Vafilipi 4:8 - IShiyanso nu Lufingo uLupya

⁸ Kuwudugo, vahuvililaaji vayangu, nikivajovela kiija muyinatilaje goona aga shiyooli, amaswi gina gisakulwa kitiilwa, gasihansinkheene nu wunansi, amaswi gina gishendeefya, khanji amaswi gina manofu. Amaswi aga gisakulwa kisufisiwa, gahiivaji amaswi ago.

Vafilipi 4:8 Iomraidhean Croise

Shiyanso 18:19

Namuhagulaga uAbulahamu kiija avamanyise avanaakwe ni shisafi shaakwe kiija vaniyinatilaje. Vagahaje amanofu na kiiva vagolofu, baheene na yuune nisigasenje gina nikhandi nifinjile.”

Mataayo 22:16

Ndeeno vavafilikha kwa Yeesu avamanyisiwa vaanave lumo na vanandeje va mutwa uHelode, vaaluta, vamuposa vaajova, “Wee Mumanyisaaji, timeenye kiija owe uli muunu wa shiyooli, khanji wimanyisa insila ya Nguluvi mu shiyooli. Usikimutiila muunu, hata umuunu yuna ana nsengo nkhome.

Maluko 6:20

kiiva uHelode akhandi ikimudiima uYohana. Wámutiilaga uYohana kiiva uYohana akhandi mugolofu, akhandi munya numbula nofu. UHelode wálunduveele mandu pina akhandi ikimupuliisa uYohana, leelo akhandi apidobokha amupulisaaje.

Luuka 16:15

UYeesu wávajovela wáaja, “Omwe, mukiyiwona vagolofu pa meeho ga vaanu. Leelo uNguluvi iimanya gina gali mu numbula seenyu. Kwa kiiva minshi gina avaanu vikigatuna, uNguluvi ikigakhalalila!

Luuka 2:25

Uluhaavi ulo ku Yelusalemu, akhandi akwali umuunu yumonga yuna itambulwagwa Simiyoni. Umuunu uyo akhandi mugolofu, ikimufuunya uNguluvi luhaavi loona na kiyihuviilila kiyinsa kwa Kilisito, yuna akhavakulusa aVaisilaheli. Khanji akhandi ilongosewa nu Numbula uMunofu.

Luuka 23:50

Wáali akwali umuunu yumonga, ilitaawa lyakwe yu Yusufu, yuna wáhumile mu lijumbi lya Alimataaya, ku nyi ya Yudeya. UYusufu akhandi yumo mu vakhome va livansa lya Vayahuudi. Leelo asikhapulinkheene na vayine kwa mola iya kimubuda uYeesu, kwa kiiva akhandi mugolofu pa Nguluvi. Khanji, akhandi iheepaga kiyinsa kwa Wutwa wa Nguluvi.

Yohana 7:18

Umuunu yoyoona yuna ilogola kwa wutawulilwa waakwe, ikiyisakulila uwutupikho waakwe yumwene. Leelo umuunu yuna isakula kimutupikha umuunu yuna amufiliishe, ilogola ga shiyooli, asiideha.”

Nsengo sa Vanandeje 10:22

Vamugomosesa vaaja, “Umuyimililaaji yumonga wa vasulukhali wátufilikha, ilitaawa lyakwe yu Kolineliyo, mugolofu, ikimuyinatila uNguluvi, khanji aVayahuudi woona vikimusufya. Lino umalayikha wa Nguluvi wámujovela kiija, akusaajise kunyaakwe, apuliise amaswi gina usimujovele.”

Nsengo sa Vanandeje 22:12

“Apo pakhandi nu muunu yumonga, ilitaawa lyakwe yu Ananiya. Uyo akhandi ikiyihumya mandu kiyinatila indaji seesu, aVayahuudi woona ava ukho vakhandi vikimusufya viija uyo muunu munofu.

Nsengo sa Vanandeje 6:3

Lino omwe vahuvililaaji vayeesu, kihuma mu omwe, muvahaagule avagoosi fungati, vina vilogolwa wunofu, valongoseewe nu Numbula uMunofu nu wumanyi. Awo vaveene tisivaviishe mu nsengo iyi iya kigava ifyakiilya,

Valuumi 13:13

Tive ni njendo inofu ngaja shina yisakulwa kwa vaanu vina viikhala mu wuvalafu. Khanji, tisikhaveesaga vaanu va kigaha ishiwungo sha wupafu uwuvi nu wugaasi. Tisikhagahaga uwushemi wowoona, wala kigaha injowo isa nsoni, wala kiiva vanya libaatu awu kiiva vanya shooyo.

Valuumi 13:3

Avayimililaaji vasikimutiisa umuunu yuna iigaha amanofu, leelo yula yuna iigaha amavi. Ndeeno, nda usigeene kitiisiwa nu muyimililaaji, sengaga amanofu, woope asikusufye.

