Wugubutulo 12:4 - IShiyanso nu Lufingo uLupya

⁴ Iliyokha ilyo, lyagupilimya umushila gwakwe, gwalugwisa uluvala lumo mu mbali sitatu isa nondwe ku nyi. Iliyokha ilyo lyayiima pa washimaayi yula yuna akhandi isakula kisava, pina wámusava umwana, baheene limumile.

Wugubutulo 12:4 Iomraidhean Croise

Yohana 8:44

Omwe muli va wiheenyu uShetaani, shiisho khanji na yuumwe, mwisakula kisenga gina uwiheenyu isakula. UShetaani mubudaaji wiila, khanji asigeene kiyinatila ishiyooli, kwa kiiva angaya shiyooli mu numbula yaakwe. UShetaani ilogola wudehi, iyo ngʼoma yaakwe kwa kiiva umwene mudehi, khanji yu wihaanave wa vadehi woona.

1 Petulo 5:8

Muyivavalaje na kiiva meeho luhaavi loona. Umulugu weenyu uShetaani iyuluutikha kuno na ukho, ngaja nyalupala yina yibuluma, yikimuvenda umuunu yimulye.

Wugubutulo 12:7

Baheene kwava nu wulugu kwa Nguluvi. Umalayikha umukhome yuna itambulwa Mikayeli, lumo na vamalayikha vaakwe, vatovana ni liyokha lila na vamalayikha vaakwe.

Wugubutulo 12:9

UMikayeli na vamalayikha vaakwe valitaaga mu nyi iliyokha ilyo, lumo na vamalayikha vaakwe. Iliyokha ilyo ilya pawukuulu, litambulwa Ibiliisi awu Shetaani, likivajanga avaanu va nyi soona.

Wugubutulo 13:2

Ilikhanu lila lina nikhalyajile likhandi ngaja duuma, amagulu gaakwe gakhandi ngaja magulu ga dubu, nu mulomo gwakwe gukhandi ngaja mulomo gwa nyalupala. Iliyokha lyalipeela ingufu saakwe, ishitengo shaakwe isha wutwa nu wutawulilwa wukhome.

Wugubutulo 13:4

Khanji avaanu woona valisungamila iliyokha ilyo, kwa kiiva lyalipeelaga ilikhanu ilyo uwutawulilwa waakwe uwa kitema, na valifuunya ilikhanu ilyo, vaaja, “Kusiina yuna ahwaneene ngaja ilikhanu ili! Khanji kusiina yuna akwiliile kitovana nalyo!”

Wugubutulo 16:13

Baheene nagaaga amalungu gatatu gina gahwaneene ngaja nyuula. Limo lyahuma mu mulomo gwa liyokha, ilinji lyahuma mu mulomo gwa likhanu ilikhome, na ilinji lyahuma mu mulomo gwa mukuwamalago yula umudehi.

Wugubutulo 17:18

Uwashimaayi yula yuna wamwaga, lilyene lijumbi lila ilikhome, ilinya wutawulilwa kwa vatwa woona ava nyi soona.”

Wugubutulo 20:2

Wálikhata iliyokha lila ilya pawukuulu, lina litambulwa Ibiliisi awu Shetaani, wálipinya kwa munyololo umukhome na kilitaaga mu lilindi ilikhome ilya malungu. Wádinda umulyango, wáviikha ishimanyilo sha mupulya, kiija asilaave avajanje khanji avaanu va nyi soona. Lidindilwe kwa luhaavi lwa maakha magana lishumi (1,000). Pina lwasila uluhaavi ulo, mbakha lidindulilwe kwa luhaavi lufupi hela.

Wugubutulo 8:10

Woope umalayikha uwa wutatu wáatova ibalagumu yaakwe. Baaho inondwe inkhome yaagwa kihuma ku wulanga. Yikhandi yiveekha ngaja lumuli, yoope yaagwa uluvala lumo mu mbali sitatu isa makhoga, nu luvala lumo mu mbali sitatu isa fisansa fya malenga.

Wugubutulo 8:11

Ilitaawa lya nondwe iyo yatambulwagwa “Wukhali.” Baheene uluvala lumo mu mbali sitatu isa malenga gaseetukha, gaava makhali. Avaanu vinshi vaafwa kwa malenga ago, kwa kiiva gakhandi makhali mandu.

Wugubutulo 8:12

Woope umalayikha uwa wuna, wáatova ibalagumu yaakwe. Baheene uluvala lumo mu mbali sitatu isa lijuva, nu luvala lumo mu mbali sitatu isa mwesi, nu luvala lumo mu mbali sitatu isa nondwe satowaagwa, imbali iso saava nshiisi. Uluvala lumo mu mbali sitatu isa paminsi, ilijuva lisikhamuliishe, khanji uluvala lumo mu mbali sitatu isa paashilo, goope umwesi gusikhamulikha.

Wugubutulo 8:7

UMalayikha uwa wutasi wáatova ibalagumu yaakwe. Baaho inoonya ya mangʼanga nu mooto guna guhansikheene ni danda, fyataagwa mu nyi. Umooto ugo gwanyaanya uluvala lumo mu mbali sitatu isa nyi na mapishi, gwanyaanya na masole goona.

Wugubutulo 8:8

Woope umalayikha uwa wuvili wáatova ibalagumu yaakwe. Baaho ishiinu shina shili ngaja shidunda shikhome shina shiveekha umooto, shatoosewa mu bahali. Baheene uluvala lumo mu mbali sitatu isa bahali, lwava danda.

Wugubutulo 8:9

Uluvala ulo ulwa bahali, ifiwumbwa fyona ifyumi fina fikwali, fyafwa. Khanji ifipugo ifikhome fyananjikha khabisa.

Wugubutulo 9:10

Sikhandi sina mashila gana mimfwa ngaja ga nje, mu mashila umo mukhandi ni ngufu isa kivalemasa avaanu kwa luhaavi lwa meesi gasaanu.

Wugubutulo 9:19

Ingufu sa falaasi iso sikhandi mu malomo gaanave na mu mashila gaanave, kwa kiiva amashila gaanave gakhandi ngaja njokha, gana matwe ga kivalumila avaanu.