumbula seenyu, sive nu lugano ngaja uNguluvi shina iigana na kiiva nu lugugumilo lwa Kilisito.

2 Vatesalonike 3:8

Khanji tisikhali tiilya ishakiilya sha muunu tisihomba. Leelo tikhandi tisenga insengo kwa kijimba ishilo ni shiminsi, kiija tisikhaveesaga musigo kwa muunu yoyoona uwa kunyeenyu.

1 Timoteo 4:10

Mu ilyo, tiiva tina ludali na kisenga insengo, kwa kiiva tikimuhuviilila uNguluvi, yuna muumi, uMukulusaaji wa vaanu woona vina vikimuhuviilila.

1 Timoteo 5:17

Avayimililaaji va shipuga sha vahuvililaaji va Yeesu, vina visenga insengo wunofu, vatilwajwe na kihombwa wunofu, mandu vina vikiyihumya kikhoma na kimanyisa.

Vahebulaniya 10:36

Mwisakulwa kijimba, baheene muve mwigaha gina isakula uNguluvi. Ndeeno, mukhaposheela gala gina uNguluvi wátahisaaga kivapeela.

Vahebulaniya 12:1

Ino, ose tina shipuga shikhome sha valunjikhaaji vina vatupiliime, ndeeno ose tifwataje ishihwano shaanave na tifiwuuse fyona fina fikitusivila kwa Kilisito na kiwulekha uwunansi wuna wukitugwisa. Khanji tijimbaje kisenga gina uNguluvi agaviishile pamwandi yeesu, ngaja muunu yuna imenana uluvilo kwa lugugumilo.

Vahebulaniya 13:13

Ndeeno na yuuse timufwataje panja ya shikwilo isho isha lijumbi na kiyijimfilisa kiyegulwa, ngaja shina woope wáyijimfilisaaga.

Vahebulaniya 6:10

UNguluvi umunya shiyooli, asikwiliile kisaamwa insengo inofu yina mwamusenjelaga. Khanji asikwiliile kisaamwa ulugano lula luna mwamuwonensaaga kwa nsila ya kivatanga avahuvililaaji avayeenyu, kihuma ulwamwandi mbakha lino.

Vahebulaniya 6:12

Musikhaveesaga woolo, leelo fwatanisaaji vala vina kwa nsila ya kihuviilila na kiyijimfilisa, vaposheelile gala gina uNguluvi wátahisaaga kivapeela aveene.

Vahebulaniya 6:15

Ndeeno uAbulahamu wáhepelesaaga na kiyijimfilisa na wáapata gala goona gina uNguluvi wátahisaaga kunyaakwe.

2 Petulo 1:6

Khanji mu wumanyi weenyu muve vaanu vina vikiyisivila mu wunansi, pina mukiyisivila mu wunansi muyonjelese ulugugumilo, pa lugugumilo muyonjelese kimugota uNguluvi.

Wugubutulo 1:9

One Yohana, muhuvililaaji muyeenyu na nili lumo noomwe kimuyinatila uYeesu Kilisito mu malava, mu Wutwa na kigugumila. Nikhandi nidindiilwe pa shigunguli, shina shitambulwa Patimo shina shili paakhati ya bahali, kwa kiiva ya kiyalaalisa iLiswi lya Nguluvi nu wubedelo wa Yeesu Kilisito.

Wugubutulo 3:10

Mwaliyinatila iliswi lyangu ilya kiiva nu wugugumilo, ndeeno na yuune nisivayangalile omwe muhume mu luhaavi lwa majelo gina gahejeelile kiyinsa kivajela avaanu va mu nyi yoona.