Wugubutulo 12:9 - IShiyanso nu Lufingo uLupya

⁹ UMikayeli na vamalayikha vaakwe valitaaga mu nyi iliyokha ilyo, lumo na vamalayikha vaakwe. Iliyokha ilyo ilya pawukuulu, litambulwa Ibiliisi awu Shetaani, likivajanga avaanu va nyi soona.

Wugubutulo 12:9 Iomraidhean Croise

Shiyanso 3:1

UMutwa uNguluvi wáwumbaga inkhanu soona. Lino, injokha yikhandi nsugu kishila inkhanu iso soona. Ilijuva limonga, injokha yamujovela umudala, “Aasi, shiyooli uNguluvi wávajovelaga, ‘Musikhaliisaga amakhomo ga mapishi goona aga mu shiisi’?”

Shiyanso 3:13

Apo, uNguluvi wámuposa umudala yula, “Waagaha shi?” Umudala wáaja, “Injokha yanijanjilisa, naalya.”

Mataayo 13:39

Umulugu yuna wáyinsile kivyala amagugu, ihwananisiwa nu Shetaani. Kikungula kihwananisiwa ni lisiku ilya kihigwa inyi. Avakungulaaji vihwananisiwa na vamalayikha va Nguluvi.

Mataayo 24:24

Kiiva vakhayinsa avakuwamalago avadehi na vaanu vina vakhava viijova uwudehi kiija, aveene vakulusaaji. Awo vakhava viigaha amabikha makhome ga miitu, baheene vakhavajanga avaanu na kiija, nda yikwiliile vavajanje hata avabaagule va Nguluvi.

Mataayo 25:41

“Baheene nisivajovele vala vina vali lubali lwangu lwa kunshiji nisiijove, ‘Wuushi apa omwe muna muyijiilwe nu Nguluvi! Lutaji mu malafyo ga mooto gwa shiluta guna uNguluvi aviishile kwa kiiva ya Shetaani na vamalayikha vaakwe.

Mataayo 4:1

Baheene uYeesu wálungamisiwa nu Numbula uMunofu kiluta ku lunyikha kiija, ajelwe nu Shetaani.

Mataayo 4:10

UYeesu woope wáaja, “Wee Shetaani, wuukha apa! Loleela, mu Mayandikhwa aManofu yiyandiikhwe kiija, ‘Umufuunyaje uMutwa uNguluvi waakho. Khanji, umusenjelaje mwene duguli.’”

Mataayo 4:5

Baheene uShetaani wámulungamya uYeesu ku lijumbi ilibaagule ilya Yelusalemu, wámutwala uluvala ulwa pashaanya mandu pa nanda imbaagule iya kifuunyila.

Mataayo 4:8

Kuwudugo, uShetaani wámutwala uYeesu kushaanya mandu ku shidunda, wámuwonensa uwutwa wa nyi soona nu wutupikho waakwe,

Luuka 10:18

UYeesu wávajovela wáaja, “Nikhandi nikimwaga uShetaani iigwa ngaja lumuli lwa noonya kihuma kushaanya.

Luuka 13:16

Lino wuli, uwashimaayi uyu uwa shikholo sha Abulahamu, yuna akhandi ilafisiwa nu Shetaani kwa kipinywa maakha ishumi na munaana, asisakulwa kileshelwa na kiyiyeeshela mu lijuva lya Sabaato?”

Luuka 22:3

Baaho, uShetaani wámuyinjila uYuuda, yuna akhandi itambulwa Isikaliyoote. Umuunu uyu akhandi munyaayumo mu vamanyisiwa vala ishumi na vavili va Yeesu.

Luuka 22:31

UYeesu wáaja, “Simoni, puliisa! Umanyaje wunofu kiija uShetaani alombile na kipeelwa kivajela omwe, ngaja umuunu yuna ikungula ingano yaakwe na kiyiyeleelula.

Luuka 8:12

Imbeyu sina sagwiliile mu nsila, sihwananisiwa na vaanu vina vipulikha iLiswi lya Nguluvi, leelo luhaavi luulo, uShetaani iyinsa kiliwuusa iLiswi ilyo mu numbula saanave, kiija vasilaave vahuviilile na kikulukha.

