Vafilipi 3:19 - IShiyanso nu Lufingo uLupya

¹⁹ Kuwudugo waanave avalugu awo, uNguluvi akhavabuda, kwa kiiva uwupafu waanave ni linguluvi lyanave. Avaanu awo vikiyisufya pina viigaha aga wuyegufu, amahiiva gaanave vihiiva hela aga mu nyi.

Vafilipi 3:19 Iomraidhean Croise

Valuumi 16:18

Avaanu ngaja awo vasikimusenjela uMutwa weesu uKilisito, leelo visenga kwa kifwata uwupafu waanave. Vilogola amaswi amanofu aga kishendeefya, leelo vikivajanga avahuvililaaji avawoto.

2 Petulo 2:3

Kwa wupafu waanave uwa kipata ulutono, vakhava vikivasimila insimo isa wudehi, baheene vatoole ifiinu fyenyu. Leelo kihuma pawukuulu, uNguluvi ayipinyile kivahiga, ali meeho, khanji akhavabuda!

Vakolosaayi 3:2

Musikhahiivaji aga mu nyi muno, leelo hiivaji gina gali kushaanya,

2 Petulo 2:1

Uluhaavi pina avakuwamalago vakuwaagwa mu Vaisilaheli, avakuwamalago vamonga vakhandi vakuwamalago avadehi. Shiisho ndeeno na yuumwe, avamanyisaaji va wudehi, vakhawonekha kunyeenyu. Avaanu awo vakhayinjisa amamanyiso aga kiyasa na kimukhaana uYeesu uMulongosaaji uMukhome, yuna wávakulusaaga. Kwa nsila iyo vakhahonsa kibudwa nyangu vaveene.

2 Vakolinto 11:15

Khanji tisiswiga pina avasenga nsengo vaakwe woope, vikiyihwananisa kiiva ngaja vavanda vagolofu. Kuwudugo waanave, vakhaposheela amalava ga njendo saanave imbi.

2 Vakolinto 11:12

Nikhayitenekha kigaha ngaja shina niigaha lino, baheene avanandeje awo vina vikiyiwona kiija aveene vakhome, vapootwe isha kiyisufya kiiva viigaha ngaja ose.

2 Petulo 2:13

Khanji vakhahombwa amalava kwa malava, gina vavapinsisiise avaanu avanji. Vishendeeva kigaha uwupafu waanave uwuvi bahawuvalafu. Vishendeeva kivajanga pina viilya lumo noomwe. Kwa nsila iyo, vikivahonsa muve ni nsoni ngaja amavala mu menda amavalafu.

Vagalatiya 6:13

Hata vina visakula kiiva vahuvililaaji woona vayinjisiwe ijando, vasikisifwata indaji soona. Visakula omwe muyinjisiwe ijando, baheene vayisufye kwa shimanyilo isho mu mavili geenyu.

Wugubutulo 21:8

Leelo avaanu awooga na vina vasikimuhuviilila uNguluvi, avanya njendo sina sikimukhalasa uNguluvi, avabudaaji, avashemi, avahavi, vina vifuunya amanguluvi, avadehi, awo woona uluvala lwanave lukhava mu lilamba ilikhome lina liveekha umooto mukhali mandu. Iyo yiyeene mfwa ya wuvili.”

1 Vakolinto 3:3

kwa kiiva mushaanali mulongosewa ni njowo sa mu nyi. Wuli, nda munyeenyu kuna wushooyo ni libaatu, ago gasiwonensa kiija mushaanali mulongosewa ni njowo sa mu nyi, na mwikhala ngaja vaanu va mu nyi?

Wugubutulo 22:15

Leelo avahavi woona, avashemi, avabudaaji, vina vifuunya amanguluvi na woona vina vidobokha aga wudehi na kigaha, vakhakhala kunja ya lijumbi ilyo ngaja mbwa.

Yuuda 1:16

Avaanu ava vingʼuula na kilalamikha, viyinatila uwupafu waanave uwuvi. Vikiyisufya mandu na kivasufya mandu avaanu, kiija vayipatile ulutono.

2 Timoteo 3:4

vadolelaaji, vanya shidada, vanya matuupa, vina vidobokha kigaha gina amavili gaanave gisakula, viilekha kimugana uNguluvi.

1 Timoteo 6:5

khanji insiku soona ginangania amapulinkhano. Avaanu awo vananjiishe uluhala, vangaya shiyooli. Vihiiva kiija kisenga insengo ya Nguluvi, yiyeene nsila ya kikwava uwusi.

2 Vatesalonike 2:12

Apo woona vina vasihuviilila ishiyooli leelo vishendeevela uwunansi, vakhahigwa.

