Vafilipi 4:5 - IShiyanso nu Lufingo uLupya

⁵ Uwuhuugu weenyu wumanyikhaje kwa vaanu woona. UMutwa uYeesu ali nkholeela.

Vafilipi 4:5 Iomraidhean Croise

Mataayo 6:25

“Shiyooli one nikivajovela kiija, musikhalavilaji uwuumi weenyu, kiija musiilye shishi awu musifwale shishi! Wuli, uwuumi wusili wuweene wuna wiitunwa kishila ishakiilya? Goope umuvili shiisho ndeeno, gwitunwa kishila amenda!

Mataayo 6:34

“Ndeeno musikhahiivaji kwa kiiva ya pamulaawu, kwa kiiva aga pamulaawu gakhayilavila geene. Shila lijuva lina maswi gaakwe amakhamu.

Luuka 21:34

“Muveesaje meeho! Musikhamenwagwa nu wupafu, uwugaasi na malava ga mu nyi iyi, baheene ilijuva ilyo ilya wudugo lisilaave liyinse kwa kivatinuhisa.

1 Vakolinto 16:22

Umuunu yoyoona yuna asimugeene uMutwa uYeesu, ayiijilwe. Malanata! Uluganulo lwakwe, Mutwa weesu Yeesu uyinse!

1 Vakolinto 6:7

Kisitaakhana ukho kuwonensa kiija, mwagombola khabisa. Aasi, yisili shiba kimulekha umuunu akugahile fivi awu akuposhe ifiinu fimonga?

1 Vakolinto 8:13

Lino, nda ishakiilya shina niilya, shikimupinsa umuhuvililaaji muyangu kigaha uwunansi, apo nisikhalya hata lijuva limo ishakiilya isho, kiija nisilaave nimupinse umuyangu agahe uwunansi.

1 Vakolinto 9:25

Vina vimenana mu muneeno, vikiyiyandaala na kiyiyangalila amavili gaanave kwa kimenana. Viigaha ago, baheene vaposheele ulutono lwa luhaavi lufupi hela. Leelo ose tiigaha ndeeno, baheene tiyanushile ulutono luna lusinanjikha hata lijuva limo.

2 Vakolinto 10:1

Lino, one Pawulo yuna niwonekha nili muhuugu pina nili lumo noomwe, leelo niwonekha nili mukhali pina nili kutali noomwe, nikivalomba kwa kiyiyiisa mandu na kwa wuhuugu wa Kilisito.

2 Vatesalonike 2:2

musikhatungumalaji na kiiva nu muninu kiija ilisiku ilya kiyinsa uMutwa uYeesu lyafikha. Pamonga mungava mupuliishe ilyo mu mola simonga isa wukuwamalago, awu isa kikhoma, awu isa balula yina yihiiwa kiija yihumile kunyeesu.

Tito 3:2

Uvajovaje vasikhamuligaga umuunu yoyoona, vasikhaveesaga na mabaatu, vakhalaje wunofu na kipulinkhana, vave vahuugu ku vaanu woona vina vikivalafya.

Vahebulaniya 10:25

Tisikhalekhaga ingʼoma yeesu iya kitangaana lumo, ngaja shina avaanu avanji vasitangaana. Leelo tiyitenekhaje kikhangasania inumbula yuuse kwa yuuse, kwa kiiva timeenye kiija, ilisiku lya kitina uMutwa, lili nkholeela.

Vahebulaniya 10:37

Ngaja shina yiyandiikhwe mu Mayandikhwa aManofu kiija, “Lusigeele luhaavi lufupi mandu, uyo yuna timuhuviliile kiyinsa, asiyinse, khanji asidiila.

1 Petulo 1:11

UNumbula wa Kilisito akhandi mukhati yaanave, wákuwaagwa amalago kiija, uKilisito akhalava, pina wáalava akhava nu wutupikho. Avakuwamalago awo vasakulaga mandu kiija, vamanye imola isi sikhava yooli na sikhamwaga wuli.

1 Petulo 4:7

Uwudugo wa njowo soona wuhejeelile, lino muveesaje mukiyivavala na kiiva meeho mu goona gina mwisenga, baheene mukwiliile kifuunya.

Wugubutulo 22:20

UMutwa uYeesu iihumya uwubedelo uwa njowo isi iijova, “Shiyooli niyinsa lilino ndeeni.” Na yuune Yohana niijova, “Amina, yinsa Mutwa Yeesu!”

Wugubutulo 22:7

UYeesu iijova, “Puliisa! Niyinsa lilino ndeeni. Ayimiliilwe yuna iyinatila amaswi ga wukuwamalago uwa litaafili ili.”