Vafilipi 4:18 - IShiyanso nu Lufingo uLupya

¹⁸ Lino, ifiinu fila fyona fina mwanilajisisaaga kwa nsila ya Epafulodito, shi nafiyanushilaga. Fyakwilanaga mu goona gina nikhandi nigayile, khanji ifinji fisigeele. Umutango ugo guli ngaja sadaakha inofu yina yiihumya umununsi munofu, yina yiyiitikhwa nu Nguluvi, khanji yikimushendeefya.

Vafilipi 4:18 Iomraidhean Croise

Nsengo sa Vanandeje 10:4

UKolineliyo wámungʼalulila ameeho umalayikha yula kwa kitungumala, wámuposa wáaja, “Wee mutwa, kuli shi?” Umalayikha wámujovela wáaja, “UNguluvi wápulikha amafuunyo gaakho, wákwaga shina ukivatanjilisa avapiina. Ago goona ikigaaga kushaanya ukho ngaja sadaakha ya kimushendeefya.

Valuumi 12:1

Lino vahuvililaaji vayangu, kwa kiiva uNguluvi ikitusungupila, ndeeno nikivalomba mandu kwa numbula yangu yoona kiija, muyihumye muve ngaja shadanda isha nkhanu inyuumi, shina shivalasiiwe, shina shikimushendeefya uNguluvi. Kigaha ndeeno kukwene nsila ya shiyooli iya kimufuunya uNguluvi.

2 Vakolinto 11:8

Uluhaavi luna nikhandi nisenga insengo kunyeenyu, nikhandi niposheela umutango kihuma ku fipuga ifinji ifya vahuvililaaji va Yeesu. Kigaha ndeeno, nikhandi ngaja niipokha ifiinu fyanave, kiija nivatanje omwe.

2 Vakolinto 9:12

Insengo iyi yina mwisenga, yisikivatanga avahuvililaaji veene hela vina vashepushiilwe, leelo yikivagaha avaanu vinshi vamuhonjese mandu uNguluvi.

Vaefeso 5:2

Vaganaji avaanu luhaavi loona, ngaja shina uKilisito atuganile na kiifwa kwa kiiva yeesu. Wáyihumyaga ngaja shadanda sha mununsi munofu guna gukimushendeefya uNguluvi.

Vafilipi 4:12

Niyimanyiise kikhala mu wupiina wa fiinu. Khanji niyimanyiise uwiikhasi uwa kiiva nafyo finshi. Niyimanyiise kikwilana mu goona gina gikinipata, yive kiyikuta awu kiiva ni njala, yive mu finshi, awu kishepushilwa.

2 Vatesalonike 1:3

Vahuvililaaji vayeesu, tisakulwa kimuhonjesa uNguluvi wiila kwa kiiva yeenyu. Yifwaya kigaha ndeeno, kwa kiiva ilihuuvi lyenyu na kiganana kwenyu kwiyonjelela mandu.

Vahebulaniya 13:16

Yitenekhaji kivatanga avayeenyu na kitanjilisania nawo ifiinu fina munafyo, kwa kiiva kigaha ndeeno, yiyeene sadaakha yina yikimushendeefya uNguluvi.

1 Petulo 2:5

Na yuumwe uNguluvi asivasenjele ngaja mangʼanga aga wuumi aga kisenjela inanda ya Nguluvi. Omwe vatambule vabaagule va Nguluvi muna mwihumya isadaakha isa shinumbula sina sikimushendeefya uNguluvi kwa ngufu sa Yeesu Kilisito.