Vafilipi 3:14 - IShiyanso nu Lufingo uLupya

¹⁴ Lino nipikiyikhangasa kiija nifishe pamwandi, mbakha nipate ilihombo lyangu. Ilihombo ilyo, uNguluvi wánishemeelaga kishilila kwa Kilisito Yeesu, kiija nikhaluta kipata kwa Nguluvi.

Vafilipi 3:14 Iomraidhean Croise

Luuka 16:16

Indaji sa Musa na mataafili ga vakuwamalago, gavalongosaaga avaanu mbakha uluhaavi lwa Yohana uMutwiniaji. Kihuma uluhaavi ulo, iMola iNofu iya Wutwa wa Nguluvi yiikhomwa, woona viijowa kwa ngufu kiija, vahulute mu Wutwa uwo.

Valuumi 11:29

UNguluvi nda avabaagule avaanu vaakwe na kivayimiilila, asikwiliile kiseetukha.

1 Vakolinto 9:24

Musimeenye kiija avaanu vina vimenana uluvilo, woona viisiga, leelo yuna iyanushila ulutono ali yumo? Ndeeno muveesaje mwisiga mandu, baheene na yuumwe mukhayanushila ulutono.

2 Vakolinto 4:17

Tisiyoolopwa, kwa kiiva amalava geesu mapeefu, khanji ga luhaavi lufupi hela. Amalava ago, gikituyandaalila uwutupikho wa shiluta. Uwutupikho uwo wukhome mandu, wukitugaha kiloleela amalava aga, kiija gasili shiinu.

Vafilipi 3:3

Ose yuuse vaanu vina tiyinjisiiwe ijando mu numbula seesu, kwa kiiva uNumbula wa Nguluvi ikitutanga kimufuunya uNguluvi. Ose tikiyihalila uKilisito Yeesu na kimuhuviilila. Khanji ose tisikiyihuviilila injendo seesu isa mu muvili, kiija tipate uwukulukho,

Vakolosaayi 2:18

Musikhamupulisaaji umuunu yoyoona yuna ikiyitumfya kwa wuhuugu uwa wudehi, yuna ikivafuunya avamalayikha. Iigaha ndeeno kwa kiiva ihuviilila amahilu. Umuunu uyo asikhavapokhaga injoola yeenyu iya wiikhasi wa shiluta, uyo muyasu, ana mahiiva mavi aga mu nyi.

1 Vatesalonike 2:12

baheene mukhale shina uNguluvi idobokha. UNguluvi uyo yumwene yuna ikivashemeela kiyinjila mu Wutwa waakwe uwa wutupikho.

2 Timoteo 1:9

Umwene atukulwise, atuviishile tive vavalafu. Asikhagahile ilyo kwa kiiva ya njendo seesu inofu, leelo wágahaga kwa kiiva ya lugulumilo lwakwe ni mota yaakwe. Pina ashaanali kiwumba nyi, wágulumilaga kitupeela imota iyo kwa kimufilikha uKilisito Yeesu kiyinsa kitukulusa.

Vahebulaniya 3:1

Omwe vahuvililaaji vayangu, muna muli vabaagule, muna mushemeliilwe nu Nguluvi lumo noose, mumuhivililaje mandu uYeesu uMwanandeje wa Nguluvi na Mutambule Mukhome yuna tikimuhuviilila.

Vahebulaniya 6:1

Ino, tisikhayitenekhaga kisigala kwa gala gina tayimanyisaaga ulwa Kilisito kihuma ulwamwandi, ila tijimbaje kiyimanyisa, baheene tive vavanda vina vajinile mu lihuuvi. Tisikhawuyiilaga khanji kisenga uluutu lwa mamanyiso ga kilambiisila injendo sila sina sipinsa imfwa na mamanyiso aga kimuhuviilila uNguluvi.

1 Petulo 1:13

Ndeeno, muveesaje tayaali na kiyivavala, muviishe uluhuviililo lwenyu mu mota yina musiposheele uluhaavi luna uYeesu Kilisito akhawonekha.

1 Petulo 5:10

UNguluvi avapeelile imota yoona! Wávashemeelaga omwe, baheene muhanje nawo mu wutupikho waakwe wa shiluta, lumo nu Kilisito. Kwa luhaavi, mwilava, leelo umwene akhavajinia, akhavapeela ingufu, na kivalunjikha.

2 Petulo 1:3

Kwa ngufu saakwe kihuma kwa Nguluvi, uKilisito atupeelile goona gina tigayile, baheene tive ni njendo isa kimugota uNguluvi. Umwene atupeelile ago kwa kimumanya uNguluvi yuna atushemeelile kwa wutupikho ni ngufu saakwe yumwene.

Wugubutulo 3:21

Umuunu yuna akhamena, nikhamuyiitikha kikhala lumo noone mu shitengo shangu sha Wutwa. Akhava ngaja one yuna nagamenaga amajelo, nikheele lumo nu Daada mu shitengo shaakwe sha Wutwa.