Wugubutulo 15:4 - IShiyanso nu Lufingo uLupya

⁴ Wee Mutwa Nguluvi, avaanu woona visakulwa kiliyinatila na kilisufya ilitaawa lyakho, kiiva, yuuwe duguli uli Munofu! Avaanu va nyi soona vakhayinsa na kikufuunya! Kiiva insengo saakho sa shiyooli, siwonekha bahawuvalafu.”

Wugubutulo 15:4 Iomraidhean Croise

Valuumi 15:9

Khanji, wáyinsile baheene avaanu vina vasili Vayahuudi, vamusufye uNguluvi kwa lusungu lwakwe. Ngaja shina yiyandiikhwe mu Mayandikhwa aManofu kiija, “Lino, nisikuyeyemele injeyemo isa kikusufya ku vaanu va nyi isinji.”

1 Petulo 1:16

Mu Mayandikhwa aManofu uNguluvi ilogola, “Muveesaje vagolofu, kwa kiiva one nili mugolofu.”

Wugubutulo 11:15

Baheene umalayikha uwa fungati wáatova ibalagumu yaakwe. Ndeeno napulikha ishawuti nkhome nyinshi kihuma kwa Nguluvi, siijova, “Uwutwa wa mu nyi wáava Wutwa wa Mutwa uNguluvi weesu na wa Mukulusaaji waakwe, woope akhatema shiluta na shiluta.”

Wugubutulo 14:7

Umalayikha uyu wálogola kwa shawuti nkhome wáaja, “Mufuunyaji uNguluvi na kimutupikha, kiiva uluhaavi lwa kivahiga avaanu lwafikha. Mufuunyaji yuna wáwumbaga uwulanga, inyi, ibahali ni fisansa fya malenga.”

Wugubutulo 16:5

Napulikha umalayikha umuyimililaaji wa malenga iijova ndeeni, “Wee Nguluvi, yuna ukwali na ukhandi ukwali, uli Munofu, owe yuuwe Shiyooli, kwa gina wiihiga.

Wugubutulo 16:7

Baheene napulikha ishawuti kihuma pa luvala ulwa kihumisa ishadanda yiija, “Eena Mutwa Nguluvi, uMunya Ngufu Soona, uwuhigo waakho wa shiyooli, usibaniilila vamonga!”

Wugubutulo 19:2

kiiva uwuhigo waakwe wa shiyooli, asibaniilila vamonga. Amuhijile umushemi mukhome, yuna wáyijanjilisaaga inyi kwa wushemi waakwe. UNguluvi wámuvaalisa kwa kiiva ya kikunula idanda ya vavanda vaakwe!”

Wugubutulo 19:8

Umwene umunya kitoolwa apeliilwe kifwala amenda amanofu amavalafu aga kitaani, khanji gina gingʼaala khabisa.” Amenda amanofu amavalafu aga kitaani, uluganulo lwakwe injendo ingolofu isa vabaagule va Nguluvi.

Wugubutulo 3:7

“Muyandishila umalayikha wa shipuga sha vahuvililaaji vangu ava ku lijumbi lya Filadelifiya ndeeni, Amaswi aga gahumile kunyangu one Yeesu, one nili Munofu, khanji nili wa shiyooli. Nina fungulo ya wutawulilwa wa mutwa uDawudi, nda nidindule kusiina uwa kidinda, khanji nda nidinde kusiina uwa kidindula. Ndeeno, munipuliise!

Wugubutulo 4:8

Fyope ifiwumbwa fina (4) ifyo, shila shimo shikhandi na mapapanikho mutanda. Khanji amapapanikho ago, gakhandi na meeho mu mbali soona. Ifiwumbwa ifyo, fikhandi fiyimba ishilo ni shiminsi fisisisima fiijova, “Munofu, Munofu, Munofu, yu Mutwa uNguluvi, uMunya Ngufu Soona, yuna akhandi akwali, akwali na akhava akwali.”

Wugubutulo 6:10

Vakhoola kwa shawuti nkhome, kiija, “Wee Mutwa Munya Ngufu Soona, yuna uli Munofu na wa Shiyooli, usidiile mbakha yooli, kivahiga na kivavaalisa avaanu va mu nyi, kwa kiiva ya danda yeesu?”