Vafilipi 3:6 - IShiyanso nu Lufingo uLupya

⁶ Khanji nikhandi nina ludali mandu, lulwene lwapinsaaga naava nikifilafya ifipuga fya vahuvililaaji va Yeesu Kilisito. Mu ndaji iso, one nikhandi mugolofu, nisikhandi nipiikhwa.

Vafilipi 3:6 Iomraidhean Croise

Mataayo 23:25

“Aka omwe, vamanyisaaji va ndaji sa Musa na Vafalisaayo vamyansi! Muli ngaja umuunu yuna iyoosa ikhoomasi ni sahani kwa kunja hela, leelo iilekha kiyoosa uwushaafu wuna wuli mukhati. Na yuumwe muna wushaafu winshi uwa wushemi nu wushooyo mu numbula seenyu.

Mataayo 5:20

Nikivajovela kiija nda musiiva vagolofu kivashila aVafalisaayo na vamanyisaaji va ndaji sa Musa, mumanyaje kiija musikhayinjila kaa, mu Wutwa wa Nguluvi.

Luuka 1:6

USakaliya nu Elisabeti vakhandi vagolofu pa Nguluvi, vayinatilaga wunofu indaji soona sa Nguluvi, vasipiikhwa.

Nsengo sa Vanandeje 21:20

Vaganile kipulikha ago, vamusufya uNguluvi. Baheene vamujovela uPawulo vaajova, “Owe lukholo lwesu, wiloleela aVayahuudi vinshi mandu shina vamuhuviliile uYeesu. Awo woona viyinatila mandu indaji sa Musa kwa shiyooli.

Nsengo sa Vanandeje 22:5

Ago gina nikivajovela omwe, hata nu mutambule umukhome lumo ni livansa lya Vayahuudi vakwiliile kilunjikha kiija ga shiyooli. Aveene vakhanipeelile ibalula isa kivatwalila aVayahuudi vayeesu vina vakhandi mu lijumbi lya Damesiki. One nikhandi niiluta ukho, kiija nivapinye avaanu ava, na kivaleeta pa Yelusalemu apa, kiija valafisiwe.

Nsengo sa Vanandeje 26:5

Vanimeenye kihuma khala, khanji nda vageene, aveene vakwiliile kinibedela kiija nikhandi munyaayumo mu shipuga sha Vafalisaayo. Awo vasiyinatilaga mandu indaji sa Nguluvi kishila ifipuga fyona.

Nsengo sa Vanandeje 8:3

USawuli wáyansa kilafya ishipuga sha vahuvililaaji va Yeesu. Akhandi ihuluta mu nanda sa vaanu, akhandi ikivaduluuna avagoosi na vashimaayi, akhandi ikivadindila mu shifungo.

Valuumi 7:9

Ulwamwandi nikhandi niikhala nisisimeenye indaji sa Nguluvi, leelo naganaga kisimanya indaji, uwunansi waava nu wutawulilwa,

1 Vakolinto 10:32

Musikhavapinsaaji aVayahuudi na vina vasili Vayahuudi hata ishipuga sha vahuvililaaji va Nguluvi.

1 Vakolinto 15:9

One nili munangʼana mu vanandeje, nisikwiliile hata kitambulwa mwanandeje, kwa kiiva nafilafyaga ifipuga fya vahuvililaaji va Nguluvi.

Vafilipi 2:15

baheene muve vaana vagolofu va Nguluvi, vina vasipiikhwa, khanji muve vaanu vina vasilogolwa amavi mu vaanu va lino, vina vanansi mandu. Mu vaanu awo, omwe muwonekhaje ngaja ngʼali sina singʼalikha mu nyi.

Vafilipi 3:9

khanji nive lumo nu mwene. Nisihuviilila khanji kiiva mugolofu pa Nguluvi kwa kisiyinatila indaji sa Musa, leelo niiva mugolofu kwa kimuhuviilila uKilisito. UNguluvi yumwene yuna ikinivasisa kiiva mugolofu, kwa kiiva nikimuhuviilila uKilisito.

1 Timoteo 1:13

hata yive ulwamwandi namuligaga uKilisito na kivalafya avaanu vaakwe. Leelo wánisungupilaga kwa kiiva nikhandi niigaha ago kwa wuyasu nu wungaya lihuuvi.