Wugubutulo 11:3 - IShiyanso nu Lufingo uLupya

³ Na yuune, nisivapeele uwutawulilwa avalunjikhaaji vangu vavili. Baheene vasiikuwe amalago nsiku magana ishumi na magana gavili na mashumi mutanda (1,260), pina vafwele amenda ga magunila kiwonensa amangʼuulo.”

Wugubutulo 11:3 Iomraidhean Croise

Shiyanso 37:34

Pala uYaakobo wádeemula amenda gaakwe, baheene wáfwala amagunila, wákhoola na kiyaalama kwa nsiku nyinshi kwa kiiva ya mfwa ya Yusufu.

Mataayo 11:21

“Aka! Omwe vaanu va lijumbi lya Kolasiini, noomwe muna muli va lijumbi lya Betisayida! Kiiva, amabikha gina nagasengaga kunyeenyu, gaali gave gasenjeeshe mu lijumbi lya Tiilo ni Sidoni, avaanu va mu majumbi ago vaali viwonensa kilambiisila kwa kifwala amagunila na kiyipakha amafuliikho.

Mataayo 18:16

Leelo nda asakupulikha, lutaga umutoole umuunu uyunji yumo awu vaanu vavili, kiija mufwataje aMayandikhwa aManofu gina giijova kiija, ‘Vaveesaje vakwali avalunjikhaaji vavili awu vatatu ava kilunjikha shila shiinu.’

Luuka 10:13

“Aka! Omwe vaanu va lijumbi lya Kolasiini, noomwe muna muli va lijumbi lya Betisayida! Kiiva, amabikha gina nagasengaga kunyeenyu, gaali gave gasenjeeshe mu lijumbi lya Tiilo ni Sidoni, avaanu va mu majumbi ago vaali viwonensa kilambiisila kwa kifwala amagunila na kiyipakha amafuliikho.

Luuka 24:48

Aga gina gasenjekha omwe muli valunjikhaaji, muvabedelaje avanji.

Yohana 15:27

Khanji na yuumwe musibedele imola sangu, kwa kiiva mukhandi lumo noone kihuma pashiyanso.”

Yohana 3:27

UYohana wávagomosesa wáaja, “Umuunu asikwiliile kipata shiinu shoshoona, nda uNguluvi asimupeelile.

Nsengo sa Vanandeje 1:8

Leelo mukhayanushila ingufu pina uNumbula uMunofu akhavayinsila, omwe mukhanibedela mu Yelusalemu, mu nyi yoona iya Yudeya na mu nyi ya Samaliya, mbakha kifikha kuwudugo wa nyi.”

Nsengo sa Vanandeje 13:31

UYeesu akhandi ikivatwiwushila nsiku nyinshi kwa vaanu vina valutaga lumo na woope kihuma ku nyi ya Galilaya, kiluta ku Yelusalemu. Awo vaveene valunjikhaaji vaakwe mu vaanu veesu aVaisilaheli.

Nsengo sa Vanandeje 2:32

“Uyu uYeesu, uNguluvi wámufyusa kihuma kwa vina vafwile. Ose woona tili valunjikhaaji va liswi ili.

Nsengo sa Vanandeje 3:15

Uyu yumwene shisansa sha wuumi, omwe mwamubudaga. Leelo uNguluvi wámufyusaaga kihuma kwa vina vafwile. Ose tili valunjikhaaji va kifyukha kwa mwene.

1 Vakolinto 12:28

Mu shipuga sha vahuvililaaji, uNguluvi wávaviikhaga ava wutasi avanandeje, ava wuvili ava kikhoma iliswi kihuma kwa Nguluvi, ava wutatu avamanyisaaji. Kuunyuma wáviikha ishipeelwa isha kiponia avatamu, ishipeelwa isha kivatanga avanji, ishipeelwa isha kilongosa, ni shipeelwa isha kilogola kwa filogolo ifipya.

2 Vakolinto 13:1

Ulushuulo ulu lwiva lwa wutatu one kiyinsa kunyeenyu. AMayandikhwa aManofu giijova, “Vaveesaje vakwali avalunjikhaaji vavili awu vatatu ava kilunjikha shila shiinu.”

Vaefeso 4:11

UKilisito wávayimililaga avaanu kwa fipeelwa paayo paayo. Avanji wávabagulaga vave vanandeje, avanji vave vakuwamalago, avanji vave vakhomaaji va Mola iNofu, avanji woope vave vadimaaji, khanji vamanyisaaji.

Wugubutulo 1:5

khanji kihuma kwa Yeesu Kilisito. Umwene mulunjikhaaji wa kihuviililwa, yuna muyimililaaji wa vina vafwile, khanji muyimililaaji wa vatwa woona ava mu nyi. UYeesu Kilisito yumwene atuganile, khanji atuwusiise mu wunansi weesu, kishilila idanda yaakwe pina wáfwisaga pa musalaaba.

Wugubutulo 11:2

Leelo usikhalujelaga ulukeeke lwa nanda yangu, kwa kiiva uluvala ulo, valesheelwe avaanu vina vasili Vayahuudi. Woope vasilikhanye ilijumbi ilibaagule kwa luhaavi lwa meesi mashumi gana na gavili.

Wugubutulo 11:6

Avalunjikhaaji vavili awo, vana wutawulilwa uwa kisivila inoonya kiija, yisikhatoonyaga uluhaavi luna viikuwa amalago. Uluhaavi loloona luna visakula, vakwiliile kiseetula amalenga gave danda na kileeta ililava lyolyona mu nyi muno.

Wugubutulo 12:6

Uwashimaayi yula wásijila ku mbanda, kuna uNguluvi akhandi amunosesiise uluvala ulunofu ulwa kimusunga kwa luhaavi lwa nsiku magana ishumi limo na magana gavili na mashumi mutanda (1,260).

Wugubutulo 13:5

Ilikhanu ilyo lyatawulilwa kilogola amaswi ga kiyisufya na kimutofola uNguluvi. Lyapeelwa uwutawulilwa uwa kitema kwa meesi mashumi gana na gavili.

Wugubutulo 19:10

Baaho nayigwisa pansi, nagubama pa magulu gaakwe nimufuunye. Leelo wánijovela wáaja, “Lekha! One na yuune nili muvanda muyaago, lumo na vahuvililaaji vayaago woona vina viihumya uwubedelo wa Yeesu. Mufuunyaji uNguluvi, kiiva woona vina viihumya uwulunjikhaaji ulwa Yeesu, vilogola injowo sa wukuwamalago.”

Wugubutulo 20:4

Baheene nafyaga ifitengo ifya Wutwa fikhaliilwe na vaanu vina vakhandi vapeliilwe uwutawulilwa uwa kihiga na kitema. Awo vakhandi vaanu vina vadumulwagwa amatwe kwa kihumya uwubedelo uwa Yeesu na kiyalaalisa iLiswi lya Nguluvi. Vasikhalifuunyile ilikhanu ilikhome lila wala isanaamu yaakwe. Vasikhayanushiile ishimanyilo sha likhanu ilikhome ilyo pa weeni waanave wala mu mawokho gaanave. Avaanu ava vafyukhaga, vaatema lumo nu Kilisito kwa maakha magana lishumi (1,000).