Wugubutulo 2:10 - IShiyanso nu Lufingo uLupya

¹⁰ Musikhatiilaji amalava gina gakhavapata. Puliisi! UShetaani asivapinye avayeenyu vamonga mu shifungo avajele, baheene musiilave nsiku ishumi. Muyitenekhaje kiiva vayinatifu mbakha kiifwa, baheene one nisivapeele injoola ya wuumi wa shiluta.

Wugubutulo 2:10 Iomraidhean Croise

Mataayo 10:22

Avaanu woona vakhavakhalalila kwa kiiva omwe muli vamanyisiwa vangu. Leelo umuunu yoyoona yuna akhajimba mbakha kuwudugo, uNguluvi akhamukulusa.

Mataayo 10:28

Musikhavatiilaji avaanu vina viibuda umuvili gwene, leelo mutiilaji uNguluvi yuna akwiliile kikubuda shiluta na kikutaaga mu malafyo ga mooto gwa shiluta.

Mataayo 24:13

Leelo umuunu yoyoona yuna akhajimba mbakha kuwudugo, uNguluvi akhamukulusa.

Maluko 13:13

Avaanu woona vakhavakhalalila kwa kiiva omwe muli vamanyisiwa vangu. Leelo umuunu yoyoona yuna akhajimba mbakha kuwudugo, uNguluvi akhamukulusa.

Maluko 8:35

Kiiva, umuunu yoyoona yuna isakula kiwusaajila uwuumi waakwe, uyo akhawuyasa. Leelo umuunu yuna ikiwuyasa uwuumi waakwe kwa kiiva ya one na kwa kiiva ya Mola iNofu, uyo asiwupate uwuumi wa shiluta.

Luuka 21:12

“Leelo, pina gasinawoneshe ago goona, avaanu vakhavakhata omwe na kivalafya. Vakhavatwala kihigwa mu nanda isa kifuunyila, na kivadindila mu shifungo. Khanji vakhavatwala kwa vatwa na kwa vanya wutawulilwa baheene muhigwe, kwa kiiva omwe muli vamanyisiwa vangu.

Yohana 12:25

Umuunu yoyoona yuna isakula kiwusaajila uwuumi waakwe, uyo asiwuyase, leelo umuunu yoyoona yuna ikiwuyasa uwuumi waakwe kwa kiiva ya one, uyo asiwupate uwuumi wa shiluta.

Yohana 13:2

UYeesu na vamanyisiwa vaakwe vaakhala kiilya ishakiilya isha pashaamihe. Uluhaavi ulo uShetaani akhandi ayinjiile mu numbula ya Yuuda umwana wa Simoni uIsikaliyoote, baheene amudoolele uYeesu.

Yohana 13:27

UYuuda pina wáyanushila ishipilije shila sha mukhaate, baaho uShetaani wámuyinjila. Lino uYeesu wámujovela wáaja, “Gina ugulumiile kigagaha, gagaha nyangu!”

Nsengo sa Vanandeje 20:24

Leelo hata nda nifwe, nisisaajila uwuumi wangu. Ishiinu ishikhome mandu kunyangu, niyimaliise insengo yina uMutwa uYeesu anipeelile, kiija nivakhome avaanu iMola iNofu iya mota ya Nguluvi.

Nsengo sa Vanandeje 21:13

Leelo wátugomosesa wáaja, “Mwigaha shishi? Mwikhoola, mwisakula kiniyoolofya? One niyipinyile kidindilwa hata kifwila ku Yelusalemu, kwa kiiva ya Mutwa uYeesu.”

1 Vakolinto 9:25

Vina vimenana mu muneeno, vikiyiyandaala na kiyiyangalila amavili gaanave kwa kimenana. Viigaha ago, baheene vaposheele ulutono lwa luhaavi lufupi hela. Leelo ose tiigaha ndeeno, baheene tiyanushile ulutono luna lusinanjikha hata lijuva limo.

Vaefeso 2:2

Mukhandi mwifwata injendo mbi ngaja vaanu vanji va mu nyi iyi. Khanji mukhandi mukimufwata uShetaani yuna iitema amalungu, uluhaavi ulu isenga insengo mu numbula sa vaanu vina vasikimuyinatila uNguluvi.

Vaefeso 6:12

Gahaji ndeeno, kwa kiiva uwulugu uwu, tisitovana na vaanu. Leelo titovana na malungu aga ngufu imbi isa wutawulilwa, sina siitema mu nyi iyi iya nshiisi, na vasulukhali va malungu aga mu nyi yina yisiwonekha bahawuvalafu.

Yaakobo 1:12

Shiba umuunu yuna igugumila mu lihuuvi uluhaavi lwa majelo, kwa kiiva pina akhagamena amajelo, uNguluvi akhamupeela uwuumi wa shiluta. Uwuumi uwo wuweene wukhava lutono lwakwe, ngaja uNguluvi shina wávatahisaaga woona vina vamugeene.

1 Petulo 5:4

UYeesu yumwene Mudimaaji Mukhome wa vaanu vaakwe. Uluhaavi pina akhawonekha, mukhaposheela uwutupikho uwa shiluta.

1 Petulo 5:8

Muyivavalaje na kiiva meeho luhaavi loona. Umulugu weenyu uShetaani iyuluutikha kuno na ukho, ngaja nyalupala yina yibuluma, yikimuvenda umuunu yimulye.

Wugubutulo 13:14

Kwa mabikha aga gina lyapelwagwa kigasenga kiiva ya likhanu ilya wutasi, lyavajanga avaanu woona ava mu nyi. Lyavajova avaanu kiija vatende isanaamu kwa kiiva ya lishima lya likhanu lila ilya wutasi, lina likhandi nu lweya ulwa panga, leelo lyumi.

Wugubutulo 13:2

Ilikhanu lila lina nikhalyajile likhandi ngaja duuma, amagulu gaakwe gakhandi ngaja magulu ga dubu, nu mulomo gwakwe gukhandi ngaja mulomo gwa nyalupala. Iliyokha lyalipeela ingufu saakwe, ishitengo shaakwe isha wutwa nu wutawulilwa wukhome.

Wugubutulo 13:7

Khanji, ilikhanu lila lyatawulilwa kitovana na vabaagule va Nguluvi na kivamena. Lyapeelwa uwutawulilwa uwa kitema avaanu va fimyanja fyona, ifikholo fyona, ifilogolo fyona ni nyi soona.

Wugubutulo 17:14

Vakhatovana uwulugu nu Mwana Nkholo, akhavamena kwa kiiva umwene yu Mukhome wa vakhome, khanji yu Mutwa wa vatwa. Woope akhava lumo na vaanu vaakwe vala vina vashemelwagwa na kibaagulwa nu Nguluvi, woope vaanu vayinatifu.”

Wugubutulo 2:13

One nipameenye pina mwikhala, apo baheene pina iitema uShetaani. Hata ndeeno mukilikhata ilitaawa lyangu. Khanji musikhakhaanile ilihuuvi lyenyu kunyangu, hata mu luhaavi ulwa Antipa umulunjikhaaji wangu, umuyinatifu mbakha kiifwa. Umuunu yula yumwene yuna wábudwagwa paakhati yeenyu, pina iikhala uShetaani.

Wugubutulo 2:9

Nigameenye amalava geenyu nu wupiina weenyu, leelo omwe shiyooli muna wuwusi. Nimeenye amaligo gaanave vina vikiyitambula kiija Vayahuudi, leelo ava, shipuga sha vavanda va Shetaani.