Wugubutulo 2:12 - IShiyanso nu Lufingo uLupya

¹² “Muyandishila umalayikha wa shipuga sha vahuvililaaji vangu ava ku lijumbi lya Peligamo ndeeni, Amaswi aga gahumile kunyangu one Yeesu, one nina panga yina nemi koona na koona. Ndeeno, munipuliise!

Wugubutulo 2:12 Iomraidhean Croise

Vahebulaniya 4:12

ILiswi lya Nguluvi lyumi khanji lina ngufu, khanji likhali kishila umumaaji umukhali koona na koona. Ngaja umumaaji guna gukwiliile kihoma umuunu mbakha mu mafupa gaakwe, shiisho ndeeno iLiswi lya Nguluvi likwiliile kihoma mbakha mukhati mandu mu numbula ya muunu na kifumbulania uwupafu waakwe na kimanya gina ihiiva.

Wugubutulo 1:11

Ishawuti iyo yajovaga kiija, “Aga goona gina ukigaaga, ugayandishe mu litaafili. Pina wayandikha, ulitwale ilitaafili mu fipuga fungati ifya vahuvililaaji ifya mu majumbi ga Efeso, Simulina, Peligamo, Tiyatila, Salidi, Filadelifiya na mu Lawodikiya.”

Wugubutulo 1:16

Mu liwokho lyakwe ilya kundiilo, akhandi ni nondwe fungati, ni panga inya wukhali koona na koona, yikhandi yiihuma mu mulomo gwakwe. Uweeni waakwe, wukhandi wungʼaala ngaja lijuva ilikhali mandu.

Wugubutulo 19:15

Ipanga inemi, yiihuma mu mulomo gwakwe. Kwa panga iyo, akhavatema avaanu va nyi soona, na kivamena avalugu vaakwe woona. Woope ikiyikhanya isabiibu mu shombo sha kihuujila. Ishombo ishi shiwonensa idivaayi iya nkhalasi inkhome iya Nguluvi, uMunya Ngufu Soona.

Wugubutulo 19:21

Umuunu uyo yuna akhandi ayangeele ifalaasi, wávabuda avasulukhali va shipuga shoona kwa panga yina yahumaga mu mulomo gwakwe. Inyuni iso soona, saalya inyama sa mafimba gala, sayikuta khabisa.

Wugubutulo 2:1

UYeesu wáyitenekhaga kinijova kiija, “Muyandishila umalayikha wa shipuga sha vahuvililaaji vangu ava ku lijumbi lya Efeso ndeeni, Amaswi aga gahumile kunyangu one Yeesu. One nikheete inondwe sila fungati mu liwokho lyangu ilya kundiilo, nijenda paakhati mu nsimbili isa sahaabu fungati isa muli sila. Ndeeno, munipuliise!

Wugubutulo 2:16

Lino, lambisilaji! Nda musilambiisila, nisiyinse nyangu kunyeenyu, na kiilwa noomwe kwa panga yina yiihuma mu mulomo gwangu.