Valuumi 14:18

Woope yuna ikimusenjela uKilisito shina ndeeno, ikimushendeefya uNguluvi, khanji ifwaya pa vaanu.

Valuumi 2:29

Ndaali! UMuyahuudi wa shiyooli yumwene yuna ikimutiila uNguluvi mu numbula yaakwe. Khanji kiyinjisiwa ijando kwa shiyooli, kigahwa nu Numbula uMunofu mu numbula, kusili kwa kisiyinatila indaji sa Musa. Umuunu ngaja uyo, asiposheela ulusufyo kihuma kwa vaanu, ila akhasufisiwa nu Nguluvi yumwene.

1 Vakolinto 4:5

Lino, musikhavahigaji avaanu pina lusinaafishe uluhaavi lwakwe, leelo heepi mbakha ilijuva lina uMutwa uYeesu akhatina. Umwene asimulishe ifiinu fyona fina fifihiilwe ku nshiisi, na kiwonensa gina gali mu numbula sa vaanu. Baheene uNguluvi asivasufye woona vina visakulwa kisufisiwa.

2 Vakolinto 13:7

Lino tikivafuunyila kwa Nguluvi kiija, musikhagahaji uwunansi. Lusili kiija tisakula tiwoneshe tifwaya, leelo ose tisakula mugahe amanofu, hata yive tiwonekha ngaja tagombola.

2 Vakolinto 6:8

Ose tiyihumiise, yive avaanu vatutupishe awu vatusale, yive vatujove finofu awu vatujove fivi. Vikitwaga tili vadehi, humbe tiijova ga shiyooli,

2 Vakolinto 8:18

UTito uyo, tikimufilikha nu muhuvililaaji muyeesu uyunji yuna ifipuga fyona ifya vahuvililaaji va Yeesu, vikimusufya kwa nsengo iya kiyalaalisa iMola iNofu.

2 Vakolinto 8:21

Ulugulumilo lwesu, tisakula kigaha wunofu pa Mutwa uYeesu na pa vaanu.

Vagalatiya 5:22

Leelo nda tilongosewa nu Numbula uMunofu, tisiive ni likhomo ilya Numbula uMunofu. Ilikhomo ilyo lilyene, ulugano, uwushendeefu, uwulindamafu, kiyijimfilisa, uwugolofu, ulusungu, uwuyaminifu,

Vaefeso 4:25

Ndeeno muleshe kilogola uwudehi. Shila muunu isakulwa ave ikimujovela umuyine injowo isa shiyooli, kiiva woona tili lumo mwa Kilisito ngaja filungo fya muvili gumo.

Vaefeso 5:9

Nilogola ndeeno, kwa kiiva avaanu vina vali mu wuvalafu, viigaha amanofu, amagolofu na ga shiyooli, uluhaavi loona.

Vaefeso 6:14

Ino, yipinyaji kwa wulugu uwo. Ishiyooli shive ngaja lukhova mu figudi fyenyu, ni njendo seenyu sina ngolofu pa Nguluvi, sive ngaja ngula ya kisivila pa shifuva.

Vafilipi 3:1

Lino, vahuvililaaji vayangu, mushendeevaje kwa kiiva muli vaanu va Mutwa uYeesu! Nisikhatala kivayandishila khanji amaswi gagala gina natalaga kivayandishila, kwa kiiva gikivadiima muve mu shiyooli.

Vakolosaayi 4:5

Muveesaje nu wumanyi pina muhanjile na vaanu vina vasili vahuvililaaji va Yeesu, musenjelaje wunofu uluhaavi loona luna munalo.

1 Vatesalonike 4:12

Apo baheene musiive mwiwonensa injendo seenyu inofu, kwa vaanu vina vasili vahuvililaaji va Yeesu Kilisito, khanji musiiva vanya kihuviilila ifiinu fya vaanu avanji.

1 Timoteo 2:2

Yisakulwa kivafuunyila avatwa na vanji woona avanya wutawulilwa, baheene tikhale kwa wulindamafu, pina tikimufuunya uNguluvi na kiiva ni njendo inofu.

1 Timoteo 3:11

Khanji avashimaayi vaanave vave vanya njendo nofu, vina vasili vahomegania, vina vikiyiyangalila, vayinatifu mu goona.

1 Timoteo 3:4

Aveesaje muunu munya kiyangalila wunofu inanda yaakwe, yuna ameenye kimanyisa avaana injendo inofu, khanji vave vikimutiila.

1 Timoteo 4:12

Usikhamuyitikhaga umuunu yoyoona akusale kwa kiiva owe uli mujeleelo. Leelo ujimbaje uve shihwano kwa vahuvililaaji, mu lulogolo, mu njendo saakho, mu lugano, mu lihuuvi na mu wugolofu waakho.

