Wugubutulo 12:3 - IShiyanso nu Lufingo uLupya

³ Baheene ishimanyilo ishinji shawonekha kushaanya. Naawona iliyokha ilikhome iliduuhu, lina likhandi na matwe fungati na mapembe ishumi, shila mutwe gukhandi ni njoola ya shitwa.

Wugubutulo 12:3 Iomraidhean Croise

Wugubutulo 12:1

Baheene ishimanyilo ishikhome shawonekha kushaanya. Kukhandi kuna washimaayi yuna wáfwasiiwe ilijuva, nu mwesi gukhandi pansi pa magulu gaakwe. Khanji ku mutwe gwakwe akhandi afwele injoola ya wutwa ya nondwe ishumi na sivili.

Wugubutulo 12:13

Baheene iliyokha ilyo, lyaganaga kiwona lyataagwa mu nyi, lyamufwata uwashimaayi yula yuna akhandi asavile umudiimi.

Wugubutulo 12:17

Ino iliyokha lyamukhalalila mandu uwashimaayi yula, lyawuukha na kiluta kitovana na vanaakwe avanji. Avaana awo vaveene vina vikisiyinatila indaji sa Nguluvi na kivabedela avaanu injowo sa Yeesu Kilisito.

Wugubutulo 12:4

Iliyokha ilyo, lyagupilimya umushila gwakwe, gwalugwisa uluvala lumo mu mbali sitatu isa nondwe ku nyi. Iliyokha ilyo lyayiima pa washimaayi yula yuna akhandi isakula kisava, pina wámusava umwana, baheene limumile.

Wugubutulo 12:7

Baheene kwava nu wulugu kwa Nguluvi. Umalayikha umukhome yuna itambulwa Mikayeli, lumo na vamalayikha vaakwe, vatovana ni liyokha lila na vamalayikha vaakwe.

Wugubutulo 12:9

UMikayeli na vamalayikha vaakwe valitaaga mu nyi iliyokha ilyo, lumo na vamalayikha vaakwe. Iliyokha ilyo ilya pawukuulu, litambulwa Ibiliisi awu Shetaani, likivajanga avaanu va nyi soona.

Wugubutulo 13:1

Baheene, kihuma mu bahali umo nalyaga ilikhanu ilikhome liihuma, likhandi lina mapembe ishumi na matwe fungati. Khanji mu mapembe gaakwe lifwele injoola ishumi isa shitwa, mu matwe gaakwe mukhandi muyandiikhwe amataawa ga kimutofola uNguluvi.

Wugubutulo 13:2

Ilikhanu lila lina nikhalyajile likhandi ngaja duuma, amagulu gaakwe gakhandi ngaja magulu ga dubu, nu mulomo gwakwe gukhandi ngaja mulomo gwa nyalupala. Iliyokha lyalipeela ingufu saakwe, ishitengo shaakwe isha wutwa nu wutawulilwa wukhome.

Wugubutulo 13:4

Khanji avaanu woona valisungamila iliyokha ilyo, kwa kiiva lyalipeelaga ilikhanu ilyo uwutawulilwa waakwe uwa kitema, na valifuunya ilikhanu ilyo, vaaja, “Kusiina yuna ahwaneene ngaja ilikhanu ili! Khanji kusiina yuna akwiliile kitovana nalyo!”

Wugubutulo 15:1

Baheene nashaaga ishimanyilo ishinji kushaanya. Shikhandi shimanyilo shikhome, khanji sha kiswiga. Nikhaweene ndeeni, avamalayikha fungati vakhandi vileeta amalava fungati aga wudugo. Amalava ago gakhandi gikwisa inkhalasi ya Nguluvi.

Wugubutulo 16:13

Baheene nagaaga amalungu gatatu gina gahwaneene ngaja nyuula. Limo lyahuma mu mulomo gwa liyokha, ilinji lyahuma mu mulomo gwa likhanu ilikhome, na ilinji lyahuma mu mulomo gwa mukuwamalago yula umudehi.

Wugubutulo 17:12

Amapembe gala ishumi gina wagaaga, gipyanisa avatwa vina vashaanali vasinayanse kitema. Leelo vakhapeelwa uwutawulilwa uwa kitema kwa luhaavi lwa lisala limo, lumo ni likhanu lila.

Wugubutulo 17:16

Amapembe gala ishumi gina wagaaga ni likhanu lila, fikhamukhalalila umushemi yula. Vasitoole ifiinu fyona fina anafyo na kimulekha bwinda, vasimulye inyama yaakwe na vasiganyaanye amasigaso.

Wugubutulo 17:7

Leelo umalayikha yula wánijovela wáaja, “Usikhaswigaga! One nisikujovele aga wufiho wa washimaayi uyo ni likhanu ilyo, lina limubaabile yuna ana matwe fungati na mapembe ishumi.

Wugubutulo 19:12

Ameeho gaakwe gakhandi ngaja muli sa mooto, khanji akhandi afwele injoola nyinshi isa shitwa ku mutwe gwakwe. Akhandi ayandiikhwe ilitaawa lina akwasiina yuna alimeenye, leelo yumwene duguli.

Wugubutulo 20:2

Wálikhata iliyokha lila ilya pawukuulu, lina litambulwa Ibiliisi awu Shetaani, wálipinya kwa munyololo umukhome na kilitaaga mu lilindi ilikhome ilya malungu. Wádinda umulyango, wáviikha ishimanyilo sha mupulya, kiija asilaave avajanje khanji avaanu va nyi soona. Lidindilwe kwa luhaavi lwa maakha magana lishumi (1,000). Pina lwasila uluhaavi ulo, mbakha lidindulilwe kwa luhaavi lufupi hela.