Yohana 12:31

Lino lwafikha uluhaavi lwa Nguluvi ulwa kivahiga avaanu ava mu nyi iyi. Lino lwafikha uluhaavi lwa Nguluvi ulwa kimudaga uShetaani, umutemi wa nyi iyi.

Yohana 14:30

Nisikwiliile kilogola noomwe mandu, kwa kiiva umutemi wa nyi iyi uShetaani iyinsa. Leelo asikwiliile kinimena one.

Yohana 16:11

Akhava ikivawonensa bahawuvalafu kiija, uNguluvi akhavahiga kwa kiiva amuhijile uShetaani yuna mukhome wa vanansi.

Yohana 8:44

Omwe muli va wiheenyu uShetaani, shiisho khanji na yuumwe, mwisakula kisenga gina uwiheenyu isakula. UShetaani mubudaaji wiila, khanji asigeene kiyinatila ishiyooli, kwa kiiva angaya shiyooli mu numbula yaakwe. UShetaani ilogola wudehi, iyo ngʼoma yaakwe kwa kiiva umwene mudehi, khanji yu wihaanave wa vadehi woona.

Nsengo sa Vanandeje 26:18

kiija uvadindule ameeho gaanave, vahume mu nshiisi vayinjile mu wuvalafu na vahume mu wutwa uwa Shetaani, vayinjile mu Wutwa wa Nguluvi. Kwa kigaha ndeeno, baheene vakhasaajilwa uwunansi waanave na vakhava lumo na vala vina vavalasiiwe kwa nsila ya kinihuviilila one.’

Nsengo sa Vanandeje 5:3

Leelo uPetulo wámujovela wáaja, “Ananiya! Kwashi wamulekha uShetaani wáyinjila mu numbula yaakho? Mbakha walogola uwudehi kwa Numbula uMunofu. Wasifiha ihela isinji sina waposheela mu mugunda gwakho.

Valuumi 16:18

Avaanu ngaja awo vasikimusenjela uMutwa weesu uKilisito, leelo visenga kwa kifwata uwupafu waanave. Vilogola amaswi amanofu aga kishendeefya, leelo vikivajanga avahuvililaaji avawoto.

Valuumi 16:20

Lino, uNguluvi yuna ikivapeela uwulindamafu, asimuponde uShetaani lilino ndeeni na kivapeela omwe ingufu iya kimumena. Imota ya Mutwa weesu uYeesu, yive lumo noomwe.

2 Vakolinto 11:14

Mu ilyo tisiswiga, kwa kiiva woope uShetaani yumwene ikiyihwananisa kiiva ngaja malayikha wa mu wuvalafu.

2 Vakolinto 11:3

Lino leelo, nitiila, kiija na yuumwe musilaave mujangwe, ngaja injokha shina yamujangaga uHawa kwa wusugu waakwe, muwuleshe uwugolofu nu lugano lwenyu ulwa shiyooli kwa Kilisito.

2 Vakolinto 12:7

Leelo, kiija nisikhayisufyaga mandu ulwa wugubutulo uwa kiswiga gina uMutwa uYeesu wániwonensa, napeelwa amalava gina gali ngaja limfwa mu muvili gwangu. Umwanandeje wa Shetaani afiliikhwe kinilafya, baheene nisilaave niyisufye mandu.

2 Vakolinto 2:11

Tigahaje ndeeni, baheene uShetaani asilaave atumene, kwa kiiva taamanya uwusugu waakwe.

2 Vakolinto 4:4

Yisimanyikha kwa kiiva uShetaani umutwa umuvi wa nyi iyi, avagubiishe uluhala lwa vina vasikimuhuviilila uYeesu, baheene vapootwe kiloleela uwuvalafu wa Mola iNofu ya wutupikho wa Kilisito, yuna shihwano sha Nguluvi.

