Vafilipi 4:1 - IShiyanso nu Lufingo uLupya

¹ Lino vahuvililaaji vayangu, vagani, khangalaji kimuhuviilila uMutwa uYeesu. Vagani vangu, nina lihaahi ilya kitangaana noomwe. Omwe lushendeewo lwangu, khanji lutono lwangu luna nikhapeelwa kwa nsengo yina nisenjile.

Vafilipi 4:1 Iomraidhean Croise

Mataayo 10:22

Avaanu woona vakhavakhalalila kwa kiiva omwe muli vamanyisiwa vangu. Leelo umuunu yoyoona yuna akhajimba mbakha kuwudugo, uNguluvi akhamukulusa.

Yohana 8:31

Baheene uYeesu wávajovela aVayahuudi vala vina vamuhuviliile wáaja, “Nda mukigayinatila amaswi gangu, shiyooli musiive vamanyisiwa vangu.

Nsengo sa Vanandeje 11:23

Wáganile kifikha ukho, wáawona shina uNguluvi avayimiliile avaanu awo, wáshendeeva mandu. Akhandi ikivakuviilisa woona kiija, vayitenekhaje kimuyinatila uMutwa uYeesu kwa numbula saanave soona.

Nsengo sa Vanandeje 14:22

Kokoona kuna vakhandi viiluta, vakhandi vikivajinia inumbula avahuvililaaji na kivakhangasa vakhalaje mu lihuuvi. Vakhandi vikivajovela kiija, “Kiyinjila mu Wutwa wa Nguluvi, yisakulwa kishilila mu malava minshi.”

Nsengo sa Vanandeje 2:42

Avahuvililaaji awo vakhalaga papaamo kwa numbula yimo mu mamanyiso ga vanandeje, vakhandi viilya iShakiilya sha Mutwa uYeesu lumo na kifuunya kwa Nguluvi.

Valuumi 2:7

Akhavapeela uwuumi wa shiluta avaanu vina vijimba kigaha amanofu, kwa kiiva visakula uwutupikho, ishitiilo nu wuumi wuna wusinanjikha.

1 Vakolinto 15:58

Lino vahuvililaaji vayangu vagani, mujinaje mu lihuuvi ilyo, musikhayitikhaji kijanjilisiwa. Yitenekhaji wiila kisenga insengo ya Mutwa kwa ludali, kwa kiiva mumeenye kiija, insengo yina mwisenga kwa kiiva ya Mutwa, yisili kiija ya bule.

1 Vakolinto 16:13

Muveesaje meeho na muyikhangasaaje kihuviilila iMola iNofu, khanji jimbaji, musikhatiilaji.

Vagalatiya 5:1

UKilisito atupeelile uwuyeeshelo, baheene tikhale mu wuyeeshelo. Lino muyikhangasaaje, musikhayitikhaji kitemwa khanji ni ndaji sa Musa ngaja umunjeganjega umusito.

Vafilipi 1:27

Leelo hata nda nisikhayinsa, injendo seenyu silingaanaje ni Mola iNofu iya Kilisito. Ndeeno, nda niyinse kivaloleela, awu nda nisigale na kipulikha imola yeenyu kwa kutali, nisiive nimeenye kiija, mushaanali mukiyikhangasa kwa numbula yimo, mukililavila lumo ni lihuuvi lina lili mu Mola iNofu.

Vafilipi 1:8

UNguluvi ameenye kiija, nina lihaahi lya kitangaana noomwe kwa lugano lulula ulwa Kilisito Yeesu.

Vafilipi 2:16

Muvakhomaje avaanu iLiswi lya Nguluvi lina likivapeela uwuumi wa shiluta. Gahaji ndeeno, baheene niyihalile ilisiku lina uKilisito akhatina, khanji insengo yina nikhandi nijimba kisenga kunyeenyu, yisikhandi kiija yigaya lutono.

Vafilipi 2:26

Nikimutawula kwa kiiva ana lihaahi likhome ilya kiwonana noomwe woona. Khanji asugumiilwe kwa kiiva mupuliishe kiija, akhandi mutamu.

Vakolosaayi 4:12

UEpafula umuunu wa kunyeenyu, muvanda wa Kilisito Yeesu, ikivahunjila. Wiila ikiyihumya kivafuunyila omwe kiija, mujinaje na muveesaje vakhangafu na kiiva vajimfu kwa goona gina uNguluvi isakula.

1 Vatesalonike 3:13

Khanji avajinie inumbula seenyu, baheene muveesaje vagolofu musipiikhwa pa Nguluvi uWiheesu, pina akhasa kiyinsa uMutwa weesu uYeesu, lumo na vabaagule vaakwe woona.

2 Vatesalonike 2:15

Lino vahuvililaaji vayeesu, mujinaje na kiyinatila amamanyiso gina mwaposheelaga, yive kishilila mu maswi geesu, awu gina tavayandishilaga mu balula.

2 Timoteo 2:1

Lino owe muswamu wangu, uve ni ngufu sina siihuma kwa Kilisito Yeesu kwa kishilila imota yaakwe.

Vahebulaniya 10:23

Jimbaji mandu kiyinatila khabisa uluhuviililo ulwa kiija uNguluvi akhatukulusa, kwa kiiva uNguluvi yuna wátahisaaga, muyinatifu.

Vahebulaniya 3:14

Ose tili lumo nu Kilisito, nda tive tikiyijimfilisa kimuhuviilila uNguluvi ngaja shina tayihuvililaga kihuma pashiyanso, mbakha kuwudugo wa wuumi weesu.

Vahebulaniya 4:14

Ino, tina Mutambule uMukhome uYeesu Kilisito, uLusawo lwa Nguluvi, yuna wálutile kushaanya kwa Nguluvi. Kwa kiiva ya ilyo, tiyinatilaje gina tihuviilila.

2 Petulo 3:17

Lino vagani vangu, mugameenye aga vamanyisaaji awo ava wudehi. Lino, muyivavalaje, musikhajangwaji kwa wusugu wa vanansi awo, musilaave mugwe na kilekha kiyiima mu shiyooli.