Wugubutulo 17:2 - IShiyanso nu Lufingo uLupya

² Avatwa va nyi vawafukhaga nawo na vina viikhala mu nyi vagaalile idivaayi inkhosi iya wushemi waakwe.”

Wugubutulo 17:2 Iomraidhean Croise

Yohana 2:10

Umuyimililaaji yula wáaja, “Umuunu yoyoona iyansa kigava idivaayi inofu, kuwudugo pina vaangʼwa na kiyikuta, baheene iigava idivaayi yina yisili nofu. Leelo owe waleeta idivaayi inofu kuwudugo!”

Wugubutulo 14:8

Umalayikha uyunji uwa wuvili wáfwata, wáaja ndeeni, “Ilijumbi ilikhome ilya Babeeli lyagwa khabisa! Ilijumbi ili lyavagahaga avaanu woona va nyi soona, vangʼwe idivaayi inkhosi yaakwe. Idivaayi iyo, wushemi waakwe wuna wugaya wudugo.”

Wugubutulo 17:13

Amahiiva ga vatwa awo ishumi gakhalingaana, vakhalipeela ilikhanu lila uwutawulilwa waanave ni ngufu soona.

Wugubutulo 17:17

Awo vakhagaha ndeeno, kwa kiiva uNguluvi yumwene wávagahaga vave nu lugulumilo ulwa kilipeela ilikhanu uwutawulilwa waanave uwa kitema. Yikhava ndeeno, mbakha pina gakhakwilana gina wájovaga uNguluvi.

Wugubutulo 17:5

Akhandi ayandiikhwe pa weeni waakwe ilitaawa ilinya luganulo lwa wufiho kiija, UBabeeli uMukhome Maayi wa Vashemi AMakhalaso ga Nyi

Wugubutulo 17:8

Ilikhanu ilyo lina walyagaga likhandi lyumi, lino ndeeni lifwile. Lino lili nkholeela kihuma mu lilindi ilikhome ilya malungu, leelo uNguluvi akhalibuda. Avaanu woona ava mu nyi, vina amataawa gaanave gasikhayandiikhwe mu Litaafili ilya Wuumi kihuma inyi yisinawumbwe, vakhaswiga. Vakhaswiga pina vakhalyaga ilikhanu ilyo lina pashiyanso likhandi lyumi, khanji lyafwa, lino ndeeni, lyatina!

Wugubutulo 18:23

Umo munyaakho, musikhaveekha ulumuli ulwa taala khanji. Wala musikhava ni fiwungo ifya vaanu kitoolana khanji kaa. Ukhagahilwa ndeeni, kwa kiiva avagusaaji vaakho vakhandi vakhome va nyi yoona. Khanji kwa kiiva avaanu va nyi yoona vajangwa kwa wuhavi waakho!

Wugubutulo 18:3

Lyagwa kwa kiiva avaanu woona va nyi soona, vangʼwesaga idivaayi inkhosi iya wushemi waakwe, woope avatwa va nyi iso vashemwishe nalyo. Woope avagusaaji va mu nyi vatajiliishe kwa wupafu waakwe wuna wushilile mandu.”

Wugubutulo 18:9

Avatwa va mu nyi soona vina vashemwishe nalyo na kikwava uwusi lumo nu mwene, woope vakhaliyaalama na kikhoola, pina vakhalyaga ilyosi lya lijumbi ilyo lina liveekha na kilalila.

Wugubutulo 2:22

Puliisi! Lino kwa kiiva ya ago, nisimutoosese uwutamu wuna asipootwe na kilamukha pa nkwembe. Khanji vina viwaafukha nawo nisivalafye, nda vasilambiisila na kilekha kifwata injendo imbi isa Yesebeeli.

Wugubutulo 3:10

Mwaliyinatila iliswi lyangu ilya kiiva nu wugugumilo, ndeeno na yuune nisivayangalile omwe muhume mu luhaavi lwa majelo gina gahejeelile kiyinsa kivajela avaanu va mu nyi yoona.

Wugubutulo 9:21

Khanji vasikhalambisiile uwubudaaji waanave, wala uwuhavi waanave, wala uwushemi waanave, wala uwuhiiji waanave.