Vafilipi 3:8 - IShiyanso nu Lufingo uLupya

⁸ Gasili ago hela, leelo nikigaaga goona kiija gangaya lutono, pina nilingaania nu lutono ulukhome ulwa kimumanya uKilisito Yeesu uMutwa wangu. Nigaleshile aganji goona, kwa kiiva yaakwe. Nikigavasa ago kiija mafi, baheene nive muunu wa Kilisito,

Vafilipi 3:8 Iomraidhean Croise

Luuka 1:43

One nili naani pina nayu maayi wa Mutwa wangu ayinse kunyangu?

Luuka 11:20

Leelo one, nda nikigadaga amalungu kwa ngufu sa Nguluvi, lino uWutwa wa Nguluvi shi waafikha kunyeenyu!

Yohana 14:20

Mu lisiku lila, mukhamanya kiija one nili mukhati ya Daada, na omwe muli mukhati yangu, na one nili mukhati yeenyu.

Yohana 14:7

Nda mwali munimanye, lino yaali yiiva mumumeenye woope uDaada. Kiyansa lino, mumumeenye, khanji mwamwaga.”

Yohana 16:3

Vasivagahile ngaja ndeeno, kwa kiiva vasimumeenye uDaada, khanji vasinimeenye one.

Yohana 17:3

Uwuumi wa shiluta uwo, umuunu ikiwupata kwa nsila ya kimanya kiija, owe Nguluvi uli yuuwe duguli, khanji vanimanye one kiija yuune Yeesu Kilisito, yuna unifiliishe kuveene.

Yohana 17:8

kwa kiiva navajovela goona gina wanijovelaga. Woope vagaposheela, vameenye kiija, shiyooli naahuma kunyaakho, khanji vahuviilila kiija, owe wanifilikhaga.

Yohana 20:13

Avamalayikha vala vamuposa vaajova, “Nyineesu, kwashi wikhoola?” Woope wávagomosesa wáaja, “Avaanu vamonga vaguwuusa umufimba gwa mutwa wangu, khanji nisimeenye kuna vaguviikha!”

Yohana 20:28

UTomasi wámugomosesa wáaja, “Owe yuuwe Mutwa wangu na Nguluvi wangu!”

Nsengo sa Vanandeje 20:24

Leelo hata nda nifwe, nisisaajila uwuumi wangu. Ishiinu ishikhome mandu kunyangu, niyimaliise insengo yina uMutwa uYeesu anipeelile, kiija nivakhome avaanu iMola iNofu iya mota ya Nguluvi.

Valuumi 8:18

One niiwona amalava geesu ga luhaavi ulu, gasili shiinu kilingana nu wutupikho wuna uNguluvi akhatupeela uluhaavi luna luyinsa.

1 Vakolinto 2:2

Pina nikhandi kunyeenyu, nalamulaga kiija nilogole hela kiija uYeesu yu Mukulusaaji yuna uNguluvi wátahisaaga kimufilikha hela, mandu kiifwa kwa mwene pa musalaaba, bila kilogola ishiinu ishinji.

1 Vakolinto 9:10

Awu akhandi ilogola ago kwa kiiva yeesu? Shilushwali! Amayandikhwa ago gakhayandiikhwe kwa kiiva yeesu! Umuunu yuna iilima umugunda, na yuna ikungula mu mugunda gula, woona visakulwa kiyihuviilila kiija, vakhapata iligawo.

2 Vakolinto 4:4

Yisimanyikha kwa kiiva uShetaani umutwa umuvi wa nyi iyi, avagubiishe uluhala lwa vina vasikimuhuviilila uYeesu, baheene vapootwe kiloleela uwuvalafu wa Mola iNofu ya wutupikho wa Kilisito, yuna shihwano sha Nguluvi.

2 Vakolinto 4:6

UNguluvi yuna wájovaga, “Uwuvalafu wumulishe mu nshiisi,” yumwene yuna ikitupeela kimanya mu numbula seesu na kitugaha kimanya uwutupikho waakwe, wuna wingʼaala pa weeni wa Yeesu Kilisito.

Vagalatiya 1:16

Wáawona lunofu kinigubutulila uLusawo lwakwe uYeesu Kilisito shina ashwali, kiija nikhome iMola iNofu yaakwe kwa vaanu vina vasili Vayahuudi. Uluhaavi ulo nisikhasakwile avaanu va kitavililana shina hambi niigaha.