Vafilipi 2:21

Avanji woona vikisituna injowo saanave hela, vasikiyituna insengo yina uYeesu Kilisito ikiyisakula.

1 Vakolinto 5:6

Kiyihala kwenyu kusifwaya. Aasi, musimeenye kiija ilihelu lidoodo hela, liwumula ilisapikhwa lyona?

1 Vakolinto 5:2

Wuli! Kwashi omwe mukiyitumfya? Shiba musugumilwe na kimuwuusa umuunu yula yuna iigaha ago paakhati yeenyu!

Wugubutulo 19:20

Leelo ilikhanu, lumo nu mukuwamalago umudehi yuna wágahaga amabikha kwa kiiva yaakwe, vagalulwagwa. Kwa kigaha amabikha gaakwe ago, umukuwamalago uyo akhandi ikivajanga avaanu vina vakhandi vavishiilwe ishimanyilo isha likhanu ilyo ilikhome, na kiyifuunya isanaamu yaakwe. Baheene woona vavili pina wuumi, vataagwa mu lilamba ilikhome lila ilya mooto umukhali mandu.

Yaakobo 4:16

Leelo omwe mukiyitumfya kwa gina muhiiva kigasenga. Kiyitumfya ngaja ndeeno, kuvi.

2 Vatesalonike 2:8

Apo baheene akhawonekha. Baheene uMutwa uYeesu akhamubuda na kimuyasilinkhania khabisa, kwa wutupikho waakwe wuna wukhawonekha pina akhayinsa.

Luuka 18:4

“Nsiku nyinshi sashilaga, umuhigaaji yula akhandi apiyiteneeshe kikhaana kimutanga umufwile yula. Baheene kuwudugo, wáhiivile mu numbula yaakwe wáaja, ‘Hata nda nisikimutiila uNguluvi, wala kivatuna avaanu kivatanga,

Luuka 16:19

“Akhandi akwali umunya wusi yumonga, yuna akhandi ifwala umwenda munofu gwa hela nyinshi. Insiku soona akhandi iilya ishakiilya sha lutogo.

Luuka 12:19

Apo baheene nikhajova, owe numbula yangu, una fiinu finshi finofu ifya kikutanga maakha minshi. Lino singamala, ulye na kiingʼwa, ushendeeve.’

Mataayo 25:41

“Baheene nisivajovele vala vina vali lubali lwangu lwa kunshiji nisiijove, ‘Wuushi apa omwe muna muyijiilwe nu Nguluvi! Lutaji mu malafyo ga mooto gwa shiluta guna uNguluvi aviishile kwa kiiva ya Shetaani na vamalayikha vaakwe.

Mataayo 16:23

Leelo uYeesu wáseetukha, wámujovela uPetulo wáaja, “Wuukha kumwandi yangu owe Shetaani, kiiva wiijesa kinisivila kigaha gina isakula uNguluvi, wihiiva ga vaanu.”

Wugubutulo 18:7

Yili ngaja shina likiyihala na kikhala uwiikhasi wa wupafu, shiisho ndeeno, mulilafye na kiligaha liyaalame. Likiyihala mu numbula yaakwe kiija, ‘One niikhala mu shitengo shangu na kitema ngaja mutwa wa shidala. One nisili mufwile, khanji nisikhayaalama kaa!’

Yuuda 1:4

Nikivayandishila ibalula iyi, kwa kiiva kuna vaanu vamonga vina vasikimuyinatila uNguluvi, vayiyinjiise kwa wufiho na kiyihansa noomwe. Avaanu awo viijova kiija, hata nda tigahe uwunansi, ulusungu lwa Nguluvi luli lumo noose. Kwa kigaha ndeeno, vikimukhaana uYeesu Kilisito uMulongosaaji uMukhome, uMutwa weesu. Leelo kihuma pawukuulu yiyandiikhwe kiija, avaanu ava vakhahigwa.

Valuumi 6:21

Leelo wuli, mwapataga lutono lushi kilingana ni njendo seenyu imbi, sina lino sikivagaha mwiwona insoni? Kusiina lutono loloona! Injowo iso sileeta imfwa.

2 Vatesalonike 1:9

Awo vakhalafisiwa shiluta na kitaagwa kutali nu Mutwa uYeesu, nu wutupikho waakwe uwukhome.

Yuuda 1:10

Leelo avaanu ava vilogola fivi ulwa mola sina vasisimeenye. Viigaha shoshoona ngaja nkhanu sina sisihiiva, kiiva ya wupafu waanave uwuvi wuna wukivalongosa, ago gageene gina gikivabuda.