Vafilipi 4:19 - IShiyanso nu Lufingo uLupya

¹⁹ Lino, uNguluvi wangu, asivapeele goona gina mushepushiilwe, kilingana nu wusi waakwe uwukhome. Asiigahe ndeeno kwa nsila ya Kilisito Yeesu.

Vafilipi 4:19 Iomraidhean Croise

Shiyanso 48:15

Baheene wámuyimiilila uYusufu wáajova, “UNguluvi wa vambuyeesu uAbulahamu nu Isaaka, uyo yumwene yuna vamutiilaga, uNguluvi uyu yuna mudimaaji wangu nsiku soona,

Mataayo 6:32

Avaanu vina vasili Vayahuudi vikigalavila mandu ago. Leelo uWiheesu yuna ali kushaanya ameenye kiija mukigasakula.

Yohana 20:17

UYeesu wámujovela wáaja, “Nileshela, usikhanikhatililaga. Nishaanali nisinaalute kushaanya kwa Daada. Lino lutaga uvajovele avalukholo lwangu kiija, niiluta kushaanya kwa Daada wangu, yuna Wiheenyu, kwa Nguluvi wangu yuna Nguluvi weenyu.”

Yohana 20:27

Lino uYeesu wámujova uTomasi wáaja, “Wee Tomasi, yinsa unipyase nu ludole lwakho mu mawokho gangu. Khanji, unipyase ni liwokho lyakho mu luvafu lwangu. Usikhayitenekhaga kilekha kihuviilila, leelo uhuvililaje.”

Valuumi 1:8

Iliswi ilya wutasi mu goona, nikimuhonjesa uNguluvi wangu kishilila kwa Yeesu Kilisito kwa kiiva ya omwe woona, kiiva ilihuuvi lyenyu liikhomwa mu nyi soona.

Valuumi 11:33

Haa! Yu naani yuna akwiliile kimanya shina wushwali uwusi wuna wungaya shijelo, uluhala nu wumanyi wa Nguluvi! Khanji, yu naani yuna akwiliile kimanya uwulamulaaji waakwe awu kitaviilila insila saakwe!

Valuumi 2:4

UNguluvi munofu kwa kiiva ikivasungupila na ikivagugumila mandu. Leelo omwe lino, mwisakula kigasala ago goona! Wuli, musiimanya kiija ikivagahila omwe amanofu, kiija mulambiisile uwunansi weenyu?

Valuumi 8:18

One niiwona amalava geesu ga luhaavi ulu, gasili shiinu kilingana nu wutupikho wuna uNguluvi akhatupeela uluhaavi luna luyinsa.

Valuumi 9:23

Wágahaga ndeeno, kiija avawonense uwutupikho waakwe uwukhome kwa kiiva ya vaanu vina wávayandaalaga kiyanushila ulusungu lwakwe. Wágulumilaga kihuma pawukuulu kiija tipate uwutupikho lumo na woope.

2 Vakolinto 12:21

Khanji nitiila pina nikhayinsa kunyeenyu, uNguluvi wangu akhanigaha niwone nsoni kunyeenyu. Nikhasugumilwa kiwona avaanu vinshi munyeenyu vina vatalaga kigaha uwunansi, vasinalambiisile. Nikhasugumilwa kiwona vapili mu waafu, uwushemi, nu wupafu uwuvi wuna vakhandi vanawo.

2 Vakolinto 4:17

Tisiyoolopwa, kwa kiiva amalava geesu mapeefu, khanji ga luhaavi lufupi hela. Amalava ago, gikituyandaalila uwutupikho wa shiluta. Uwutupikho uwo wukhome mandu, wukitugaha kiloleela amalava aga, kiija gasili shiinu.

Vaefeso 1:18

Khanji nilomba avadindule ameeho ga mu numbula, baheene mumanye wunofu shila shina avashemeleele kiija muposheele, baheene muveesaje nu luhuviililo ulwa shiyooli. Ishiinu isho wusi wa wuhaasi uwunya wutupikho wuna wátahisaaga kivapeela avabaagule vaakwe.

