Vafilipi 3:12 - IShiyanso nu Lufingo uLupya

¹² One nisiijova nigapatile ago, awu kiija nili mugolofu kwa goona. Ndaali! Leelo, nipikiyikhangasa kiija nikhagapata ago. Ago gageene gina uKilisito Yeesu wánishemelelaga nipate.

Vafilipi 3:12 Iomraidhean Croise

Mataayo 5:48

Lino, muveesaje vagolofu ngaja uWiheenyu uwa kushaanya shina mugolofu.”

Nsengo sa Vanandeje 9:15

Leelo uMutwa wámujovela uAnaniya wáaja, “Lutaga hela! Umuunu uyo, namubaagula ave muvanda wangu, amanyise ilitaawa lyangu kwa vala vina vasili Vayahuudi, kwa vatwa vaanave, khanji na kwa Vayahuudi vaveene.

1 Vakolinto 13:10

Leelo uluhaavi luna lukhamiliishe lukhayinsa, ago gina gasikhamiliishe, gakhashila.

1 Vakolinto 13:12

Shina tiloleela lino, yili ngaja kiloleela ishiinu kwa shihwano mu shilole, leelo paanyuma tikhayinsa kifiloleela kwa meeho shina fishwali. Uluhaavi ulu timeenye masheefu hela, leelo paanyuma tikhamanya mandu ngaja uNguluvi shina atumeenye ose.

1 Vakolinto 9:24

Musimeenye kiija avaanu vina vimenana uluvilo, woona viisiga, leelo yuna iyanushila ulutono ali yumo? Ndeeno muveesaje mwisiga mandu, baheene na yuumwe mukhayanushila ulutono.

2 Vakolinto 13:9

Tishendeeva kiija ose tili vawoto, leelo omwe muna ngufu. Ndeeno tikimufuunya uNguluvi, avajinie mu lihuuvi.

2 Vakolinto 7:1

Lino vagani vangu, kwa kiiva uNguluvi wátahisaaga kitupeela ago goona, tiyivalase mu goona gina gikitugaha kiiva vaafu amavili ni numbula seesu. Tive vagolofu kwa nsila ya kimutiila uNguluvi.

Vagalatiya 5:17

Nikivajovela ndeeno, kwa kiiva fyona fina idobokha umuunu umunansi, yisili ngaja shina isakula uNumbula uMunofu. UNumbula uMunofu nu muunu umunansi vasipulinkhana, ndeeno, musikwiliile kigaha shoshoona shina mwidobokha.

Vaefeso 1:4

Uluhaavi uNguluvi pina akhandi ashaanali kiwumba inyi, wátuhagulaga kiija tive vaanu vaakwe, kwa nsila ya kilungana kwesu nu Kilisito. Wágahaga ndeeno baheene tive vagolofu, vina tisipiikhwa pamwene. Kwa kiiva ya kitugana ose,

Vaefeso 4:12

Wágahaga ndeeno, baheene avayandaale avahuvililaaji va Nguluvi kisenga insengo yaakwe uNguluvi, na vahuvililaaji va Yeesu Kilisito vajine mu lihuuvi.

Vafilipi 1:1

Ibalula iyi yihumile kunyangu one Pawulo, lumo nu Timoteo. Ose tili vavanda va Kilisito Yeesu. Tikivayandishila omwe vabaagule woona va Kilisito Yeesu, muna muli ku lijumbi lya Filipi, lumo na vayimililaaji na vavanda va shipuga sha vahuvililaaji.

Vafilipi 3:16

Ishiinu ishikhome lino, tiyinatilaje mandu na kikhala mu lila lina uNguluvi atugubutuliile.