Vaefeso 4:13

Iliswi ilyo, likhalutiilila mbakha ose woona tikhava vavaamo mu lihuuvi lyesu na kimumanya uLusawo lwa Nguluvi. Tikhava vaanu vina vakhajina mu lihuuvi, khanji tikhakwilana ngaja uKilisito yumwene.

Vafilipi 1:1

Ibalula iyi yihumile kunyangu one Pawulo, lumo nu Timoteo. Ose tili vavanda va Kilisito Yeesu. Tikivayandishila omwe vabaagule woona va Kilisito Yeesu, muna muli ku lijumbi lya Filipi, lumo na vayimililaaji na vavanda va shipuga sha vahuvililaaji.

Vafilipi 3:10

Nidobokha kimumanya mandu uKilisito na kihanga nawo mu ngufu sina akhandi anaso pina ifyukha kihuma kwa vina vafwile. Khanji nidobokha kihanga mu malava gaakwe. Khanji nidobokha nifwe ngaja shina wáfwisaga umwene.

Vafilipi 3:12

One nisiijova nigapatile ago, awu kiija nili mugolofu kwa goona. Ndaali! Leelo, nipikiyikhangasa kiija nikhagapata ago. Ago gageene gina uKilisito Yeesu wánishemelelaga nipate.

Vafilipi 3:7

Leelo gala goona gina gakhandi giwonekha kiija ga lutono kunyangu, lino nikigaaga gangaya lutono kunyangu, kwa kiiva ya Kilisito.

2 Timoteo 4:6

Nikikujovela aga, kwa kiiva visakula kinihumya one ngaja mwela ya divaayi, yina viiponya pa luvala ulwa kihumisa ishadanda. Lulwene niijova, uluhaavi lwangu ulwa kiifwa lwafikha.

Vahebulaniya 3:14

Ose tili lumo nu Kilisito, nda tive tikiyijimfilisa kimuhuviilila uNguluvi ngaja shina tayihuvililaga kihuma pashiyanso, mbakha kuwudugo wa wuumi weesu.

1 Petulo 2:7

Ilingʼanga ili lya lishima kunyeenyu omwe muna mukimuhuviilila. Leelo kwa vala vina vasikimuhuviilila uNguluvi, aMayandikhwa aManofu giijova, “Ilingʼanga lina avasengaaji valikhaanaga, lilyene liveele lingʼanga likhome ilya ku mbogonyo ya luutu lwa nanda.”

2 Petulo 1:2

UNguluvi avayonjelese imota nu wulindamafu kwa kimumanya umwene nu Yeesu uMutwa weesu.

2 Petulo 1:3

Kwa ngufu saakwe kihuma kwa Nguluvi, uKilisito atupeelile goona gina tigayile, baheene tive ni njendo isa kimugota uNguluvi. Umwene atupeelile ago kwa kimumanya uNguluvi yuna atushemeelile kwa wutupikho ni ngufu saakwe yumwene.

2 Petulo 1:8

Nda mwiva ni njendo iso soona kwa winshi, baheene sisivatanje kimusenjela uMutwa weesu uYeesu Kilisito na kisenga amanofu, baheene mumumanye umwene.

2 Petulo 3:18

Leelo muyitenekhaje kikula mu mota na mu wumanyi wa Mutwa nu Mukulusaaji weesu uYeesu Kilisito. Uwutupikho wuve kwa mwene, uluhaavi ulu nu lwa shiluta! Amina.

1 Yohana 1:3

Tikivakhoma imola isa Yeesu uyo, yuna tamwagaga na kimupulikha, baheene muhanje noose. Kihanga ukho, kukwene kiiva lumo nu Wiheesu uNguluvi, nu Lusawo lwakwe uYeesu Kilisito.

1 Yohana 2:19

Avaanu awo vahumile kunyeesu, leelo vasikhandi shipuga shimo noose. Kiiva vaali vaveesaje shipuga shimo noose, ndi vasigala kunyeesu. Leelo vawuukhaga, baheene lwamanyikha bahawuvalafu kiija, vasikhandi shipuga shimo noose.

1 Yohana 5:20

Khanji timeenye kiija, uLusawo lwa Nguluvi wáyinsile mu nyi, wátupeela uwumanyi, baheene timumanye uNguluvi wa shiyooli. Tihanjile nu Nguluvi wa shiyooli, kwa nsila ya kihanga nu Lusawo lwakwe uYeesu Kilisito. Uyu yu Nguluvi wa shiyooli, khanji yumwene yuna ikitupeela uwuumi wa shiluta.