Wugubutulo 13:6 - IShiyanso nu Lufingo uLupya

⁶ Baheene ilikhanu ilyo lyayansa kimutofola uNguluvi kwa kililiga ilitaawa lyakwe nu luvala luna akheele, lulwene kivatofola woona vina viikhala kwa Nguluvi.

Wugubutulo 13:6 Iomraidhean Croise

Mataayo 12:34

Omwe woona muhwaneene ni njokha! Mukwiliile wuli kilogola amaswi amanofu kuno muli vanansi? Kwa kiiva amaswi gina umuunu iijova, giihuma mu gala gina gamemile mu numbula yaakwe.

Mataayo 15:19

Kiiva mu numbula ya muunu, mumwene muna giihuma amahiiva amavi, uwubudaaji, uwaafu uwa kijenda na vadala va kunja, uwushemi, uwuhiiji, uwubedelo wa wudehi na maligo.

Yohana 1:14

ILiswi ilyo lyayinsaga lyava muunu, umuunu uyo wáakhala lumo noose. Ose tawaagaga uwutupikho waakwe, uwutupikho wa Lusawo yuna ali mwene duguli, yuna iihuma kwa Daada uNguluvi, khanji amemile imota ni shiyooli.

Valuumi 3:13

“Amalomo gaanave, gali ngaja majooja gina gali mwasi, iimili saanave silogola wudehi.” “Mu malomo gaanave, siihuma injowo isa wanga ngaja wa njokha.”

Vakolosaayi 1:19

UNguluvi wágahaga ndeeno, kwa kiiva wádobokhaga kiija, uwukwilano waakwe woona wuve kwa Lusawo.

Vakolosaayi 2:9

Musikhayitikhaji umuunu kivajanga, kwa kiiva uwukwilano woona uwa Nguluvi, wuli mu muvili gwa Kilisito.

Vahebulaniya 9:2

Pasengwagwa iliheema ilya kimufuunyila uNguluvi. Iliheema ilyo likhandi lina fyumba fivili. Ishumba sha wutasi shikhandi shina nsimbili ya lumuli ni meesa ya kiviikha amakhaate pa Nguluvi, ishumba ishi vashitambulaga Panofu.

Vahebulaniya 9:24

UKilisito asikhayinjiile aPanofu pa Panofu pina pasenjiilwe na vaanu, apo shihwano hela isha luvala lwa shiyooli luna luli kwa Nguluvi. Ila wáyinjilaga aPanofu pa Panofu kwa Nguluvi, pina uluhaavi ulu ikitufuunyila pa Nguluvi.

Wugubutulo 11:12

Baheene avakuwamalago vavili vala, vapulikha ishawuti nkhome kihuma kwa Nguluvi yikivajovela kiija, “Taani kuno!” Woope vataana kushaanya mu lifunde kuno avalugu vaanave vikivaloleela.

Wugubutulo 12:12

Lino, shendeevaji omwe woona, vina mwikhala kwa Nguluvi ukho! Leelo, aka omwe vaanu va mu nyi ni bahali, kiiva uShetaani wátaagwa pansi kunyeenyu. Akhaleele mandu, kiiva ameenye kiija, uluhaavi lwakwe lufupi.”

Wugubutulo 15:5

Gaganile kishila ago, naloleela, nalwaga ludindukha uluvala ulwa nanda ya Nguluvi, lulwene kiija iliheema ilya kimufuunyila uNguluvi.

Wugubutulo 18:20

Shendeevaji omwe, muna mwikhala kwa Nguluvi, kwa kiiva ya lijumbi lila. Shendeevaji omwe vabaagule va Nguluvi, omwe vanandeje na omwe vakuwamalago! UNguluvi wálihiga ilijumbi ilyo kwa kiiva ya gala gina lyavagahilaga omwe!”

Wugubutulo 21:3

Baheene napulikha ishawuti nkhome kihuma mu shitengo sha Wutwa yiija ndeeni, “Loleela! Uwiikhasi wa Nguluvi wuli lumo na vaanu, umwene asiikhale lumo na woope. Awo vakhava vaanu vaakwe, woope akhava Nguluvi waanave.

Wugubutulo 4:1

Gaganile kishila ago, nagwaga umulyango gudindwishe kwa Nguluvi! Baheene napulikha ishawuti yila ngaja shawuti ya balagumu yina nayipulikhaga ulwa wutasi yiijova kiija, “Yinsa, taana kuno kushaanya, na yuune nisikuwonense gina gisakulwa mbakha gawoneshe mu luhaavi luna luyinsa.”

Wugubutulo 4:4

Khanji ifitengo mashumi gavili na gana, fyashipilimaga ishitengo shila sha Wutwa. Mu fitengo ifyo vakhalaga avagosiivaha mashumi gavili na vana. Vakhandi vafwele amenda mavalafu ni njoola isa kitema isa sahaabu mu matwe gaanave.

Wugubutulo 5:13

Baheene, napulikha ifiwumbwa fyona fina fikhandi kushaanya, mu nyi, ku wusimu na mu bahali fiyeyema, fiija, “Yumwene yuna ashikhaliile ishitengo sha Wutwa nu Mwana Nkholo, vasufisiwe, vatiilwe, vatupikhwe, vave nu wutawulilwa, shiluta na shiluta.”

Wugubutulo 7:15

Lulwene vali pamwandi ya shitengo sha Wutwa wa Nguluvi. Vikimufuunya uNguluvi ishilo ni shiminsi mu nanda yaakwe, woope yuna akheele mu shitengo sha Wutwa, akhava lumo nawo ikivadiima.

Wugubutulo 7:9

Gaganile kishila ago, naawona ishipuga ishikhome mandu sha vaanu vina kusiina yuna akwiliile kivavasa. Avaanu va nyi soona, ifimyanja fyona, ifikholo fyona ni filogolo fyona, vayiimile pamwandi ya shitengo sha Wutwa na pa Mwana Nkholo. Vafwele inkhansu inali imbalafu, khanji vakheete amansambala ga mapunga mu mawokho gaanave.