Vaefeso 4:14

Baheene tisikhava ngaja vaana, vina vali ngaja shipugo shina shivevelusiwa kuno na ukho ni lipepo na mavingu. Lulwene kiija, avamanyisaaji va wudehi vasikhatujanga kwa wusugu nu wudehi waanave.

2 Vatesalonike 2:3

Musikhayitikhaji umuunu yoyoona kivajanga kwa lyolyona, kwa kiiva ilisiku ilyo lisikhayinsa tangusiina, mbakha avaanu vinshi vagahe uwunansi mandu kwa Nguluvi na kiwonekha uMunansi uMukhome yula, yuna akhabudwa khabisa.

1 Timoteo 2:14

Khanji uAdamu asikhajanjilisiiwe, leelo uwashimaayi yumwene yuna wájanjilisiwaagwa, wánanganga indaji sa Nguluvi.

2 Timoteo 3:13

Leelo avadehaaji na vanansi vasikhalekha kiiva vanansi mandu, vakhava viideha na kidehelwa.

Vahebulaniya 2:14

Avaana awo vana mavili ni danda, ndeeno uYeesu woope wáyinsile ana muvili ni danda ngaja aveene. Wágahaga ndeeno, baheene kwa nsila ya mfwa yaakwe, asimene ingufu sa Shetaani yuna ana wutawulilwa wa kipinsa avaanu vave viifwa.

1 Petulo 5:8

Muyivavalaje na kiiva meeho luhaavi loona. Umulugu weenyu uShetaani iyuluutikha kuno na ukho, ngaja nyalupala yina yibuluma, yikimuvenda umuunu yimulye.

1 Yohana 5:19

Timeenye kiija, ose tili vaana va Nguluvi, na kiija avaanu avanji woona vina vasikimuhuviilila uNguluvi, viitemwa nu Munansi yula uShetaani.

Yuuda 1:9

Hata woope uMikayeli umalayikha umukhome, pina iposania na kikhaanania nu Shetaani ulwa muvili gwa Musa, asikhajelile kimuhiga uShetaani kwa maligo. Leelo wájovile kiija, “UMutwa uNguluvi yumwene akukhajile!”

Wugubutulo 12:12

Lino, shendeevaji omwe woona, vina mwikhala kwa Nguluvi ukho! Leelo, aka omwe vaanu va mu nyi ni bahali, kiiva uShetaani wátaagwa pansi kunyeenyu. Akhaleele mandu, kiiva ameenye kiija, uluhaavi lwakwe lufupi.”

Wugubutulo 12:3

Baheene ishimanyilo ishinji shawonekha kushaanya. Naawona iliyokha ilikhome iliduuhu, lina likhandi na matwe fungati na mapembe ishumi, shila mutwe gukhandi ni njoola ya shitwa.

Wugubutulo 12:7

Baheene kwava nu wulugu kwa Nguluvi. Umalayikha umukhome yuna itambulwa Mikayeli, lumo na vamalayikha vaakwe, vatovana ni liyokha lila na vamalayikha vaakwe.

Wugubutulo 12:8

Leelo iliyokha lila na vamalayikha vaakwe, vamenwagwa na kidagwa kwa Nguluvi.

Wugubutulo 13:14

Kwa mabikha aga gina lyapelwagwa kigasenga kiiva ya likhanu ilya wutasi, lyavajanga avaanu woona ava mu nyi. Lyavajova avaanu kiija vatende isanaamu kwa kiiva ya lishima lya likhanu lila ilya wutasi, lina likhandi nu lweya ulwa panga, leelo lyumi.

Wugubutulo 16:14

Amalungu ago gakhandi nu wutawulilwa uwa kigaha amabikha. Vaava viiluta kwa vatwa woona ava nyi, kiija vavakungaanie kiiva ya wulugu wuna wukhava ilisiku ilikhome ilya Nguluvi, uMunya Ngufu Soona, pina akhavamena avalugu vaakwe.

Wugubutulo 18:2

Woope wákhoosa ishawuti mandu wáajova, “Lyagwa! Ilijumbi ilikhome ilya Babeeli, lyagwa khabisa! Lino, lyava wiikhasi wa kityejela shila lilungu. Lyava wiikhasi wa shila nyuni inyaafu iya kikhalasa mandu.

