Wugubutulo 17:3 - IShiyanso nu Lufingo uLupya

³ Baheene pina uNumbula wa Nguluvi akhandi ikinilongosa, umalayikha wánitoola na kinitwala mu lunyikha. Ukho namwaga uwashimaayi akheele mu likhanu iliduuhu. Ilikhanu ilyo likhandi liyandiikhwe koona amataawa aga matofolo, likhandi na matwe fungati na mapembe ishumi.

Wugubutulo 17:3 Iomraidhean Croise

Mataayo 27:28

Vamuyaawula amenda gaakwe uYeesu na kimufwasa inkhansu induuhu.

Nsengo sa Vanandeje 8:39

Vaganile kihuma mu malenga mula, baaho uNumbula uMunofu wa Mutwa uNguluvi wámutupula uFilipo. Umuyiipe yula asikhamwajile khanji, wáyitenekha kishuula kuno ashendeevile mandu.

2 Vatesalonike 2:4

UMunansi uMukhome uyo, akhava ikifikhaana fyona fina avaanu vikifijova manguluvi, awu fina vikififuunya, akhayitumfya mwene ku fyona. Khanji akhayinjila na kikhala mu nanda ya Nguluvi, akhayisufya ikiyijova mwene duguli kiija, umwene yu Nguluvi.

Wugubutulo 1:10

Mu lisiku lya Mutwa, nikhalongosiiwe nu Numbula wa Nguluvi. Uluhaavi ulo napulikha ishawuti nkhome kunyuma yangu, ngaja shawuti ya balagumu.

Wugubutulo 12:14

Leelo uNguluvi wámupeela uwashimaayi yula amapapanikho gavili aga nkhalukwangala inkhome, baheene agulushe kiluta ku mbanda kula kuna uNguluvi akhandi amunosesiise, ave kutali ni liyokha. Apo papeene pa luvala pina wásungwagwa kwa nsiku iso magana lishumi limo na magana gavili na mashumi mutanda (1,260).

Wugubutulo 12:3

Baheene ishimanyilo ishinji shawonekha kushaanya. Naawona iliyokha ilikhome iliduuhu, lina likhandi na matwe fungati na mapembe ishumi, shila mutwe gukhandi ni njoola ya shitwa.

Wugubutulo 12:6

Uwashimaayi yula wásijila ku mbanda, kuna uNguluvi akhandi amunosesiise uluvala ulunofu ulwa kimusunga kwa luhaavi lwa nsiku magana ishumi limo na magana gavili na mashumi mutanda (1,260).

Wugubutulo 17:18

Uwashimaayi yula yuna wamwaga, lilyene lijumbi lila ilikhome, ilinya wutawulilwa kwa vatwa woona ava nyi soona.”

Wugubutulo 17:4

Uwashimaayi uyo akhandi afwele amenda amanofu aganya langi ya mwalaala ni nduuhu. Khanji akhandi ayikogwele kwa sahaabu, amangʼanga ga lifungu likhome, ni luulu. Mu liwokho lyakwe, wáyikhataga ikhoomasi iya sahaabu, yina yikhandi yimemile amakhalaso minshi, ni fiinu ifishaafu fina fiwonensa uwushemi waakwe uwo.

Wugubutulo 18:12

Lulwene kiija kusiina umuunu yuna iigula isahaabu saanave, ihela, amangʼanga ga lifungu likhome, iluulu, amenda amanofu aga kitaani, amenda amanofu aga mwalaala na ga haliili, amenda amanofu amaduuhu, inkhonkholo sa mapishi ni nkhonkholo sa mapembe ga jungwa ni sa mapishi aga lifungu likhome, ni fya shaaba ni shuuma ni malumaalu.

Wugubutulo 18:16

viijova, “Aka! Aka lijumbi likhome! Waava umanyeene kifwala amenda amanofu aga kitaani, aga mwalaala na maduuhu, na kiyikogola kwa sahaabu na mangʼanga ga lifungu likhome ni luulu!

Wugubutulo 21:10

Baheene, pina uNumbula wa Nguluvi akhandi ikinilongosa, umalayikha yula wánitwala mbakha pashaanya ya shidunda ishikhome, khanji shitali mandu. Wániwonensa ilijumbi ilibaagule ilya Yelusalemu, liyiikha kihuma kwa Nguluvi.

Wugubutulo 4:2

Baaho, pina uNumbula wa Nguluvi ikinilongosa, nashaaga ishitengo sha Wutwa kwa Nguluvi, shina umuunu yumonga ashikhaliile.