Vafilipi 3:3

Ose yuuse vaanu vina tiyinjisiiwe ijando mu numbula seesu, kwa kiiva uNumbula wa Nguluvi ikitutanga kimufuunya uNguluvi. Ose tikiyihalila uKilisito Yeesu na kimuhuviilila. Khanji ose tisikiyihuviilila injendo seesu isa mu muvili, kiija tipate uwukulukho,

Vafilipi 3:8

Gasili ago hela, leelo nikigaaga goona kiija gangaya lutono, pina nilingaania nu lutono ulukhome ulwa kimumanya uKilisito Yeesu uMutwa wangu. Nigaleshile aganji goona, kwa kiiva yaakwe. Nikigavasa ago kiija mafi, baheene nive muunu wa Kilisito,

1 Vatesalonike 5:15

Yiyangalilaji wunofu, umuunu yoyoona asikhamuhombesaaga kimugahila umuyine uwuvi, leelo wiila mujimbaje kigahilana amanofu yuumwe kwa yuumwe na kwa vaanu woona.

2 Vatesalonike 2:13

Leelo ose tisakulwa kimuhonjesa uNguluvi wiila, kwa kiiva yeenyu vahuvililaaji vayeesu, omwe vina uMutwa uYeesu avageene. Tikimuhonjesa uNguluvi kwa kiiva akhavabagwile kihuma pashiyanso isha kiwumbwa, baheene muposheele uwukulukho, kwa nsila ya kivalasiwa nu Numbula uMunofu na kishihuviilila ishiyooli.

1 Timoteo 5:10

Aveesaje ni njendo inofu, isunga avanaakwe wunofu, musajisaaji wa vahensa na vahuvililaaji va Yeesu, avatanjile vina vilafisiwa, khanji asenjile insengo soona inofu.

1 Timoteo 6:19

Kisenga insengo inofu iso, kuli ngaja kiviikha mu shihenje ifiinu fya kivatanga uluhaavi luna luyinsa. Ukho kukwene kiyiviishila uluutu uluumu kwa nsiku sina siyinsa. Apo baheene vakhaposheela uwuumi wa shiyooli.

Vahebulaniya 12:14

Omwe vahuvililaaji vayangu, jimbaji kikhala kwa wulindamafu na vaanu woona. Khanji jimbaji kiiva vagolofu mu wiikhasi weenyu, kwa kiiva kusiina umuunu yuna akwiliile kimwaga uMutwa uNguluvi, nda asili mugolofu.

Vahebulaniya 12:23

Omwe mwafikha mu shipuga ishikhome isha vahuvililaaji woona, vina uNguluvi ikivatambula kiija vanaakwe va wutasi kisawa. Avahuvililaaji awo amataawa gaanave gayandiikhwe kushaanya. Mwafikha pa Nguluvi yuna Muhigaaji wa vaanu woona na pa vaanu avagolofu, vina vavalasiiwe nu Nguluvi.

Vahebulaniya 13:21

umwene ayiteneshe kivapeela ingufu isa kisenga insengo soona, sina isakula musisenje. Khanji agahe mu numbula seenyu gina gikimushendeefya, kwa nsila ya Yeesu Kilisito. Umwene atupikhwe shiluta na shiluta! Amina.

Yaakobo 3:2

Ose woona tipungania, tiigaha uwunansi kwa nsila nyinshi. Nda akwali umuunu yuna asipungania mu gala gina ilogola, uyo iiva wáajina mandu, iimanya kigusivila umuvili gwakwe goona.

1 Petulo 5:10

UNguluvi avapeelile imota yoona! Wávashemeelaga omwe, baheene muhanje nawo mu wutupikho waakwe wa shiluta, lumo nu Kilisito. Kwa luhaavi, mwilava, leelo umwene akhavajinia, akhavapeela ingufu, na kivalunjikha.

2 Petulo 3:18

Leelo muyitenekhaje kikula mu mota na mu wumanyi wa Mutwa nu Mukulusaaji weesu uYeesu Kilisito. Uwutupikho wuve kwa mwene, uluhaavi ulu nu lwa shiluta! Amina.