Vafilipi 4:22 - IShiyanso nu Lufingo uLupya

²² Khanji avahuvililaaji woona vina viikhala mu lijumbi ili vikivahunjila, mandu vina viikhala mu nanda ya Kayisaali, umutwa wa Valuumi.

Vafilipi 4:22 Iomraidhean Croise

Mataayo 5:47

Khanji, nda muvahunjile avalukholo lwenyu hela, wuli, musiive mwasenga shishi isha kishila? Hata vina vasili Vayahuudi woope viigaha shiisho ndeeno!

Nsengo sa Vanandeje 20:38

Iliswi lina lyavagahaga vasugumilwe mandu, lila lina wávajovile kiija, vasikhamwaga khanji kaa. Baheene vamusindishila, vamufisa pa shipugo ishikhome.

Nsengo sa Vanandeje 9:13

UAnaniya wámugomosesa wáaja, “Wee Mutwa, loleela avaanu vinshi vanijoveele uSawuli uyo shina wávagahilaga uwuvi avabaagule vaakho ava ku Yelusalemu!

Valuumi 16:16

Hunjilanaji kwa lugano lwa Yeesu Kilisito. Avahuvililaaji woona ava fipuga fya Kilisito, vina vali kuno vikivahunjila.

2 Vakolinto 13:13

Avahuvililaaji woona vina vali kuno, vikivahunjila.

Vafilipi 1:13

Avasulukhali woona ava pa mbalino ya mutwa panu, lumo na vanji woona, vameenye kiija, nidindiilwe kwa kiiva ya kisenga insengo sa Kilisito.

Vahebulaniya 13:24

Muvahunjilaje avayimililaaji woona na vahuvililaaji woona vina munawo ukho. Avahuvililaaji kihuma mu nyi ya Italiya, vikivahunjila.

1 Petulo 5:13

Ishipuga sha vahuvililaaji veenyu avagani, ava mu lijumbi lya Babeeli muno, vina vahagwilwe nu Nguluvi, vikivahunjila. Woope umuswamu wangu mu lihuuvi, yuna itambulwa Maluko ikivahunjila.

3 Yohana 1:14

Leelo, nihuviilila kiyinsa kunyaakho lilino ndeeni, kiija titangaane na kilogola lumo.