1 Timoteo 5:10

Aveesaje ni njendo inofu, isunga avanaakwe wunofu, musajisaaji wa vahensa na vahuvililaaji va Yeesu, avatanjile vina vilafisiwa, khanji asenjile insengo soona inofu.

1 Timoteo 5:2

Avadalaavaha uvapavilaje ngaja vamaayi vaakho, na vahinja uvapavilaje ngaja vawulumbu vaakho mu wugolofu.

Tito 1:8

Leelo isakulwa kiiva munya lusaajisa, yuna idobokha kigaha gina manofu, munya kiyisunga, mugolofu, mubaagule, munya nkhanga.

Tito 2:14

Uyo wáhumyaga uwuumi waakwe kwa kiiva yeesu, baheene atukuluse mu wunansi woona, na kituvalasa tive vaanu vaakwe va shiyooli, vina vijimba kisenga amanofu.

Tito 2:2

Lulwene niijova, avagosiivaha vayiyangalilaje, khanji vave vikiyisunga, vave ni njendo nofu, vave vikigahuviilila aga shiyooli, vave vanya lugano nu lugugumilo.

Tito 2:7

Na yuuwe, uve shihwano mu nsengo soona inofu, uwonense ishiyooli nu wuyinatilo mu mamanyiso gaakho.

Tito 3:14

Avaanu veesu woona vina vikimuhuviilila uNguluvi ava ku Kileete, vayimanyise kivatanjilisa avaanu ifiinu fina fisakulwa insiku soona, ku vaanu vina vali mu malava na vina vagayile ifiinu ifya kivasunga.

Vahebulaniya 11:2

Kwa kiiva ya lihuuvi lyanave, uNguluvi wávasufyaga avambuyeesu.

Vahebulaniya 13:18

Yitenekhaji kitufuunyila. Tina shiyooli kiija, inumbula seesu sisikituhiga lyolyona kwa kiiva, tijimba kisenga gina ga wugolofu kwa vaanu woona.

Yaakobo 1:27

Idiini inofu yina uNguluvi uDaada isakula, umuunu aveesaje ikivatanga avaana avapiina na vashimaayi avafwile mu malava gaanave. Khanji ayivavalaje ni njendo imbi isa vaanu vina vasikimuhuviilila uNguluvi, kiija vasikhamuyasaaga.

Yaakobo 3:17

Leelo, avaanu vina viiva nu wumanyi wuna wiihuma kushaanya kwa Nguluvi, awo vaveene vagolofu. Vidobokha kiiva nu wulindamafu na vaanu avanji, vahuugu khanji vikiyiyiisa. Awo vaveene vanya lusungu mandu, khanji vina viigaha insengo nofu. Vasisenga aga kivabaniilila avaanu vamonga, khanji vangaya wumyansi.

1 Petulo 1:22

Lino, kwa kiiva mwikhala kwa kiyinatila amamanyiso ga shiyooli aga Yeesu Kilisito, inumbula seenyu sivalasiiwe, baheene mukwiliile kivagana shiyooli avahuvililaaji vayeenyu. Lino mugananaje kwa numbula yoona,

1 Petulo 2:12

Muveesaje ni njendo inofu pa vaanu vina vasikimuhuviilila uNguluvi. Baheene nda vikivalogola wudehi kiija, mwisenga uwunansi, vasaagaje insengo seenyu inofu. Baheene vasimusufye uNguluvi kwa kiiva yeenyu, mu lijuva lina akhayinsa kivahiga.

1 Petulo 4:8

Mu goona, mugananaje kwa numbula yoona, kwa kiiva nda umugane umuunu ndeeno, usiive uyipinyile kimusaajila hata nda akunanjiile uwunansi mala nyinshi mandu.

2 Petulo 3:1

Vagani vangu, ibalula iyi ya wuvili nikivayandishila. Mu balula soona sivili isi sina natalaga kivayandishila, nikhandi nikivakhangasa kwa kivakumbusa amaswi gina mugameenye, kiija muhiive wunofu.

1 Yohana 3:18

Vanangu, tisikhalogolaga kwa mulomo hela kiija tivageene avayeesu, leelo tivaganaje shiyooli kwa nsila ya kivatanjilisa.

1 Yohana 3:3

Umuunu yoyoona yuna ikiyihuviilila ndeeno, kiija akhahwanana nu Kilisito, ayivalasaaje baheene ave mugolofu, ngaja uKilisito shina ashwali.

1 Yohana 4:1

Vagani vangu, musikhamuhuvililaji umuunu yoyoona yuna iijova ana Numbula uMunofu, kwa kiiva vakwali avakuwamalago avadehi vinshi mu nyi. Leelo mumujelaje wunofu kiija, umuunu uyu ilongosewa nu Numbula wa Nguluvi awu wuli.