Wugubutulo 15:2 - IShiyanso nu Lufingo uLupya

² Nashaaga ishiinu shina shikhandi ngaja bahali ya shilole, shina shihansinkheene nu mooto. Palubali apo vakhandi vayiimile avaanu vala vina vakhandi valimenile ilikhanu ilikhome lila, isanaamu yaakwe, lumo nu luvaso lwa litaawa lyakwe. Avaanu awo vakhandi vakheete imalimba saanave sina vakhandi vapeliilwe nu Nguluvi kiija vamufuunye.

Wugubutulo 15:2 Iomraidhean Croise

Mataayo 3:11

“One nikivatwinia kwa malenga kiwonensa kiija mwalambiisila uwunansi weenyu, leelo kunyuma yangu iyinsa uyunji, umunya ngufu kishila one, yuna nisikwiliile kiiva muvanda waakwe wa kisumula indaatu saakwe. Uyo yumwene akhavatwinia kwa Numbula uMunofu nu mooto.

1 Petulo 1:7

Kiyijimfilisa mu majelo aga kiwonensa kiija, ilihuuvi lyenyu lya shiyooli. Liijelwa ngaja shina vikiyijela isahaabu kwa nsila ya kinyaanywa mu mooto. Kimuhuviilila uNguluvi lunofu mandu kishila isahaabu, kwa kiiva isahaabu yinanjikha. Lino, uYeesu Kilisito akhawonekha bahawuvalafu, akhavasufya, akhavatupikha na kivagota.

1 Petulo 4:12

Vagani vangu, amalava makhome gina gikivapata gina gikilijela ilihuuvi lyenyu, musikhaveesaga ngaja musimeenye kiija, kwashi mwilava.

Wugubutulo 12:11

Avahuvililaaji vayeesu vamumena kwa danda ya Mwana Nkholo, na kwa liswi lya wubedelo waanave, kiiva vasikhawusajiile uwuumi waanave, ndeeno vasikhatiilile kiifwa.

Wugubutulo 13:1

Baheene, kihuma mu bahali umo nalyaga ilikhanu ilikhome liihuma, likhandi lina mapembe ishumi na matwe fungati. Khanji mu mapembe gaakwe lifwele injoola ishumi isa shitwa, mu matwe gaakwe mukhandi muyandiikhwe amataawa ga kimutofola uNguluvi.

Wugubutulo 13:14

Kwa mabikha aga gina lyapelwagwa kigasenga kiiva ya likhanu ilya wutasi, lyavajanga avaanu woona ava mu nyi. Lyavajova avaanu kiija vatende isanaamu kwa kiiva ya lishima lya likhanu lila ilya wutasi, lina likhandi nu lweya ulwa panga, leelo lyumi.

Wugubutulo 13:17

Nda umuunu ave agaya shimanyilo, asikwiliile kigula awu kigusa. Ishimanyilo isho, litaawa lya likhanu ilya wutasi, awu uwinshi wa helufi soona isa litaawa lyakwe.

Wugubutulo 21:18

Uluhengo ulo lukhandi lusenjiilwe kwa mangʼanga ga lifungu likhome lya yasipi. Ilijumbi lyope likhandi lisenjiilwe kwa sahaabu nofu yina yingʼaala ngaja shilole.

Wugubutulo 4:6

Khanji, apo pakhandi ngaja bahali ya shilole, yina yikhandi ngaja lingʼanga lina lingʼaala mandu. Paakhati ya shitengo isha Wutwa na vagosiivaha vala, pakhandi pana fiwumbwa fina (4), ifya wuumi. Fikhandi fipilima imbali soona isa shitengo sha Wutwa. Fikhandi na meeho shila luvala.

Wugubutulo 5:8

Pina wátoolaga ilitaafili lila, ifiwumbwa fina (4) fila, lumo na vagosiivaha vala mashumi gavili na vana (4), vayigwisa pansi, vagubama pa Mwana Nkholo. Woona vakhandi ni malimba ni sebeti isa sahaabu sina simemile ifya kitinshilisa ingaagulwa sina sinunshilila. Ifiinu fya kitinshilisa, ifyo fifyene mafuunyo ga vabaagule va Nguluvi.