Vafilipi 4:3 - IShiyanso nu Lufingo uLupya

³ Hata yuuwe muvanda muyangu wa shiyooli, nikikulomba uvatanje avashimaayi vavili awo, vave nu lugulumilo lumo, kwa kiiva woona vavili awo, vajimbaga mandu kiyalaalisa iMola iNofu lumo noone nu Kilementi na vavanda vayangu avanji. Amataawa ga vaanu awo woona, gayandiikhwe mu Litaafili ilya Wuumi.

Vafilipi 4:3 Iomraidhean Croise

Luuka 10:20

Leelo, hata nda mushendeeva kwa kiiva amalungu gikivatiila, musikhashendeevaji kwa ilyo lyene. Shendeevaji kwa kiiva uNguluvi agayandiishe amataawa geenyu kushaanya muve vaanu vaakwe.”

Valuumi 12:1

Lino vahuvililaaji vayangu, kwa kiiva uNguluvi ikitusungupila, ndeeno nikivalomba mandu kwa numbula yangu yoona kiija, muyihumye muve ngaja shadanda isha nkhanu inyuumi, shina shivalasiiwe, shina shikimushendeefya uNguluvi. Kigaha ndeeno kukwene nsila ya shiyooli iya kimufuunya uNguluvi.

Valuumi 16:12

Muhunjilaji uTilifeena nu Tilifoosa. Avashimaayi awo vijimba mandu kisenga insengo ya Mutwa uYeesu. Khanji, muhunjilaji umugani wangu uPelisisi. Uyu woope washimaayi yuna wásengaga insengo ya Mutwa uYeesu kwa wujimfu.

Valuumi 16:9

Muhunjilaji Ulibano, umuvanda muyeesu mu nsengo ya Kilisito, nayu mugani wangu uSitakisi.

Vafilipi 1:12

Lino omwe vahuvililaaji vayangu, nisakula mumanye kiija, goona gina gasenjekha kunyangu, gatanjiliise mandu kiyalaalisa iMola iNofu.

Vafilipi 1:16

Ava vikimukhoma uKilisito kwa lugano, vameenye wunofu kiija, uNguluvi aniviishile mu shifungo kiija, nive mulunjikhaaji wa Mola iNofu.

Vafilipi 1:27

Leelo hata nda nisikhayinsa, injendo seenyu silingaanaje ni Mola iNofu iya Kilisito. Ndeeno, nda niyinse kivaloleela, awu nda nisigale na kipulikha imola yeenyu kwa kutali, nisiive nimeenye kiija, mushaanali mukiyikhangasa kwa numbula yimo, mukililavila lumo ni lihuuvi lina lili mu Mola iNofu.

Vafilipi 1:5

kwa kiiva omwe mwihanga noone kisenga insengo iya kikhoma iMola iNofu, kihuma ilisiku lina mwayihuvililaga mbakha iminsiyaano.

Vafilipi 1:7

Nisakulwa one kihiiva ndeeno ulwa omwe woona, kwa kiiva nivageene mandu omwe. Omwe woona muhanjile mu mota ya Nguluvi iya kisenga insengo yaakwe, pina nili mu shifungo awu pina nikiyisaajila na kiyijinia iMola iNofu.

Vafilipi 4:2

Nikivalomba mandu uEwodiya nu Sinitike muve nu lugulumilo lumo, kwa kiiva woona vavili muli vahuvililaaji muhanjile mwa Mutwa uYeesu.

Vakolosaayi 1:7

Mwayimanyisaaga iMola iNofu iyo kihuma kwa Epafula, uyo mugani, muvanda muyeesu, khanji yuna isenga insengo ya Kilisito kwa wuyinatifu, kwa kiiva yeenyu.

Wugubutulo 13:8

Avaanu va nyi soona vakhamusungamila, leelo, avaanu vina amataawa gaanave gayandiikhwe mu Litaafili lya Wuumi, kihuma inyi yisinawumbwe, awo vasikhamusungamila. Ilitaafili ili, litaafili lya Mwana Nkholo yuna wáshinjwagwa.

Wugubutulo 17:8

Ilikhanu ilyo lina walyagaga likhandi lyumi, lino ndeeni lifwile. Lino lili nkholeela kihuma mu lilindi ilikhome ilya malungu, leelo uNguluvi akhalibuda. Avaanu woona ava mu nyi, vina amataawa gaanave gasikhayandiikhwe mu Litaafili ilya Wuumi kihuma inyi yisinawumbwe, vakhaswiga. Vakhaswiga pina vakhalyaga ilikhanu ilyo lina pashiyanso likhandi lyumi, khanji lyafwa, lino ndeeni, lyatina!

Wugubutulo 20:12

Ibahali yavahumyaga kunja vina vakhandi vafwiliile umo. IMfwa nu Wusimu fyope fyavahumya kunja vina vakhandi vafwile. Nikhavaajile avakhome na vanangʼana, vayiimile pa shitengo isha Wutwa. Baaho amataafili gagubutulwa, khanji ilitaafili ilinji ilya wuumi lyope lyagubutulwa. Baheene uNguluvi wávahiga kilingana ni njendo saanave, ngaja shina yiyandiikhwe mu mataafili ago.

Wugubutulo 20:15

Umuunu yoyoona yuna ilitaawa lyakwe lisikhayandiikhwe mu Litaafili lya Wuumi, wátagwagwa mu lilamba ilikhome lina liveekha umooto.

Wugubutulo 21:27

Leelo kusiina khabisa shoshoona ishishaafu shina shikhayinjila mu lijumbi umo, wala umuunu yoyoona yuna iigaha aga kikhalasa wala aga wudehi. Leelo avaanu vina vakhayinjila mu lijumbi umo, vala vina amataawa gaanave gayandiikhwe mu Litaafili ilya Wuumi ilya Mwana Nkholo.

Wugubutulo 3:5

Umuunu yuna akhamena, akhafwala amenda amavalafu ngaja aveene. Na yuune nisikhaliwuusa kaa, ilitaawa lyakwe mu Litaafili ilya Wuumi, leelo nikhaliyiitikha pa Daada wangu na pa vamalayikha vaakwe.