Wugubutulo 18:23

Umo munyaakho, musikhaveekha ulumuli ulwa taala khanji. Wala musikhava ni fiwungo ifya vaanu kitoolana khanji kaa. Ukhagahilwa ndeeni, kwa kiiva avagusaaji vaakho vakhandi vakhome va nyi yoona. Khanji kwa kiiva avaanu va nyi yoona vajangwa kwa wuhavi waakho!

Wugubutulo 19:20

Leelo ilikhanu, lumo nu mukuwamalago umudehi yuna wágahaga amabikha kwa kiiva yaakwe, vagalulwagwa. Kwa kigaha amabikha gaakwe ago, umukuwamalago uyo akhandi ikivajanga avaanu vina vakhandi vavishiilwe ishimanyilo isha likhanu ilyo ilikhome, na kiyifuunya isanaamu yaakwe. Baheene woona vavili pina wuumi, vataagwa mu lilamba ilikhome lila ilya mooto umukhali mandu.

Wugubutulo 2:13

One nipameenye pina mwikhala, apo baheene pina iitema uShetaani. Hata ndeeno mukilikhata ilitaawa lyangu. Khanji musikhakhaanile ilihuuvi lyenyu kunyangu, hata mu luhaavi ulwa Antipa umulunjikhaaji wangu, umuyinatifu mbakha kiifwa. Umuunu yula yumwene yuna wábudwagwa paakhati yeenyu, pina iikhala uShetaani.

Wugubutulo 2:24

Lino vamonga mu omwe ukho ku Tiyatila, vakwali vayinatilaaji. Avaanu ava vasiyinatila amamanyiso ga Yesebeeli uyo, wala vasisimeenye imbuusa iso sina avanji viijova mbuusa sa mukhati. Shiyooli imbuusa iso mamanyiso ga Shetaani! Kwa vaanu avayinatilaaji ava, niijova ndeeni, nisikhavapeela umusigo ugunji.

Wugubutulo 2:9

Nigameenye amalava geenyu nu wupiina weenyu, leelo omwe shiyooli muna wuwusi. Nimeenye amaligo gaanave vina vikiyitambula kiija Vayahuudi, leelo ava, shipuga sha vavanda va Shetaani.

Wugubutulo 20:10

UShetaani yuna akhandi ikivajanga, akhataagwa mu lilamba ilikhome lila ilya mooto ni shibiliiti. Apo papeene pina lyatagwagwa ilikhanu nu mukuwamalago yula umudehi. Woope vakhalafisiwa ukho ishilo ni shiminsi, shiluta na shiluta.

Wugubutulo 20:8

Lino, pina akhahuma panja, akhaluta kivajanga avaanu woona vina vayalaliile mu mbali soona isa nyi, uluganulo lwakwe Googu na Magoogu. UShetaani akhavakungaania lumo kwa kiiva ya wulugu, avaanu awo vina vakhatovana vakhava vinshi ngaja luhankha lwa mu bahali.

Wugubutulo 3:9

Puliisi! Nisivaleete avaanu va shipuga sha vavanda va Shetaani, vina vikiyitambula kiija Vayahuudi, leelo vadehi. Nisivagahe vayinse kivafugamila, baheene vamanye kiija, one nivageene omwe.

Wugubutulo 9:1

Baheene umalayikha wa wusaanu wáatova ibalagumu yaakwe. Naawona inondwe yina yiihuma ku wulanga yiigwa mu nyi. Yoope yapeelwa ifungulo ya lilindi ilikhome ilya malungu.

Wugubutulo 9:20

Avaanu vina vasigalaga, vina vasikhafwile kwa lilava ilyo lina lyavatovaga avaanu vayaanave, vasikhalambisiile uwunansi waanave. Vakhandi vapifuunya amalungu ni sanaamu sina vasitendaga vaveene kwa sahaabu, ihela, ishaaba, amangʼanga na mapishi. Isanaamu iso sisikwiliile kiloleela, kipulikha wala kijenda.