Vaefeso 1:7

Kishilila idanda ya Kilisito pina wáfwisaga pa musalaaba, tikulusiiwe, uluganulo lwakwe kiija, tisajiilwe uwunansi weesu. Aga gasenjekhaga kwa kiiva ya wukhome wa mota yaakwe,

Vaefeso 2:7

UNguluvi wágahaga injowo soona iso, baheene uluhaavi luna luyinsa awonense imota yaakwe inkhome mandu kunyeesu. Iwonensa imota iyo kwa lusungu lwakwe, luna ikituwonensa kishilila kwa Kilisito Yeesu.

Vaefeso 3:16

Nilomba kiija, kilingana nu wutupikho waakwe uwukhome, avapeelaje ingufu kishilila uNumbula waakwe, mujine mu numbula seenyu.

Vaefeso 3:8

Hata nda nisikwiliile kiiva ngaja shina vashwali avagolofu woona, uNguluvi wánipeelaga imota. Wánipeelaga insengo iya kikhoma kwa vina vasili Vayahuudi uwusi winshi wuna wungaya shijelo, yina yipatinkhana mwa Yeesu Kilisito.

Vafilipi 4:7

Ndeeno, uwulindamafu kihuma kwa Nguluvi wuna wushilile uwumanyi woona wa vaanu, wusivadiime inumbula nu luhala lwenyu, kwa kiiva muli vaanu va Kilisito Yeesu.

Vakolosaayi 1:27

Awo vaveene vina uNguluvi wádobokhaga kivagubutulila iliswi ilyo ilya wufiho shina lishwali nu wutupikho uwukhome kwa vina vasili Vayahuudi. Iliswi lya wufiho uwo kiija uKilisito ali mu numbula seenyu, khanji umwene ikivapeela uluhuviililo kiija, mukhahanga mu wutupikho wa Nguluvi.

Vakolosaayi 3:16

Iliswi lya Kilisito livateme mandu mu mahiiva geenyu na gina mwigaha mu wiikhasi. Mumanyisaniaje na kipavilana kwa wumanyi woona. Mumuyeyemelelaje uNguluvi kwa numbula seenyu, lumo na kimuhonjesa kwa njeyemo sa Sabuli ni njeyemo isa kimutupikha.

1 Vatesalonike 2:12

baheene mukhale shina uNguluvi idobokha. UNguluvi uyo yumwene yuna ikivashemeela kiyinjila mu Wutwa waakwe uwa wutupikho.

1 Timoteo 6:17

Uvajovaje avanya wusi kiija vasikhayisufyaga na kivasala avayaanave, hata kihuviilila uwusi waanave wa mu nyi iyi, wuna wa luhaavi lufupi hela. Leelo vamuhuvililaje uNguluvi yuna ikitupeela ifiinu fyona kwa lusungu, baheene tifisenjele kwa wushendeefu.

Filimoni 1:4

Wiila pina nikikufuunyila, nikimuhonjesa uNguluvi wangu,

1 Petulo 5:1

Lino nilogola noomwe vayimililaaji va fipuga fya vahuvililaaji. One nili muyimililaaji munyeenyu wa shipuga sha vahuvililaaji, nili mulunjikhaaji wa malava ga Yeesu Kilisito. Khanji nihuviilila kiposheela uwutupikho lumo nawo, uluhaavi luna wukhagubutulwa. Lino nikivalomba mandu omwe kiija,

1 Petulo 5:10

UNguluvi avapeelile imota yoona! Wávashemeelaga omwe, baheene muhanje nawo mu wutupikho waakwe wa shiluta, lumo nu Kilisito. Kwa luhaavi, mwilava, leelo umwene akhavajinia, akhavapeela ingufu, na kivalunjikha.