Vafilipi 4:14 - IShiyanso nu Lufingo uLupya

¹⁴ Hata ndeeno, mwagahaga wunofu kwa kiiva mukhandi mukinitanga uluhaavi luna nikhandi mu malava.

Vafilipi 4:14 Iomraidhean Croise

Mataayo 25:21

Umukhome waakwe wámujovela wáaja, ‘Waagaha wunofu mandu, owe uli muvanda munofu khanji uli muyinatifu. Nisikuviishe kiiva muyimililaaji wa wusi winshi kwa kiiva ukhandi muyinatifu kwa fisheefu fina nakupeelaga. Yinsa ku shiwungo shangu.’

Valuumi 15:27

Awo vaveene valamulaga kigaha ndeeno. Shiyooli kiija, visakulwa kivatanga, kwa kiiva avahuvililaaji vina vasili Vayahuudi, vahanjile na Vayahuudi mu mota sina sishilila kwa Vayahuudi. Ndeeno, avahuvililaaji vina vasili Vayahuudi, visakulwa kivatanga aVayahuudi kwa fiinu fyanave.

Vagalatiya 6:6

Umuunu yuna imanyisiwa iLiswi lya Nguluvi, ave ikimugavila umumanyisaaji waakwe amanofu gina agapatile.

Vafilipi 1:7

Nisakulwa one kihiiva ndeeno ulwa omwe woona, kwa kiiva nivageene mandu omwe. Omwe woona muhanjile mu mota ya Nguluvi iya kisenga insengo yaakwe, pina nili mu shifungo awu pina nikiyisaajila na kiyijinia iMola iNofu.

Vafilipi 4:18

Lino, ifiinu fila fyona fina mwanilajisisaaga kwa nsila ya Epafulodito, shi nafiyanushilaga. Fyakwilanaga mu goona gina nikhandi nigayile, khanji ifinji fisigeele. Umutango ugo guli ngaja sadaakha inofu yina yiihumya umununsi munofu, yina yiyiitikhwa nu Nguluvi, khanji yikimushendeefya.

1 Timoteo 6:18

Khanji vajovaga vagahaje amanofu, baheene vave vanya wusi mu nsengo inofu ngaja shina avanji avanya wusi mu fiinu. Vave vahumyaji na kihanga na vanji uwusi waanave.

Vahebulaniya 10:33

Uluhaavi lumonga mukhandi mulafisiwa na kiligwa pa vaanu. Uluhaavi ulunji, mukhandi mukivatuna na kivatanga vala vina vakhandi vikigapata amalava ngaja gaago.

Vahebulaniya 10:34

Mukhandi mukivasungupila avayeenyu vina vafunjiilwe ku shifungo. Khanji uluhaavi vikivapokha uwusi weenyu, mukhagugumiile na kiyitenekha kishendeeva kwa kiiva mwamanyaga kiija, munafyo ifiinu finofu mandu fina fisiisila kaa.

Vahebulaniya 13:16

Yitenekhaji kivatanga avayeenyu na kitanjilisania nawo ifiinu fina munafyo, kwa kiiva kigaha ndeeno, yiyeene sadaakha yina yikimushendeefya uNguluvi.

Wugubutulo 1:9

One Yohana, muhuvililaaji muyeenyu na nili lumo noomwe kimuyinatila uYeesu Kilisito mu malava, mu Wutwa na kigugumila. Nikhandi nidindiilwe pa shigunguli, shina shitambulwa Patimo shina shili paakhati ya bahali, kwa kiiva ya kiyalaalisa iLiswi lya Nguluvi nu wubedelo wa Yeesu Kilisito.